헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 48)

ταῦτ’ εἰπὼν ὁρ́κον, ὅσπερ μέγιστοσ αὐτοῖσ ἦν, διομοσάμενοσ ἢ τὸν νόμον ἐπικυρώσειν ἢ τοῦ ζῆν μεθήσεσθαι, σιωπῆσ γενομένησ ἐκ τοῦ πλήθουσ καὶ ἐναγωνίου προσδοκίασ, ἐφ’ ᾧ μέλλει δρᾶν, ἐκέλευσε μεταχωρεῖν ἐκ τῆσ ἐκκλησίασ τὸν Ἄππιον. ὡσ δ’ οὐκ ἐπείθετο, ἀλλὰ τοὺσ ῥαβδούχουσ παραστησάμενοσ καὶ τὸν ὄχλον, ὃν ἦγε παρασκευασάμενοσ οἴκοθεν, ἀπεμάχετο μὴ παραχωρῆσαι τῆσ ἀγορᾶσ, σιωπὴν ὑποκηρυξάμενοσ ὁ Λαιτώριοσ ἀνεῖπεν, ὅτι τὸν ὕπατον εἰσ φυλακὴν κελεύουσιν ἀπάγειν οἱ δήμαρχοι. καὶ ὁ μὲν ὑπηρέτησ κελευσθεὶσ ὑπ’ αὐτοῦ προσῆγεν ὡσ τοῦ σώματοσ ἐπιληψόμενοσ·

τῶν δὲ ῥαβδούχων ὁ πρῶτοσ ἐπιτυχὼν παίων αὐτὸν ἀπήλασε. κραυγῆσ δ’ ἐκ τῶν παρόντων γενομένησ μεγάλησ καὶ ἀγανακτήσεωσ ἱέται αὐτὸσ ὁ Λαιτώριοσ παρακελευσάμενοσ τοῖσ ὄχλοισ ἀμύνειν, καὶ οἱ περὶ τὸν Ἄππιον στῖφοσ ἔχοντεσ νέων πολὺ καὶ καρτερὸν ὑφίστανται. καὶ μετὰ τοῦτο λόγοι τ’ ἀσχήμονεσ ἐγένοντο εἰσ ἀλλήλουσ καὶ καταβοαὶ καὶ σωμάτων ὠθισμοί·

καὶ τελευτῶσα εἰσ χεῖρασ ἀπέσκηψεν ἡ ἔρισ, καὶ εἰσ λίθων ἤρξατο προβαίνειν βολάσ. ἐπέσχε δὲ ταῦτα καὶ τοῦ μὴ προσωτέρω χωρῆσαι τὰ δεινὰ Κοίντιοσ ἅτεροσ τῶν ὑπάτων αἴτιοσ ἐγένετο, δεόμενόσ τε πάντων καὶ λιπαρῶν σὺν τοῖσ πρεσβυτάτοισ τῶν ἐκ τοῦ συνεδρίου καὶ εἰσ μέσουσ τοὺσ ἁψιμαχοῦντασ ὠθούμενοσ.

ἦν δὲ καὶ τῆσ ἡμέρασ τὸ λειπόμενον βραχὺ μέροσ, ὥστ’ ἀκούσιοι ἀπ’ ἀλλήλων διελύθησαν. ταῖσ δ’ ἑξῆσ ἡμέραισ αἵ τ’ ἀρχαὶ ἀλλήλαισ ἐνεκάλουν, ὁ μὲν ὕπατοσ τοῖσ δημάρχοισ, ὅτι καταλύειν αὐτοῦ τὴν ἀρχὴν ἠξίουν ἐσ τὸ δεσμωτήριον τὸν ὕπατον ἀπάγειν κελεύσαντεσ, τῷ δ’ ὑπάτῳ οἱ δήμαρχοι, ὡσ ἐμβεβληκότι πληγὰσ σώμασιν ἱεροῖσ καὶ καθωσιωμένοισ ὑπὸ τοῦ νόμου ‐ καὶ ὁ Λαιτώριοσ τὰ ἴχνη τῶν πληγῶν εἶχεν ἐπὶ τῆσ ὄψεωσ ἔτι φανερά ‐ ἥ τε πόλισ ὅλη διοιδοῦσα καὶ ἀγριαινομένη διειστήκει.

ἔπειτα ὁ μὲν δῆμοσ ἐφρούρει τὸ Καπιτώλιον ἅμα τοῖσ δημάρχοισ, οὔθ’ ἡμέρασ οὔτε νυκτὸσ ἐκλείπων τὴν φυλακήν·

ἡ δὲ βουλὴ συνιοῦσα πολλὴν καὶ ἐπίπονον ἐποιεῖτο ζήτησιν, ὅπωσ χρὴ παῦσαι τὴν διχοστασίαν, τοῦ τε κινδύνου τὸ μέγεθοσ ἐνθυμουμένη, καὶ ὅτι οὐδὲ τοῖσ ὑπάτοισ τὰ αὐτὰ παρειστήκει φρονεῖν.

ὁ μὲν γὰρ Κοίντιοσ εἴκειν τῷ δήμῳ τὰ μέτρια ἠξίου, ὁ δ’ Ἄππιοσ μέχρι θανάτου ἀντέχειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 48

(디오니시오스, Antiquitates Romanae, Books VII-IX, book 9, chapter 48)

상위

목록

SEARCH

MENU NAVIGATION