헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 15)

συναχθείσησ δὲ μετὰ τοῦτο τῆσ βουλῆσ ὑπὸ τῶν ὑπάτων καὶ σκέψεωσ γενομένησ, τίνα χρὴ πολεμεῖν τοῖσ Οὐιεντανοῖσ τρόπον, ἡ νικῶσα ἦν γνώμη, στράτευμα συνεστηκὸσ ἔχειν ἐπὶ τοῖσ ὁρίοισ, ὃ διὰ φυλακῆσ ἕξει τὴν χώραν θυραυλοῦν καὶ αἰεὶ μένον ἐν τοῖσ ὅπλοισ. ἐλύπει δ’ αὐτοὺσ ἥ τ’ εἰσ τοὺσ φρουροὺσ δαπάνη πολλὴ σφόδρα ἐσομένη, τοῦ τε κοινοῦ ταμιείου διὰ τὰσ συνεχεῖσ στρατείασ ἐξαναλωμένου καὶ τῶν ἰδίων βίων ἀπειρηκότων ταῖσ εἰσφοραῖσ· ἂν γένοιτο, ὡσ οὐκ ἂν ἑκουσίων γέ τινων προκειμένων ἁπάντων, καὶ μὴ ἐκ διαδοχῆσ, ἀλλὰ συνεχῶσ ταλαιπωρεῖν ὑποστησομένων.

ἀδημονούσησ δ’ αὐτῆσ ἐπ’ ἀμφοτέροισ τούτοισ συγκαλέσαντεσ οἱ δύο Φάβιοι τοὺσ μετέχοντασ τοῦ σφετέρου γένουσ καὶ βουλευσάμενοι μετ’ αὐτῶν ὑπέσχοντο τῇ βουλῇ τοῦτο τὸ κινδύνευμα αὐτοὶ περὶ πάντων ἑκόντεσ ὑπομενεῖν, πελάτασ τε τοὺσ ἑαυτῶν ἐπαγόμενοι καὶ φίλουσ καὶ τέλεσι τοῖσ ἰδίοισ, ὅσον ἂν χρόνον ὁ πόλεμοσ διαμένῃ, στρατευόμενοι.

ἀγασθέντων δ’ αὐτοὺσ ἁπάντων τοῦ γενναίου τῆσ προθυμίασ καὶ τὸ νικᾶν παρ’ ἓν τοῦτο τὸ ἔργον τιθεμένων, κλεινοὶ καὶ περιβόητοι καθ’ ὅλην τὴν πόλιν ὄντεσ ἐξῄεσαν ἀναλαβόντεσ τὰ ὅπλα σὺν εὐχαῖσ καὶ θυσίαισ.

ἡγεῖτο δ’ αὐτῶν Μάρκοσ Φάβιοσ ὁ τῷ παρελθόντι ὑπατεύσασ ἔτει καὶ νικήσασ τοὺσ Τυρρηνοὺσ τῇ μάχῃ, τετρακισχιλίουσ μάλιστα ἐπαγόμενοσ, ὧν τὸ μὲν πλεῖον πελατῶν τε καὶ ἑταίρων ἦν, ἐκ δὲ τοῦ Φαβίων γένουσ ἓξ καὶ τριακόσιοι ἄνδρεσ. αὐτοῖσ μετ’ οὐ πολὺ καὶ ἡ Ῥωμαίων δύναμισ, ἧσ ἡγεῖτο Καίσων Φάβιοσ ὁ ἕτεροσ τῶν ὑπάτων.

γενόμενοι δὲ ποταμοῦ Κρεμέρασ πλησίον, ὃσ οὐ μακρὰν ἀπέχει τῆσ Οὐιεντανῶν πόλεωσ, ὑπὲρ ὄχθου τινὸσ ἀποτόμου καὶ περιρρῶγοσ ἐπετείχιζον αὐτοῖσ φρούριον ἱκανὸν φυλάττεσθαι τοσαύτῃ στρατιᾷ τάφρουσ τ’ ὀρυξάμενοι περὶ αὐτὸ διπλᾶσ καὶ πύργουσ ἐγείραντεσ πυκνούσ·

καὶ ὠνομάσθη τὸ φρούριον ἐπὶ τοῦ ποταμοῦ Κρεμέρα. οἱᾶ δὲ πολυχειρίασ τ’ ἐργαζομένησ καὶ ὑπάτου συλλαμβάνοντοσ, θᾶττον ἢ κατὰ δόξαν ἐτελέσθη τὸ ἔργον. καὶ μετὰ τοῦτ’ ἐξαγαγὼν τὴν δύναμιν παρήλασεν ἐπὶ θάτερα μέρη τῆσ Οὐιεντανῶν χώρασ τὰ πρὸσ τὴν ἄλλην ἐστραμμένα Τυρρηνίαν, ἔνθα ἦν τοῖσ Οὐιεντανοῖσ τὰ βοσκήματα, οὐδέποτε στρατὸν ἥξειν Ῥωμαίων ἐκεῖ προσδεχομένοισ.

περιβαλόμενοσ δὲ πολλὴν λείαν ἀπῆγεν ἐπὶ τὸ νεόκτιστον φρούριον, χαίρων ἐπὶ τῇ ἄγρᾳ κατ’ ἀμφότερα, τῆσ τ’ οὐ διὰ μακροῦ τῶν πολεμίων τιμωρίασ ἕνεκα, καὶ ὅτι τοῖσ φρουροῖσ τοῦ χωρίου πολλὴν ἔμελλε παρέξειν εὐπορίαν. οὐδὲν γὰρ οὔτ’ εἰσ τὸ δημόσιον ἀνήνεγκεν, οὔτε τοῖσ στρατευομένοισ ἀπένειμεν, ἀλλὰ καὶ πρόβατα καὶ ὑποζύγια καὶ ζεύγη βοεικὰ καὶ σίδηρον καὶ τἆλλα, ὅσα εἰσ γεωργίαν ἐπιτήδεια ἦν, τοῖσ περιπόλοισ τῆσ χώρασ ἐχαρίσατο.

ταῦτα διαπραξάμενοσ ἀπῆγεν ἐπ’ οἴκου τὴν στρατιάν.

τοῖσ δὲ Οὐιεντανοῖσ μετὰ τὸν ἐπιτειχισμὸν τοῦ χωρίου κακῶσ πάνυ τὰ πράγματ’ εἶχεν, οὔτε τὴν γῆν ἔτι δυναμένοισ ἀσφαλῶσ γεωργεῖν οὔτε τὰσ ἔξωθεν εἰσαγομένασ ἀγορὰσ δέχεσθαι. νείμαντεσ γὰρ εἰσ τέτταρα μέρη τὴν στρατιὰν οἱ Φάβιοι, τῷ μὲν ἑνὶ διεφύλαττον τὸ χωρίον, τοῖσ δὲ τρισὶ τὴν χώραν τῶν πολεμίων ἄγοντέσ τε καὶ φέροντεσ ἀεὶ διετέλουν·

καὶ πολλάκισ τῶν Οὐιεντανῶν ἐκ τοῦ φανεροῦ τ’ αὐτοῖσ ἐπιθεμένων χειρὶ οὐκ ὀλίγῃ καὶ εἰσ χωρία ἐνέδραισ κατεχόμενα ὑπαγομένων, περιῆσαν ἀμφοτέρωσ καὶ πολλοὺσ νεκροὺσ ποιήσαντεσ ἀσφαλῶσ ἀπῄεσαν εἰσ τὸ χωρίον. ὥστ’ οὐδ’ ὁμόσε χωρεῖν αὐτοῖσ ἔτι οἱ πολέμιοι ἐτόλμων, ἀλλὰ τειχήρεισ μένοντεσ τὰ πολλὰ καὶ κλέπτοντεσ τὰσ ἐξόδουσ διετέλουν, καὶ ὁ μὲν χειμὼν ἐκεῖνοσ οὕτωσ ἐτελεύτα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 15

(디오니시오스, Antiquitates Romanae, Books VII-IX, book 9, chapter 15)

상위

목록

SEARCH

MENU NAVIGATION