헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 6)

οἱ δὲ Τυρρηνοὶ ἀχθόμενοι τῇ τριβῇ τοῦ πολέμου δειλίαν τ’ ὠνείδιζον τοῖσ Ῥωμαίοισ, ἐπειδὴ οὐκ ἐξῄεσαν εἰσ μάχην, καὶ ὡσ παρακεχωρηκότων αὐτῶν σφίσι τῆσ ὑπαίθρου μέγα ἐφρόνουν. καὶ ἔτι μᾶλλον ἐπήρθησαν εἰσ ὑπεροψίαν τοῦ ἀντιπάλου στρατοῦ καὶ καταφρόνησιν τῶν ὑπάτων δόξαντεσ καὶ τὸ θεῖον αὑτοῖσ συμμαχεῖν.

τοῦ γὰρ ἑτέρου τῶν ὑπάτων Γναϊού Μαλλίου κεραυνὸσ εἰσ τὸ στρατήγιον ἐμπεσὼν τήν τε σκηνὴν διέσπασε καὶ τὴν ἑστίαν ἀνέτρεψε καὶ τῶν πολεμιστηρίων ὅπλων τὰ μὲν ἐσπίλωσε, τὰ δὲ περιέκαυσε, τὰ δ’ εἰσ τέλοσ ἠφάνισεν·

ἀπέκτεινε δὲ καὶ τὸν λαμπρότατον αὐτοῦ τῶν ἵππων, ᾧ παρὰ τοὺσ ἀγῶνασ ἐχρῆτο, καὶ τῶν θεραπόντων τινάσ. λεγόντων δὲ τῶν μάντεων τοῦ τε χάρακοσ ἅλωσιν προσημαίνειν τοὺσ θεοὺσ καὶ τῶν ἐπιφανεστάτων ἀνδρῶν ἀπώλειαν, ἀναστήσασ τὴν δύναμιν ὁ Μάλλιοσ ἀπῆγε περὶ μέσασ νύκτασ ἐπὶ τὸν ἕτερον χάρακα καὶ μετὰ τοῦ συνάρχοντοσ κατεστρατοπέδευσε.

μαθόντεσ οὖν οἱ Τυρρηνοὶ τὴν ἀπανάστασιν τοῦ στρατηγοῦ καί, δι’ ἃσ αἰτίασ ἐγένετο, παρά τινων αἰχμαλώτων ἀκούσαντεσ ἐπήρθησάν τε ταῖσ γνώμαισ ἔτι μᾶλλον, ὡσ πολεμοῦντοσ τοῖσ Ῥωμαίοισ τοῦ δαιμονίου, καὶ πολλὴν εἶχον ἐλπίδα κρατήσειν αὐτῶν·

οἵ τε μάντεισ ἀκριβέστερον τῶν ἄλλοθί που δοκοῦντεσ ἐξητακέναι τὰ μετάρσια, πόθεν τε αἱ τῶν κεραυνῶν γίνονται βολαὶ καὶ τίνεσ αὐτοὺσ ὑποδέχονται μετὰ τὰσ πληγὰσ ἀπιόντασ τόποι, θεῶν τε οἷσ ἕκαστοι ἀποδίδονται καὶ τίνων ἀγαθῶν ἢ κακῶν μηνυταί, χωρεῖν ὁμόσε τοῖσ πολεμίοισ παρῄνουν διαιρούμενοι τὸ γενόμενον τοῖσ Ῥωμαίοισ σημεῖον κατὰ τάδε.

ἐπειδὴ τὸ βέλοσ εἰσ ὑπάτου σκηνὴν κατέσκηψεν, ἐν ᾗ τὸ στρατήγιον ἐνῆν, καὶ πᾶσαν αὐτὴν ἄχρι τῆσ ἑστίασ ἠφάνισεν, ὅλῃ προσημαίνειν τὸ δαιμόνιον τῇ στρατιᾷ τοῦ χάρακοσ ἔκλειψιν βίᾳ κρατηθέντοσ καὶ τῶν ἐπιφανεστάτων ὄλεθρον.

εἰ μὲν οὖν, ἔφασαν, ἔμειναν ἐν ᾧ κατέσκηψε χωρίῳ τὸ βέλοσ οἱ κατέχοντεσ αὐτό, καὶ μὴ μετηνέγκαντο τὰ σημεῖα ὡσ τοὺσ ἑτέρουσ, μιᾶσ τε παρεμβολῆσ ἁλώσει καὶ ἑνὸσ ὀλέθρῳ στρατοῦ τὸ νεμεσῶν αὐτοῖσ δαιμόνιον ἀπεπλήρωσεν ἂν τὸν χόλον·

ἐπειδὴ δὲ σοφώτεροι τῶν θεῶν εἶναι ζητοῦντεσ εἰσ τὸν ἕτερον χάρακα μετεστρατοπεδεύσαντο, καταλιπόντεσ ἔρημον τὸν τόπον, ὡσ οὐ τοῖσ ἀνθρώποισ τοῦ θεοῦ προδηλοῦντοσ τὰσ συμφοράσ, ἀλλὰ τοῖσ τόποισ, κοινὸσ ἅπασιν αὐτοῖσ ὁ παρὰ τοῦ δαίμονοσ ἥξει χόλοσ, τοῖσ τ’ ἀπαναστᾶσι καὶ τοῖσ ὑποδεξαμένοισ.

καὶ ἐπειδὴ ἁλῶναι σφῶν τὸν ἕτερον χάρακα βίᾳ θείασ ἐπιθεσπιζούσησ ἀνάγκησ οὐ περιέμειναν τὸ χρεών, ἀλλ’ αὐτοὶ παρέδοσαν τοῖσ ἐχθροῖσ, ἐκεῖνοσ ὁ χάραξ ὁ τὸν ἐκλειφθέντα ὑποδεξάμενοσ ἀντὶ τοῦ καταλειφθέντοσ ἁλώσεται βίᾳ κρατηθείσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 6

(디오니시오스, Antiquitates Romanae, Books VII-IX, book 9, chapter 6)

상위

목록

SEARCH

MENU NAVIGATION