헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 2)

ἄλλων οἱ δυνατώτατοι, πολλῇ θεραπείᾳ διεπράξαντο τοὺσ τέτταρασ ἐκ τῶν δημάρχων οἰκείουσ τῇ βουλῇ γενέσθαι. οἱ δὲ τέωσ μὲν λόγῳ μεταπείθειν τὸν Ἰκίλιον ἐπεχείρουν ἀποστῆναι τῶν περὶ τῆσ κληρουχίασ πολιτευμάτων, ἑώσ οἱ πόλεμοι λάβωσι τέλοσ·

ὡσ δ’ ἠναντιοῦτο καὶ διώμνυτο λόγον τε τὸν αὐθαδέστερον εἰπεῖν ἐτόλμησε τοῦ δήμου παρόντοσ, ὅτι μᾶλλον ἂν βούλοιτο Τυρρηνοὺσ καὶ τοὺσ ἄλλουσ πολεμίουσ κρατήσαντασ τῆσ πόλεωσ ἐπιδεῖν, ἢ τοὺσ κατέχοντασ τὴν χώραν τὴν δημοσίαν ἀφεῖναι, δόξαντεσ ἀφορμὴν εἰληφέναι καλὴν πρὸσ αὐθάδειαν τοσαύτην τοῦ τἀναντία λέγειν τε καὶ πράττειν, οὐδὲ τοῦ δήμου τὸν λόγον ἡδέωσ δεξαμένου, κωλύειν αὐτὸν ἔφησαν, καὶ φανερῶσ ἔπραττον, ὅσα τῇ βουλῇ τε καὶ τοῖσ ὑπάτοισ δοκοίη· μονωθεὶσ δ’ Ἰκίλιοσ οὐδενὸσ ἔτι κύριοσ ἦν.

μετὰ τοῦθ’ ἡ στρατιὰ κατεγράφετο καί, ὅσων ἔδει τῷ πολέμῳ πάντα ὑπηρετεῖτο, τὰ μὲν ἐκ τῶν δημοσίων, τὰ δ’ ἐκ τῶν ἰδίων ἁπάσῃ προθυμίᾳ· καὶ διὰ τάχουσ οἱ ὕπατοι διακληρωσάμενοι τὰ στρατεύματα ἐξῄεσαν, Σπόριοσ μὲν Φούριοσ ἐπὶ τὰσ Αἰκανῶν πόλεισ, Καίσων δὲ Φάβιοσ ἐπὶ Τυρρηνούσ.

Σπορίῳ μὲν οὖν ἅπαντα κατὰ νοῦν ἐχώρησεν οὐχ ὑπομεινάντων εἰσ χεῖρασ ἐλθεῖν τῶν πολεμίων, καὶ πολλὰ ἐκ τῆσ στρατείασ ἐξεγένετο χρήματά τε καὶ σώματα λαβεῖν.

ἐπῆλθε γὰρ ὀλίγου δεῖν πᾶσαν ὅσην οἱ πολέμιοι χώραν κατεῖχον, ἄγων καὶ φέρων, καὶ τὰ λάφυρα τοῖσ στρατιώταισ ἅπαντα ἐχαρίσατο. δοκῶν δὲ καὶ τὸν πρὸ τοῦ χρόνον εἶναι φιλόδημοσ, ἔτι μᾶλλον ἐκ ταύτησ τῆσ στρατηγίασ ἐθεράπευσε τὸ πλῆθοσ.

καί, ἐπειδὴ παρῆλθεν ὁ χρόνοσ τῆσ στρατείασ, ἄγων τὴν δύναμιν ὁλόκληρόν τε καὶ ἀπαθῆ χρήμασιν εὔπορον κατέστησε τὴν πατρίδα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 2

(디오니시오스, Antiquitates Romanae, Books VII-IX, book 9, chapter 2)

상위

목록

SEARCH

MENU NAVIGATION