헬라어 문장 검색 - Διοδορ́Λιβραρψ́9́57́

(디오도로스 시켈로스, Library, book xvi, chapter 83)

καθόλου δὲ πάντα τὰ κατὰ τὴν Σικελίαν εἰρηνικῶσ καταστήσασ ἐποίησε τὰσ πόλεισ ταχὺ λαβεῖν πολλὴν αὔξησιν πρὸσ εὐδαιμονίαν. ἐκ πολλοῦ γὰρ χρόνου διὰ τὰσ στάσεισ καὶ τοὺσ ἐμφυλίουσ πολέμουσ, ἔτι δὲ τὸ πλῆθοσ τῶν ἐπανισταμένων αἰεὶ τυράννων αἱ μὲν πόλεισ ἔρημοι τῶν οἰκητόρων ἦσαν, αἱ δὲ χῶραι διὰ τὴν ἀργίαν ἐξηγρίωντο καὶ καρπῶν ἡμέρων ἄφοροι καθειστήκεισαν· τότε δὲ διὰ τὸ πλῆθοσ τῶν ἐπιπολασάντων οἰκητόρων καὶ διὰ τὴν πολυχρόνιον ἐπιγεγενημένην εἰρήνην ἐξημερώθησαν ταῖσ ἐργασίαισ καὶ πολλοὺσ καὶ παντοδαποὺσ ἐξήνεγκαν καρπούσ. τούτουσ δ’ οἱ Σικελιῶται λυσιτελῶσ πιπράσκοντεσ τοῖσ ἐμπόροισ ταχὺ προσανέδραμον ταῖσ οὐσίαισ. τοιγαροῦν διὰ τὴν ἐκ τούτων εὐπορίαν πολλὰ καὶ μεγάλα κατεσκευάσθη κατ’ ἐκείνουσ τοὺσ χρόνουσ ἀναθήματα, ἐν μὲν ταῖσ Συρακούσσαισ ὁ κατὰ τὴν Μῆσον οἶκοσ ὁ ἑξηκοντάκλινοσ ὀνομαζόμενοσ, τῶν κατὰ τὴν Σικελίαν ἔργων ὑπεραίρων τῷ μεγέθει καὶ τῇ κατασκευῇ, ὃν κατεσκεύασε μὲν Ἀγαθοκλῆσ ὁ δυνάστησ, διὰ δὲ τὸ βάροσ τῶν ἔργων ὑπεραίρων τοὺσ τῶν θεῶν ναοὺσ ἐπισημασίασ ἔτυχεν ὑπὸ τοῦ δαιμονίου κεραυνωθείσ, οἵ τε παρὰ τὸν μικρὸν λιμένα πύργοι, τὰσ μὲν ἐπιγραφὰσ ἔχοντεσ ἐξ ἑτερογενῶν λίθων, σημαίνοντεσ δὲ τὴν τοῦ κατασκευάσαντοσ αὐτοὺσ προσηγορίαν Ἀγαθοκλέουσ, ὁμοίωσ δὲ τούτοισ μικρὸν ὕστερον ὑπὸ Ιἕρωνοσ τοῦ βασιλέωσ τό τε κατὰ τὴν ἀγορὰν Ὀλυμπιεῖον καὶ ὁ πλησίον τοῦ θεάτρου βωμόσ, τὸ μὲν μῆκοσ ὢν σταδίου, τὸ δ’ ὕψοσ καὶ πλάτοσ ἔχων τούτῳ κατὰ λόγον.

ἐν δὲ ταῖσ ἐλάττοσι πόλεσιν, ἐν αἷσ ἡ τῶν Ἀγυριναίων καταριθμεῖται, μετασχοῦσα τῆσ τότε κληρουχίασ διὰ τὴν προειρημένην ἐκ τῶν καρπῶν εὐπορίαν, θέατρον μὲν κατεσκεύασε μετὰ τὸ τῶν Συρακοσίων κάλλιστον τῶν κατὰ Σικελίαν, θεῶν τε ναοὺσ καὶ βουλευτήριον καὶ ἀγοράν, ἔτι δὲ πύργων ἀξιολόγουσ κατασκευὰσ καὶ τάφουσ πυραμίδων πολλῶν καὶ μεγάλων διαφόρων ταῖσ φιλοτεχνίαισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 83

(디오도로스 시켈로스, Library, book xvi, chapter 83)

상위

목록

SEARCH

MENU NAVIGATION