헬라어 문장 검색 - Διοδορ́Λιβραρψ́9́53́

(디오도로스 시켈로스, Library, book xvi, chapter 70)

ἐπ’ ἄρχοντοσ δ’ Ἀθήνησι Πυθοδότου Ῥωμαῖοι κατέστησαν ὑπάτουσ Γάιον Πλαύτιον καὶ Τίτον Μάλλιον. ἐπὶ δὲ τούτων Τιμολέων καταπληξάμενοσ Διονύσιον τὸν τύραννον ἔπεισεν αὐτὸν παραδοῦναι τὴν ἀκρόπολιν καὶ τὴν ἀρχὴν ἀποθέμενον ἀπελθεῖν εἰσ Πελοπόννησον ὑπόσπονδον, ἔχοντα τὰ ἴδια χρήματα. οὗτοσ μὲν οὖν δι’ ἀνανδρίαν καὶ ταπεινότητα ψυχῆσ τήν τε περιβόητον τυραννίδα καὶ δεδεμένην, ὡσ ἔφασαν, ἀδάμαντι τὸν εἰρημένον τρόπον ἀπέλιπε καὶ κατεβίωσεν ἀπορούμενοσ ἐν Κορίνθῳ, τὸν δ’ ἴδιον βίον καὶ τὴν μεταβολὴν ἔσχε παράδειγμα τοῖσ καυχωμένοισ ἀφρόνωσ ἐπὶ ταῖσ εὐτυχίαισ·

ὁ γὰρ ἔχων τετρακοσίασ τριήρεισ μετ’ ὀλίγον ἐν μικρῷ στρογγύλῳ πλοίῳ κατέπλευσεν εἰσ τὴν Κόρινθον, περίβλεπτον ἔχων τὴν τῆσ μεταβολῆσ ὑπερβολήν.

Τιμολέων δὲ παραλαβὼν τὴν Νῆσον καὶ φρούρια τὰ τῷ Διονυσίῳ πρότερον ὑπακούοντα τὰσ μὲν κατὰ τὴν Νῆσον ἀκροπόλεισ καὶ τὰ τυραννεῖα κατέσκαψε, τοῖσ δὲ φρουρίοισ ἀπέδωκε τὴν ἐλευθερίαν.

εὐθὺσ δὲ καὶ νομογραφεῖν ἤρξατο, τιθεὶσ δημοκρατικοὺσ νόμουσ καὶ τὰ περὶ τῶν ἰδιωτικῶν συμβολαίων δίκαια καὶ τἄλλα πάντα ἀκριβῶσ διέταξε, πλείστην φροντίδα τῆσ ἰσότητοσ ποιούμενοσ.

κατέστησε δὲ καὶ τὴν κατ’ ἐνιαυτὸν ἐντιμοτάτην ἀρχήν, ἣν ἀμφιπολίαν Διὸσ Ὀλυμπίου καλοῦσιν Συρακόσιοι·

καὶ ᾑρέθη πρῶτοσ ἀμφίπολοσ Διὸσ Ὀλυμπίου Καλλιμένησ Ἀλκάδα καὶ τὸ λοιπὸν διετέλεσαν οἱ Συρακόσιοι τοὺσ ἐνιαυτοὺσ ἐπιγράφοντεσ τούτοισ τοῖσ ἄρχουσι μέχρι τῶνδε τῶν ἱστοριῶν γραφομένων καὶ τῆσ κατὰ τὴν πολιτείαν ἀλλαγῆσ· τῶν γὰρ Ῥωμαίων μεταδόντων τοῖσ Σικελιώταισ τῆσ πολιτείασ ἡ τῶν ἀμφιπόλων ἀρχὴ ἐταπεινώθη, διαμείνασα ἔτη πλείω τῶν τριακοσίων. καὶ τὰ μὲν κατὰ τὴν Σικελίαν ἐν τούτοισ ἦν. κατὰ δὲ τὴν Μακεδονίαν Φίλιπποσ τὰσ ἐπὶ Θρᾴκῃ πόλεισ Ἑλληνίδασ εἰσ εὔνοιαν προκαλεσόμενοσ ἐστράτευσεν ἐπὶ Θρᾴκην.

Κερσοβλέπτησ γὰρ ὁ βασιλεὺσ τῶν Θρᾳκῶν διετέλει τὰσ ἐφ’ Ἑλλησπόντῳ πόλεισ ὁμορούσασ τῇ Θρᾴκῃ καταστρεφόμενοσ καὶ τὴν χώραν καταφθείρων. βουλόμενοσ οὖν ἐμφράξαι τῶν βαρβάρων τὴν ὁρμὴν ἐστράτευσεν ἐπ’ αὐτοὺσ σὺν πολλῇ δυνάμει.

νικήσασ δὲ πλείοσι μάχαισ τοὺσ Θρᾷκασ τοῖσ μὲν καταπολεμηθεῖσι βαρβάροισ προσέταξε δεκάτασ τελεῖν τοῖσ Μακεδόσιν, αὐτὸσ δ’ ἐν τοῖσ ἐπικαίροισ τόποισ κτίσασ ἀξιολόγουσ πόλεισ ἔπαυσε τοῦ θράσουσ τοὺσ Θρᾷκασ. διόπερ αἱ τῶν Ἑλλήνων πόλεισ ἀπολυθεῖσαι τῶν φόβων εἰσ τὴν συμμαχίαν τοῦ Φιλίππου προθυμότατα κατετάχθησαν. τῶν δὲ συγγραφέων Θεόπομποσ ὁ Χῖοσ ἐν τῇ τῶν Φιλιππικῶν ἱστορίᾳ κατέταξε τρεῖσ βύβλουσ περιεχούσασ Σικελικὰσ πράξεισ·

ἀρξάμενοσ δὲ ἀπὸ τῆσ Διονυσίου τοῦ πρεσβυτέρου τυραννίδοσ διῆλθε χρόνον ἐτῶν πεντήκοντα καὶ κατέστρεψεν εἰσ τὴν ἔκπτωσιν Διονυσίου τοῦ νεωτέρου. εἰσὶ δὲ αἱ βύβλοι τρεῖσ, ἀπὸ τῆσ μιᾶσ τεσσαρακοστῆσ ἄχρι τῆσ τρίτησ καὶ τεσσαρακοστῆσ. ἐπ’ ἄρχοντοσ δ’ Ἀθήνησι Σωσιγένουσ Ῥωμαῖοι κατέστησαν ὑπάτουσ Μάρκον Οὐαλέριον καὶ Μάρκον Γναῖον Πόπλιον.

ἐπὶ δὲ τούτων Ἀρύμβασ ὁ τῶν Μολοττῶν βασιλεὺσ ἐτελεύτησεν ἄρξασ ἔτη δέκα, ἀπολιπὼν υἱὸν τὸν Πύρρου πατέρα Αἰακίδην· τὴν δ’ ἀρχὴν διεδέξατο Ἀλέξανδροσ ὁ ἀδελφὸσ Ὀλυμπιάδοσ, συνεργήσαντοσ Φιλίππου τοῦ Μακεδόνοσ. κατὰ δὲ τὴν Σικελίαν Τιμολέων μὲν ἐστράτευσεν ἐπὶ Λεοντίνουσ·

εἰσ ταύτην γὰρ τὴν πόλιν Ἱκέτασ κατεπεφεύγει μετὰ δυνάμεωσ ἀξιολόγου. τὸ μὲν οὖν πρῶτον προσέβαλε τῇ Νέᾳ καλουμένῃ πόλει· μετὰ δὲ ταῦτα πολλῶν στρατιωτῶν ἐν τῇ πόλει συγκεκλεισμένων καὶ ῥᾳδίωσ ἀπὸ τῶν τειχῶν ἀμυνομένων ἄπρακτοσ γενόμενοσ ἔλυσε τὴν πολιορκίαν. παρελθὼν δὲ πρὸσ πόλιν Ἔγγυον, τυραννουμένην ὑπὸ Λεπτίνου, προσβολὰσ συνεχεῖσ ἐποιεῖτο βουλόμενοσ τὸν μὲν Λεπτίνην ἐκβαλεῖν ἐκ τῆσ πόλεωσ, τοῖσ δ’ Ἐγγυί̈νοισ τὴν ἐλευθερίαν ἀποδοῦναι.

περὶ ταῦτα δὲ τοῦ Τιμολέοντοσ ὄντοσ Ἱκέτασ πανδημεὶ στρατεύσασ ἐκ τῶν Λεοντίνων ἐπολιόρκει τὰσ Συρακούσσασ, πολλοὺσ δὲ τῶν στρατιωτῶν ἀποβαλὼν ταχέωσ ἐπανῆλθεν εἰσ τοὺσ Λεοντίνουσ.

ὁ δὲ Τιμολέων καταπληξάμενοσ τὸν Λεπτίνην τοῦτον μὲν ὑπόσπονδον ἐξέπεμψεν εἰσ τὴν Πελοπόννησον, ἐνδεικνύμενοσ τοῖσ Ἕλλησι τὰσ τῶν καταπολεμηθέντων τυράννων ἐκπτώσεισ.

οὔσησ δὲ καὶ τῆσ τῶν Ἀπολλωνιατῶν πόλεωσ ὑπὸ τὸν Λεπτίνην παραλαβὼν τὴν Ἀπολλωνίαν ταύτῃ τε καὶ τῇ τῶν Ἐγγυί̈νων ἀπέδωκε τὴν αὐτονομίαν. ἀπορούμενοσ δὲ χρημάτων εἰσ τὰσ τῶν ξένων μισθοδοσίασ ἐξαπέστειλε στρατιώτασ χιλίουσ μετὰ τῶν ἀξιολογωτάτων ἡγεμόνων εἰσ τὴν τῶν Καρχηδονίων ἐπικράτειαν.

οὗτοι δὲ πολλὴν χώραν πορθήσαντεσ καὶ λαφύρων πλῆθοσ κομίσαντεσ παρέδωκαν τῷ Τιμολέοντι. ὁ δὲ λαφυροπωλήσασ τὴν λείαν καὶ χρημάτων πλῆθοσ ἀθροίσασ ἔδωκε τοῖσ μισθοφόροισ εἰσ πλείω χρόνον τοὺσ μισθούσ. ἐκράτησε δὲ καὶ τῆσ Ἐντέλλησ καὶ τοὺσ τὰ Καρχηδονίων μάλιστα φρονοῦντασ πεντεκαίδεκα θανατώσασ τοῖσ ἄλλοισ ἀπένειμε τὴν ἐλευθερίαν.

τοῦ δὲ Τιμολέοντοσ αὐξομένου τῇ τε δυνάμει καὶ τῇ κατὰ τὴν στρατηγίαν δόξῃ αἱ μὲν Ἑλληνίδεσ πόλεισ αἱ κατὰ τὴν Σικελίαν ἅπασαι προθύμωσ ὑπετάγησαν τῷ Τιμολέοντι διὰ τὸ πάσαισ τὰσ αὐτονομίασ ἀποδιδόναι, τῶν δὲ Σικελῶν καὶ Σικανῶν καὶ τῶν ἄλλων τῶν ὑπὸ τοὺσ Καρχηδονίουσ τεταγμένων πολλαὶ διεπρεσβεύοντο πόλεισ, σπεύδουσαι παραληφθῆναι πρὸσ τὴν συμμαχίαν. Καρχηδόνιοι δὲ τοὺσ κατὰ τὴν Σικελίαν στρατηγοὺσ ὁρῶντεσ ἀγεννῶσ τὸν πόλεμον διοικοῦντασ ἔκριναν ἑτέρουσ ἀποστέλλειν μετὰ δυνάμεων μεγάλων.

εὐθὺσ οὖν τῶν πολιτῶν κατέλεγον τοὺσ ἀρίστουσ εἰσ τὴν στρατείαν καὶ τῶν Λιβύων τοὺσ εὐθέτουσ ἐστρατολόγουν, χωρὶσ δὲ τούτων προχειρισάμενοι χρημάτων πλῆθοσ μισθοφόρουσ ἐξενολόγουν Ἴβηρασ καὶ Κελτοὺσ καὶ Λίγυασ· ἐναυπηγοῦντο δὲ καὶ ναῦσ μακρὰσ καὶ φορτηγοὺσ πολλὰσ ἤθροιζον καὶ τὴν ἄλλην παρασκευὴν ἀνυπέρβλητον ἐποιοῦντο. ἐπ’ ἄρχοντοσ δ’ Ἀθήνησι Νικομάχου Ῥωμαῖοι κατέστησαν ὑπάτουσ Γάιον Μάρκιον καὶ Τίτον Μάλλιον Τορκουᾶτον.

ἐπὶ δὲ τούτων Φωκίων μὲν ὁ Ἀθηναῖοσ κατεπολέμησε Κλείταρχον τὸν Ἐρετρίασ τύραννον καθεσταμένον ὑπὸ Φιλίππου. κατὰ δὲ τὴν Καρίαν Πιζώδαροσ ὁ νεώτεροσ τῶν ἀδελφῶν ἐξέβαλεν ἐκ τῆσ δυναστείασ Ἄδαν καὶ ἐδυνάστευσεν ἔτη πέντε ἑώσ ἐπὶ τὴν Ἀλεξάνδρου διάβασιν εἰσ τὴν Ἀσίαν.

Φίλιπποσ δὲ ἀεὶ μᾶλλον αὐξόμενοσ ἐπὶ τὴν Πέρινθον ἐστράτευσεν, ἐναντιουμένην μὲν ἑαυτῷ, πρὸσ δὲ Ἀθηναίουσ ἀποκλίνουσαν. συστησάμενοσ δὲ πολιορκίαν καὶ μηχανὰσ προσάγων τῇ πόλει καθ’ ἡμέραν ἐκ διαδοχῆσ προσέβαλλεν τοῖσ τείχεσιν. ὀγδοηκονταπήχεισ δὲ πύργουσ κατασκευάσασ, ὑπεραίροντασ πολὺ τῶν κατὰ τὴν Πέρινθον πύργων, ἐξ ὑπεροχῆσ κατεπόνει τοὺσ πολιορκουμένουσ·

ὁμοίωσ δὲ καὶ διὰ τῶν κριῶν σαλεύων τὰ τείχη καὶ διὰ τῆσ μεταλλείασ ὑπορύττων ἐπὶ πολὺ μέροσ τὸ τεῖχοσ κατέβαλεν. ἀμυνομένων δὲ τῶν Περινθίων εὐρώστωσ καὶ ταχὺ τεῖχοσ ἕτερον ἀντοικοδομησάντων ἀγῶνεσ θαυμαστοὶ καὶ τειχομαχίαι συνίσταντο. μεγάλησ δὲ φιλοτιμίασ ἐξ ἀμφοτέρων συνισταμένησ ὁ μὲν βασιλεὺσ πολλοὺσ ἔχων καὶ παντοδαποὺσ ὀξυβελεῖσ διὰ τούτων τοὺσ ἐπὶ τῶν ἐπάλξεων διαγωνιζομένουσ διέφθειρεν, οἱ δὲ Περίνθιοι πολλοὺσ καθ’ ἡμέραν ἀποβάλλοντεσ συμμαχίαν καὶ βέλη καὶ καταπέλτασ παρὰ τῶν Βυζαντίων προσελάβοντο.

ἐξισωθέντεσ οὖν πάλιν τοῖσ πολεμίοισ ἀνεθάρρησαν καὶ τετολμηκότωσ τοὺσ ὑπὲρ τῆσ πατρίδοσ κινδύνουσ ὑπέμενον.

οὐ μὴν ὁ βασιλεὺσ ἔληγε τῆσ φιλοτιμίασ, ἀλλὰ διελόμενοσ τὰσ δυνάμεισ εἰσ πλείω μέρη συνεχῶσ ἐκ διαδοχῆσ ἐτειχομάχει καὶ καθ’ ἡμέραν καὶ νύκτωρ. τρισμυρίουσ δ’ ἔχων στρατιώτασ καὶ βελῶν καὶ μηχανῶν πολιορκητικῶν πλῆθοσ, ἔτι δὲ τὰσ ἄλλασ μηχανὰσ ἀνυπερβλήτουσ κατεπόνει τοὺσ πολιορκουμένουσ. τῆσ δὲ πολιορκίασ πολυχρονίου γινομένησ καὶ τῶν κατὰ τὴν πόλιν πολλῶν μὲν ἀναιρουμένων, οὐκ ὀλίγων δὲ τραυματιζομένων, τῶν δ’ ἐπιτηδείων ἐκλειπόντων προσδόκιμοσ ἦν ἡ τῆσ πόλεωσ ἅλωσισ.

οὐ μὴν ἡ τύχη γε περιεῖδε τὴν τῶν κινδυνευόντων σωτηρίαν, ἀλλὰ παράδοξον αὐτοῖσ κατεσκεύασε βοήθειαν. τῆσ γὰρ τοῦ βασιλέωσ αὐξήσεωσ διαβεβοημένησ κατὰ τὴν Ἀσίαν ὁ βασιλεὺσ ὑφορώμενοσ τὴν τοῦ Φιλίππου δύναμιν ἔγραψε πρὸσ τοὺσ ἐπὶ θαλάττῃ σατράπασ βοηθεῖν Περινθίοισ παντὶ σθένει. διόπερ οἱ σατράπαι συμφρονήσαντεσ ἐξέπεμψαν εἰσ τὴν Πέρινθον μισθοφόρων πλῆθοσ καὶ χρήματα δαψιλῆ καὶ σῖτον ἱκανὸν καὶ βέλη καὶ τἄλλα πάντα πρὸσ τὴν τοῦ πολέμου χρείαν.

ὁμοίωσ δὲ καὶ Βυζάντιοι τοὺσ ἀρίστουσ τῶν παρ’ ἑαυτοῖσ ἡγεμόνων καὶ στρατιωτῶν ἐξαπέστειλαν. ἐφαμίλλων δὲ τῶν δυνάμεων γενομένων καὶ τοῦ πολέμου καινοποιηθέντοσ πάλιν ἡ πολιορκία φιλοτιμίαν ἐλάμβανεν ἀνυπέρβλητον. ὁ μὲν γὰρ Φίλιπποσ τοῖσ κριοῖσ τύπτων τὰ τείχη συνεχῶσ κατέβαλλε καὶ διὰ τῶν ὀξυβελῶν ἀνείργων τοὺσ ἐπὶ τῶν ἐπάλξεων ἅμα μὲν διὰ τῶν πεπτωκότων τειχῶν ἀθρόωσ τοῖσ στρατιώταισ εἰσέπιπτεν, ἅμα δὲ διὰ τῶν κλιμάκων πρὸσ τὰ γεγυμνωμένα τῶν τειχῶν προσέβαινε·

διὸ καὶ τῆσ μάχησ ἐκ χειρὸσ οὔσησ οἱ μὲν ἀπέθνησκον, οἱ δὲ τραύμασι πολλοῖσ περιέπιπτον. τὰ δὲ τῆσ νίκησ ἔπαθλα προεκαλεῖτο τὰσ τῶν ἀγωνιζομένων ἀνδραγαθίασ· οἱ μὲν γὰρ Μακεδόνεσ ἐλπίζοντεσ εὐδαίμονα πόλιν διαρπάσειν καὶ δωρεαῖσ ὑπὸ τοῦ Φιλίππου τιμηθήσεσθαι διὰ τὴν τοῦ λυσιτελοῦσ ἐλπίδα τοῖσ δεινοῖσ ἐνεκαρτέρουν, οἱ δὲ πολιορκούμενοι τὰ τῆσ ἁλώσεωσ δεινὰ πρὸ ὀφθαλμῶν ἔχοντεσ ὑπέμενον εὐψύχωσ τὸν ὑπὲρ τῆσ σωτηρίασ κίνδυνον.

συνεβάλλετο δὲ τοῖσ πολιορκουμένοισ ἡ φύσισ τῆσ πόλεωσ πολλὰ πρὸσ τὴν ὑπὲρ τῶν ὅλων νίκην.

ἡ γὰρ Πέρινθοσ κεῖται μὲν παρὰ θάλατταν ἐπί τινοσ αὐχένοσ ὑψηλοῦ χερρονήσου σταδιαῖον ἐχούσησ τὸν αὐχένα, τὰσ δ’ οἰκίασ ἔχει πεπυκνωμένασ καὶ τοῖσ ὕψεσι διαφερούσασ. αὗται δὲ ταῖσ οἰκοδομαῖσ αἰεὶ κατὰ τὴν εἰσ τὸν λόφον ἀνάβασιν ἀλλήλων ὑπερέχουσι καὶ τὸ σχῆμα τῆσ ὅλησ πόλεωσ θεατροειδὲσ ἀποτελοῦσι.

διόπερ τῶν τειχῶν συνεχῶσ καταβαλλομένων οὐδὲν ἠλαττοῦντο· διοικοδομοῦντεσ γὰρ τοὺσ στενωποὺσ ταῖσ αἰεὶ κατωτάταισ οἰκίαισ ὥσπερ ὀχυροῖσ τισι τείχεσιν ἐχρῶντο. διόπερ ὁ Φίλιπποσ μετὰ πολλῶν πόνων καὶ κινδύνων τοῦ τείχουσ κρατήσασ ἰσχυρότερον εὑρ́ισκε τὸ τεῖχοσ τὸ διὰ τῶν οἰκιῶν αὐτομάτωσ ἡτοιμασμένον.

πρὸσ δὲ τούτοισ ἐκ τοῦ Βυζαντίου πάντων τῶν πρὸσ τὸν πόλεμον χρησίμων ἑτοίμωσ χορηγουμένων ἐμέρισε τὰσ δυνάμεισ εἰσ δύο μέρη καὶ τοὺσ μὲν ἡμίσεισ τῶν στρατιωτῶν ἀπέλιπεν ἐπὶ τῆσ πολιορκίασ, ἐπιστήσασ αὐτοῖσ τοὺσ ἀρίστουσ ἡγεμόνασ, τοὺσ δ’ ἄλλουσ παραλαβὼν αὐτὸσ προσέπεσεν ἄφνω τῷ Βυζαντίῳ καὶ πολιορκίαν ἰσχυρὰν συνεστήσατο. οἱ δὲ Βυζάντιοι τῶν τε στρατιωτῶν καὶ τῶν βελῶν καὶ τῶν ἄλλων τῶν χρησίμων παρὰ τοῖσ Περινθίοισ ὄντων εἰσ πολλὴν ἐνέπιπτον ἀμηχανίαν.

καὶ τὰ μὲν περὶ Περινθίουσ καὶ Βυζαντίουσ ἐν τούτοισ ἦν. τῶν δὲ συγγραφέων Ἔφοροσ μὲν ὁ Κυμαῖοσ τὴν ἱστορίαν ἐνθάδε κατέστροφεν εἰσ τὴν Περίνθου πολιορκίαν·

περιείληφε δὲ τῇ γραφῇ πράξεισ τάσ τε τῶν Ἑλλήνων καὶ βαρβάρων ἀρξάμενοσ ἀπὸ τῆσ τῶν Ἡρακλειδῶν καθόδου· χρόνον δὲ περιέλαβε ἐτῶν σχεδὸν ἑπτακοσίων καὶ πεντήκοντα καὶ βύβλουσ γέγραφε τριάκοντα, προοίμιον ἑκάστῃ προθείσ. Δίυλλοσ δ’ ὁ Ἀθηναῖοσ τῆσ δευτέρασ συντάξεωσ ἀρχὴν πεποίηται τῆσ Ἐφόρου ἱστορίασ τὴν τελευτὴν καὶ τὰσ ἑξῆσ πράξεισ συνείρει τάσ τε τῶν Ἑλλήνων καὶ τῶν βαρβάρων μέχρι τῆσ Φιλίππου τελευτῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 70

(디오도로스 시켈로스, Library, book xvi, chapter 70)

상위

목록

SEARCH

MENU NAVIGATION