헬라어 문장 검색 - Διοδορ́Λιβραρψ́9́51́

(디오도로스 시켈로스, Library, book xvi, chapter 65)

κατὰ γὰρ τὴν Σικελίαν Συρακόσιοι στασιάζοντεσ πρὸσ ἀλλήλουσ καὶ τυραννίσι πολλαῖσ καὶ ποικίλαισ δουλεύειν ἀναγκαζόμενοι πρέσβεισ ἐξέπεμψαν εἰσ Κόρινθον, ἀξιοῦντεσ αὐτοῖσ ἀποστεῖλαι στρατηγὸν τὸν ἐπιμελησόμενον τῆσ πόλεωσ καὶ καταλύσοντα τὴν τῶν τυραννεῖν ἐπιβαλομένων πλεονεξίαν. οἱ δὲ κρίνοντεσ δίκαιον εἶναι τοῖσ ἀπογόνοισ βοηθεῖν ἐψηφίσαντο πέμπειν στρατηγὸν Τιμολέοντα Τιμαινέτου, πρωτεύοντα τῶν πολιτῶν ἀνδρείᾳ τε καὶ συνέσει στρατηγικῇ καὶ καθόλου πάσαισ ταῖσ ἀρεταῖσ κεκοσμημένον.

ἴδιον δέ τι συνέβη περὶ τὸν ἄνδρα συμπεσεῖν, ὃ συνελάβετο αὐτῷ πρὸσ τὴν τῆσ στρατηγίασ αἱρ́εσιν. Τιμοφάνησ γὰρ ὁ ἀδελφὸσ αὐτοῦ προέχων τῶν Κορινθίων πλούτῳ τε καὶ τόλμῃ πάλαι μὲν ἦν φανερὸσ τυραννίδοσ ὀρεγόμενοσ, τότε δὲ τοὺσ ἀπόρουσ ἀναλαμβάνων καὶ πανοπλίαισ κατασκευαζόμενοσ καὶ τοὺσ πονηροτάτουσ ἔχων μεθ’ ἑαυτοῦ κατὰ τὴν ἀγορὰν περιῄει, οὐ προσποιούμενοσ ὅτι τύραννόσ ἐστι, τὰ δὲ τῆσ τυραννίδοσ ἔργα διαπραττόμενοσ.

ὁ δὲ Τιμολέων ἀλλοτριώτατοσ ὢν μοναρχίασ τὸ μὲν πρῶτον ἐπεχείρει πείθειν τὸν ἀδελφὸν ἀποστῆναι τῆσ ἐπιβολῆσ, ὡσ δ’ οὐχ ὑπήκουεν, ἀλλ’ αἰεὶ καὶ μᾶλλον ἐπετείνετο τῇ τόλμῃ, ἀδυνατῶν αὐτὸν λόγῳ διορθώσασθαι περιπατοῦντα κατὰ τὴν ἀγορὰν ἀπέσφαξεν.

θορύβου δὲ γενομένου καὶ τῶν πολιτῶν συνδραμόντων διά τε τὸ παράδοξον καὶ τὴν δεινότητα τῆσ πράξεωσ στάσισ ἐγίνετο.

οἱ μὲν γὰρ ἔφασαν δεῖν ὡσ ἐμφύλιον φόνον πεπραχότα τὸν Τιμολέοντα τυγχάνειν τῆσ ἐκ τῶν νόμων τιμωρίασ, οἱ δὲ τοὐναντίον ἀπεφαίνοντο δεῖν ἐπαινεῖν τὸν ἄνδρα ὡσ τυραννοκτόνον. τῆσ δὲ γερουσίασ συνεδρευούσησ ἐν τῷ βουλευτηρίῳ καὶ τῆσ περὶ τὴν πρᾶξιν ἀμφισβητήσεωσ ἐπὶ τὸ συνέδριον ἀναπεμφθείσησ οἱ μὲν ἐχθροὶ τοῦ Τιμολέοντοσ κατηγόρουν, οἱ δὲ χαριέστεροι συνηγοροῦντεσ συνεβούλευον σώζειν τὸν ἄνδρα.

ἀκρίτου δ’ ἔτι τῆσ ζητήσεωσ οὔσησ κατέπλευσαν ἐκ τῶν Συρακουσσῶν οἱ πρέσβεισ καὶ τῇ γερουσίᾳ τὰσ ἐντολὰσ δηλώσαντεσ ἠξίουν τὴν ταχίστην ἀποστεῖλαι τὸν στρατηγόν.

ἔδοξεν οὖν τῷ συνεδρίῳ πέμπειν τὸν Τιμολέοντα καὶ πρὸσ τὸ κατορθῶσαι τὴν πρᾶξιν ξένασ τινὰσ καὶ παραδόξουσ αἱρέσεισ αὐτῷ προέθηκαν·

διεβεβαιώσαντο γάρ, ἐὰν μὲν καλῶσ ἄρξῃ τῶν Συρακοσίων, κρίνειν αὐτὸν τυραννοκτόνον, ἐὰν δὲ πλεονεκτικώτερον, ἀδελφοῦ φονέα. ὁ δὲ Τιμολέων οὐχ οὕτω διὰ τὸν ἐπικρεμασθέντα φόβον ὑπὸ τῆσ γερουσίασ ὡσ διὰ τὴν ἀρετὴν καλῶσ καὶ συμφερόντωσ προέστη τῶν κατὰ τὴν Σικελίαν πραγμάτων·

Καρχηδονίουσ μὲν γὰρ κατεπολέμησε, τὰσ δὲ κατεσκαμμένασ ὑπὸ τῶν βαρβάρων Ἑλληνίδασ πόλεισ ἀπεκατέστησεν εἰσ τὴν ἐξ ἀρχῆσ κατάστασιν, πᾶσαν δὲ Σικελίαν ἠλευθέρωσε, καθόλουδὲ τὰσ Συρακούσσασ καὶ τὰσ ἄλλασ Ἑλληνίδασ πόλεισ παραλαμβάνων ἐρήμουσ ἐποίησε πολυανθρωπίᾳ διενεγκεῖν. ἀλλὰ περὶ μὲν τούτων τὰ κατὰ μέροσ μικρὸν ὕστερον ἐν τοῖσ οἰκείοισ χρόνοισ ἀναγράψομεν, νῦν δ’ ἐπὶ τὸ συνεχὲσ τῆσ ἱστορίασ μεταβιβάσομεν τὸν λόγον. ἐπ’ ἄρχοντοσ γὰρ Ἀθήνησιν Εὐβούλου Ῥωμαῖοι κατέστησαν ὑπάτουσ Μάρκον Φάβιον καὶ Σερούιον Σουλπίκιον.

ἐπὶ δὲ τούτων Τιμολέων ὁ Κορίνθιοσ προκεχειρισμένοσ ὑπὸ τῶν πολιτῶν ἐπὶ τὴν ἐν Συρακούσσαισ στρατηγίαν παρεσκευάζετο πρὸσ τὸν εἰσ τὴν Σικελίαν ἔκπλουν. ἑπτακοσίουσ μὲν οὖν ξένουσ ἐμισθώσατο, στρατιωτῶν δὲ τέσσαρασ τριήρεισ πληρώσασ καὶ ταχυναυτούσασ τρεῖσ ἐξέπλευσεν ἐκ Κορίνθου.

ἐν παράπλῳ δὲ παρὰ Λευκαδίων καὶ Κορκυραίων τρεῖσ ναῦσ προσλαβόμενοσ ἐπεραιοῦτο δέκα ναυσὶ τὸν Ιὄνιον καλούμενον πόρον. ἴδιον δέ τι καὶ παράδοξον συνέβη γενέσθαι τῷ Τιμολέοντι κατὰ τὸν πλοῦν, τοῦ δαιμονίου συνεπιλαβομένου τῆσ ἐπιβολῆσ καὶ προσημαίνοντοσ τὴν ἐσομένην περὶ αὐτὸν εὐδοξίαν καὶ λαμπρότητα τῶν πράξεων·

δι’ ὅλησ γὰρ τῆσ νυκτὸσ προηγεῖτο λαμπὰσ καιομένη κατὰ τὸν οὐρανὸν μέχρι οὗ συνέβη τὸν στόλον εἰσ τὴν Ἰταλίαν καταπλεῦσαι. ὁ δὲ Τιμολέων προακηκοὼσ ἦν ἐν Κορίνθῳ τῶν τῆσ Δήμητροσ καὶ Κόρησ ἱερειῶν ὅτι κατὰ τὸν ὕπνον αὐταῖσ αἱ θεαὶ προήγγειλαν συμπλεύσεσθαι τοῖσ περὶ τὸν Τιμολέοντα κατὰ τὸν πλοῦν τὸν εἰσ τὴν ἱερὰν αὐτῶν νῆσον.

διόπερ ὁ Τιμολέων καὶ οἱ συμπλέοντεσ περιχαρεῖσ ἦσαν, ὡσ τῶν θεῶν συνεργουσῶν αὐτοῖσ.

τὴν δ’ ἀρίστην τῶν νεῶν καθιερώσασ ταῖσ θεαῖσ ὁ Τιμολέων ὠνόμασεν αὐτὴν Δήμητροσ καὶ Κόρησ ἱεράν. καταπλεύσαντοσ δὲ τοῦ στόλου χωρὶσ κινδύνων εἰσ Μεταπόντιον τῆσ Ἰταλίασ ἐπικατέπλευσε Καρχηδονία τριήρησ ἔχουσα πρεσβευτὰσ Καρχηδονίουσ. οὗτοι δ’ ἐντυχόντεσ τῷ Τιμολέοντι διεμαρτύραντο μὴ κατάρχειν πολέμου μηδ’ ἐπιβαίνειν τῇ Σικελίᾳ.

ὁ δὲ Τιμολέων, ἐπικαλουμένων αὐτὸν τῶν Ῥηγίνων καὶ συμμαχήσειν ἐπαγγελλομένων, ἐξέπλευσεν εὐθέωσ ἐκ τοῦ Μεταποντίου σπεύδων φθάσαι τὴν περὶ αὐτὸν φήμην· σφόδρα γὰρ εὐλαβεῖτο μήποτε Καρχηδόνιοι θαλασσοκρατοῦντεσ κωλύσωσιν αὐτὸν εἰσ Σικελίαν διαπλεῦσαι.

οὗτοσ μὲν οὖν κατὰ σπουδὴν ἐτέλει τὸν εἰσ Ῥήγιον πλοῦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 65

(디오도로스 시켈로스, Library, book xvi, chapter 65)

상위

목록

SEARCH

MENU NAVIGATION