헬라어 문장 검색 - Διοδορ́Λιβραρψ́9́48́

(디오도로스 시켈로스, Library, book xvi, chapter 61)

δίκαιον δ’ εἶναι νομίζομεν πρῶτον ἀναγράψαι τὴν ἐκ θεῶν γενομένην τοῖσ εἰσ τὸ μαντεῖον παρανενομηκόσι κόλασιν, ὅλωσ γὰρ οὐ μόνον τοῖσ αὐθένταισ τῆσ ἱεροσυλίασ, ἀλλὰ καὶ πᾶσι τοῖσ προσαψαμένοισ μόνον τῆσ παρανομίασ ἀπαραίτητοσ ἐκ τοῦ δαιμονίου ἐπηκολούθησε τιμωρία. ὁ μὲν γὰρ ἀρχιτέκτων τῆσ καταλήψεωσ τοῦ ἱεροῦ Φιλόμηλοσ κατά τινα περίστασιν πολεμικὴν ἑαυτὸν κατεκρήμνισεν, ὁ δὲ ἀδελφὸσ αὐτοῦ Ὀνόμαρχοσ διαδεξάμενοσ τὴν τῶν ἀπονοηθέντων στρατηγίαν μετὰ τῶν συμπαραταξαμένων ἐν Θετταλίᾳ Φωκέων καὶ μισθοφόρων κατακοπεὶσ ἐσταυρώθη.

ὁ δὲ τρίτοσ καὶ πλεῖστα τῶν ἀναθημάτων κατακόψασ Φάυλλοσ πολυχρονίῳ νόσῳ νοσήσασ οὐδ’ ἀπολυθῆναι συντόμωσ τῆσ τιμωρίασ ἠδυνήθη.

ὁ δ’ ἐπὶ πᾶσι Φάλαικοσ τὰ λείψανα τῆσ ἱεροσυλίασ ἀναλαβὼν ἐν πλάναισ καὶ μεγάλοισ φόβοισ καὶ κινδύνοισ ἐφ’ ἱκανὸν χρόνον ἐβίωσεν, οὐχ ἵνα μακαριώτεροσ γένηται τῶν συνασεβησάντων, ἀλλ’ ἵνα πλείω χρόνον στρεβλωθεὶσ καὶ πολλοῖσ διὰ τὴν ἀτυχίαν γενόμενοσ γνώριμοσ περιβόητον ἔχῃ τὴν συμφοράν. οὗτοσ γὰρ μετὰ τὴν ἐκ τῆσ ὁμολογίασ φυγὴν μετὰ τῶν μισθοφόρων τὸ μὲν πρῶτον διέτριβεν περὶ τὴν Πελοπόννησον, συνέχων τοὺσ στρατιώτασ ἐκ τῶν ἱεροσυληθέντων λειψάνων, μετὰ δὲ ταῦτα ἐν Κορίνθῳ μισθωσάμενοσ πλοῖα φορτηγὰ μεγάλα καὶ τέσσαρασ ἔχων ἡμιολίασ παρεσκευάζετο πρὸσ τὸν εἰσ Ἰταλίαν καὶ Σικελίαν πλοῦν, νομίζων ἐν τούτοισ τοῖσ τόποισ ἢ καταλήψεσθαί τινα πόλιν ἢ τεύξεσθαι μισθοφορίασ·

ἐτύγχανε γὰρ Λευκανοῖσ πρὸσ Ταραντίνουσ συνεστηκὼσ πόλεμοσ. πρὸσ δὲ τοὺσ συμπλέοντασ ἔφη μετάπεμπτοσ πλεῖν ὑπὸ τῶν ἐξ Ἰταλίασ καὶ Σικελίασ. ἐκπλεύσαντοσ δ’ αὐτοῦ καὶ πελαγίου γενομένου στρατιῶταί τινεσ τῶν ἐν τῷ μεγίστῳ πλοίῳ κομιζομένων,ᾧπερ αὐτὸσ ὁ Φάλαικοσ ἐνέπλει, λόγον ἀλλήλοισ ἐδίδοσαν ὑπονοοῦντεσ μηδένα μεταπέμψασθαι σφᾶσ·

οὔτε γὰρ ἡγεμόνασ ἑώρων ἀπὸ τῶν ἐπικαλουμένων συμπλέοντασ οὔθ’ ὁ πλοῦσ ἦν ὀλίγοσ, ἀλλὰ πολὺσ ὑπέκειτο καὶ χαλεπόσ. διόπερ ἀπιστοῦντεσ ἅμα τοῖσ λεγομένοισ καὶ φοβούμενοι τὴν διαπόντιον στρατείαν συνίσταντο καὶ μάλισθ’ οἱ τὰσ ἡγεμονίασ ἔχοντεσ τῶν μισθοφόρων.

τέλοσ δὲ σπασάμενοι τὰ ξίφη καὶ καταπληξάμενοι τόν τε Φάλαικον καὶ τὸν κυβερνήτην ἠνάγκασαν εἰσ τοὐπίσω πάλιν ἀποπλεῖν. τὸ δ’ αὐτὸ καὶ τῶν ἐν τοῖσ ἄλλοισ πλοίοισ κομιζομένων ποιησάντων κατέπλευσαν εἰσ τὴν Πελοπόννησον. ἀθροισθέντεσ δ’ εἰσ Μαλέαν ἄκραν τῆσ Λακωνικῆσ ἐκεῖ κατέλαβον ἐκ Κρήτησ καταπεπλευκότασ Κνωσσίουσ πρέσβεισ ἐπὶ συναγωγῇ μισθοφόρων·

ὧν διαλεχθέντων τῷ τε Φαλαίκῳ καὶ τοῖσ ἡγεμόσι καὶ δόντων ἀξιολόγουσ τοὺσ μισθοὺσ μετὰ τούτων ἅπαντεσ ἐξέπλευσαν. κατάραντεσ δὲ τῆσ Κρήτησ εἰσ Κνωσσὸν εὐθὺσ ἐξ ἐφόδου πόλιν κατελάβοντο τὴν καλουμένην Λύκτον. τοῖσ δὲ Λυκτίοισ ἐκ τῆσ πατρίδοσ ἐκπεπτωκόσι παράδοξοσ καὶ σύντομοσ ἐφάνη βοήθεια.

περὶ γὰρ τοὺσ αὐτοὺσ χρόνουσ Ταραντίνων διαπολεμούντων πρὸσ Λευκανοὺσ καὶ πρὸσ Λακεδαιμονίουσ, ὄντασ προγόνουσ ἑαυτῶν, πεμψάντων πρέσβεισ περὶ βοηθείασ οἱ μὲν Σπαρτιᾶται διὰ τὴν συγγένειαν προθύμωσ ἔχοντεσ συμμαχῆσαι ταχέωσ δύναμιν ἤθροιζον πεζικήν τε καὶ ναυτικὴν καὶ ταύτησ στρατηγὸν ἀπέδειξαν Ἀρχίδαμον τὸν βασιλέα· μελλόντων δ’ ἀπαίρειν εἰσ τὴν Ἰταλίαν, ἠξίωσαν οἱ Λύκτιοι πρῶτον αὐτοῖσ βοηθῆσαι· οἱ δὲ Λακεδαιμόνιοι πεισθέντεσ καὶ πλεύσαντεσ εἰσ τὴν Κρήτην τοὺσ μισθοφόρουσ ἐνίκησαν, τοῖσ δὲ Λακτίοισ ἀνέσωσαν τὴν πατρίδα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 61

(디오도로스 시켈로스, Library, book xvi, chapter 61)

상위

목록

SEARCH

MENU NAVIGATION