헬라어 문장 검색 - Διοδορ́Λιβραρψ́9́46́

(디오도로스 시켈로스, Library, book xvi, chapter 58)

κατὰ δὲ τὴν Βοιωτίαν οἱ μὲν Φωκεῖσ τρεῖσ πόλεισ ἔχοντεσ ὠχυρωμένασ, Ὀρχομενὸν καὶ Κορώνειαν καὶ Κορσίασ, ἐκ τούτων ἐποιοῦντο τὴν ἐπὶ τοὺσ Βοιωτοὺσ στρατείαν. εὐπορούμενοι δὲ μισθοφόρων τήν τε χώραν ἐδῄουν καὶ κατὰ τὰσ ἐπιθέσεισ καὶ συμπλοκὰσ περιεγίνοντο τῶν ἐγχωρίων. διόπερ οἱ Βοιωτοὶ θλιβόμενοι μὲν τῷ πολέμῳ καὶ πολλοὺσ τῶν στρατιωτῶν ἀπολωλεκότεσ, χρημάτων δὲ ἀπορούμενοι πρέσβεισ ἐξέπεμψαν πρὸσ τὸν Φίλιππον ἀξιοῦντεσ βοηθῆσαι.

ὁ δὲ βασιλεὺσ ἡδέωσ ὁρῶν τὴν ταπείνωσιν αὐτῶν καὶ βουλόμενοσ τὰ Λευκτρικὰ φρονήματα συστεῖλαι τῶν Βοιωτῶν ὀλίγουσ ἀπέστειλε στρατιώτασ, αὐτὸ μόνον φυλαττόμενοσ τὸ μὴ δοκεῖν περιορᾶν τὸ μαντεῖον σεσυλημένον.

τῶν δὲ Φωκέων οἰκοδομούντων φρούριον περὶ τὰσ ὀνομαζομένασ Ἄβασ, καθ’ ἅσ ἐστιν Ἀπόλλωνοσ ἅγιον ἱερόν, ἐστράτευσαν ἐπ’ αὐτοὺσ οἱ Βοιωτοί.

εὐθὺ δ’ αὐτῶν οἱ μὲν εἰσ τὰσ ἔγγιστα πόλεισ φυγόντεσ διεσπάρησαν, οἱ δ’ εἰσ τὸν νεὼ τοῦ Ἀπόλλωνοσ καταφυγόντεσ εἰσ πεντακοσίουσ ἀπώλοντο. πολλὰ μὲν οὖν καὶ ἄλλα θεῖα περὶ τοὺσ Φωκεῖσ συνέβη γενέσθαι περὶ τούτουσ τοὺσ χρόνουσ, μάλιστα δὲ τὸ μέλλον λέγεσθαι.

οἱ γὰρ εἰσ τὸν νεὼ καταφυγόντεσ ὑπέλαβον διὰ τῆσ τῶν θεῶν ἐπικουρίασ σωθήσεσθαι, τοὐναντίον δὲ θείᾳ τινὶ προνοίᾳ τῆσ προσηκούσησ τοῖσ ἱεροσύλοισ τιμωρίασ ἔτυχον· πολλῆσ γὰρ οὔσησ στιβάδοσ περὶ τὸν νεὼ καὶ πυρὸσ ἐν ταῖσ σκηναῖσ τῶν πεφευγότων ἀπολελειμμένου συνέβη τῆσ στιβάδοσ ἐκκαυθείσησ τοσαύτην ἐξαφθῆναι φλόγα παραδόξωσ ὥστε τὸν ναὸν καὶ τοὺσ καταπεφευγότασ εἰσ αὐτὸν Φωκεῖσ ζῶντασ καταφλεχθῆναι.

τοῖσ γὰρ ἱεροσύλοισ ἔδοξε τὸ θεῖον μὴ διδόναι τὴν ἐκ τῆσ ἱκεσίασ συγχωρουμένην ἀσφάλειαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 58

(디오도로스 시켈로스, Library, book xvi, chapter 58)

상위

목록

SEARCH

MENU NAVIGATION