헬라어 문장 검색 - Διοδορ́Λιβραρψ́9́45́

(디오도로스 시켈로스, Library, book xvi, chapter 57)

τῆσ δὲ τῶν ἱερῶν χρημάτων φθορᾶσ τὴν μὴν ὅλην ἐπιγραφὴν ἔσκον Φωκεῖσ, μετέσχον δὲ τῆσ αἱρέσεωσ Ἀθηναῖοι καὶ Λακεδαιμόνιοι συμμαχήσαντεσ τοῖσ Φωκεῦσι καὶ οὐ κατὰ τὸ πλῆθοσ τῶν ἐκπεμπομένων στρατιωτῶν τοὺσ μισθοὺσ λαβόντεσ. οὕτω δὲ τοῖσ Ἀθηναίοισ ὁ χρόνοσ οὗτοσ ἤνεγκεν ἐξαμαρτάνειν εἰσ τὸ δαιμόνιον ὥστε μικρὸν ἀνώτερον τῶν Δελφικῶν καιρῶν Ἰφικράτουσ διατρίβοντοσ περὶ Κόρκυραν μετὰ ναυτικῆσ δυνάμεωσ καὶ Διονυσίου τοῦ Συρακοσίων δυνάστου πέμψαντοσ εἰσ Ὀλυμπίαν καὶ Δελφοὺσ ἀγάλματα ἐκ χρυσοῦ καὶ ἐλέφαντοσ δεδημιουργημένα περιτυχὼν ταῖσ κομιζούσαισ αὐτὰ ναυσὶν ὁ Ἰφικράτησ καὶ κρατήσασ αὐτῶν διεπέμψατο πρὸσ τὸν δῆμον ἐπερωτῶν τί χρὴ πράττειν, οἱ δ’ Ἀθηναῖοι προσέταξαν αὐτῷ μὴ τὰ τῶν θεῶν ἐξετάζειν, ἀλλὰ σκοπεῖν ὅπωσ τοὺσ στρατιώτασ διαθρέψει.

Ἰφικράτησ μὲν οὖν ὑπακούσασ τῷ δόγματι τῆσ πατρίδοσ ἐλαφυροπώλησε τὸν τῶν θεῶν κόσμον·

ὁ δὲ τύραννοσ ὀργισθεὶσ τοῖσ Ἀθηναίοισ ἔγραψε πρὸσ αὐτοὺσ ἐπιστολὴν τοιαύτην. Διονύσιοσ Ἀθηναίων τῇ βουλῇ καὶ τῷ δήμῳ εὖ μὲν πράττειν οὐκ ἐπιτήδειόν ἐστι γράφειν, ἐπεὶ τοὺσ θεοὺσ καὶ κατὰ γῆν καὶ κατὰ θάλατταν ἱεροσυλεῖτε καὶ τὰ ἀγάλματα τὰ εἰσ ἀνάθεσιν ὑφ’ ἡμῶν τοῖσ θεοῖσ ἀπεσταλμένα παρελόμενοι κατεκόψατε καὶ περὶ τοὺσ μεγίστουσ τῶν θεῶν ἠσεβήκατε, περὶ τὸν Ἀπόλλωνα τὸν ἐν Δελφοῖσ καὶ τὸν Δία τὸν Ὀλύμπιον. Ἀθηναῖοι μὲν οὖν περὶ τὸ θεῖον τοιαῦτ’ ἔπραξαν, καὶ ταῦτα εὐχόμενοι τὸν Ἀπόλλωνα πατρῷον αὐτῶν εἶναι καὶ πρόγονον·

Λακεδαιμόνιοι δὲ τῷ περὶ Δελφοὺσ μαντείῳ χρησάμενοι καὶ τὴν θαυμαζομένην παρὰ πᾶσι πολιτείαν διὰ τούτου κτησάμενοι καὶ περὶ τῶν μεγίστων ἔτι καὶ νῦν τὸν θεὸν ἐπερωτῶντεσ ἐτόλμησαν τοῖσ τὸ ἱερὸν συλήσασι κοινωνῆσαι τῆσ παρανομίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 57

(디오도로스 시켈로스, Library, book xvi, chapter 57)

상위

목록

SEARCH

MENU NAVIGATION