헬라어 문장 검색 - Διοδορ́Λιβραρψ́9́43́

(디오도로스 시켈로스, Library, book xvi, chapter 54)

οἱ δ’ Ἀθηναῖοι τὴν αὔξησιν ὑφορώμενοι τοῦ Φιλίππου τοῖσ ἀεὶ πολεμουμένοισ ὑπὸ τοῦ βασιλέωσ ἐβοήθουν, πρέσβεισ ἀποστέλλοντεσ ἐπὶ τὰσ πόλεισ καὶ παρακαλοῦντεσ τηρεῖν τὴν αὐτονομίαν καὶ τοὺσ ἐπὶ τὴν προδοσίαν ὁρμῶντασ τῶν πολιτῶν θανάτῳ κολάζειν· ἐπηγγέλλοντο δὲ πᾶσι συμμαχήσειν καὶ φανερῶσ ἑαυτοὺσ πολεμίουσ ἀποδείξαντεσ τῷ βασιλεῖ διεπολέμουν πρὸσ Φίλιππον. μάλιστα δ’ αὐτοὺσ παρώξυνε προστῆναι τῆσ Ἑλλάδοσ Δημοσθένησ ὁ ῥήτωρ, δεινότατοσ ὢν τῶν κατ’ ἐκείνουσ τοὺσ χρόνουσ Ἑλλήνων.

οὐ μὴν ἡ πόλισ γε ἀναστεῖλαι τῆσ ἐπὶ τὴν προδοσίαν ὁρμῆσ ἠδυνήθη τοὺσ πολίτασ· τοιαύτη γὰρ φορά τισ προδοτῶν ὑπῆρξε τότε κατὰ τὴν Ἑλλάδα. διὸ καί φασι τὸν Φίλιππον βουλόμενον ἑλεῖν τινα πόλιν ὀχυρότητι διαφέρουσαν, εἰπόντοσ τινὸσ αὐτῷ τῶν ἐγχωρίων ἀνάλωτον αὐτὴν ἐκ βίασ ὑπάρχειν, ἐπερωτῆσαι εἰ οὐδ’ ὁ χρυσὸσ τὸ τεῖχοσ ὑπερβῆναι δυνατόσ ἐστιν.

ἦν γὰρ πεῖραν εἰληφὼσ ὅτι τὰ τοῖσ ὅπλοισ ἀδύνατα χειρωθῆναι τῷ χρυσῷ ῥᾴδιόν ἐστι καταπολεμῆσαι.

ἐγκατασκευάζων οὖν ἐν ταῖσ πόλεσι προδότασ διὰ τῆσ δωροδοκίασ καὶ τοὺσ δεχομένουσ τὸ χρυσίον ξένουσ καὶ φίλουσ ὀνομάζων ταῖσ πονηραῖσ ὁμιλίαισ διέφθειρε τὰ ἤθη τῶν ἀνθρώπων. μετὰ δὲ τὴν ἅλωσιν τῆσ Ὀλύνθου Ὀλύμπια ποιήσασ τοῖσ θεοῖσ ἐπινίκια μεγαλοπρεπεῖσ θυσίασ συνετέλεσεν·

πανήγυριν δὲ μεγάλην συστησάμενοσ καὶ λαμπροὺσ ἀγῶνασ ποιήσασ πολλοὺσ τῶν ἐπιδημούντων ξένων ἐπὶ τὰσ ἑστιάσεισ παρελάμβανε. παρὰ δὲ τοὺσ πότουσ πολλαῖσ ὁμιλίαισ χρώμενοσ καὶ πολλοῖσ μὲν ποτήρια διδοὺσ κατὰ τὰσ προπόσεισ, οὐκ ὀλίγοισ δὲ δωρεὰσ ἀπονέμων, πᾶσι δὲ μεγάλασ ἀπαγγελίασ εὐχαρίστωσ ποιούμενοσ πολλοὺσ ἔσχεν ἐπιθυμητὰσ τῆσ πρὸσ αὐτὸν φιλίασ.

καὶ δήποτ’ ἐν τῷ συμποσίῳ κατανοήσασ Σάτυρον τὸν ὑποκριτὴν σκυθρωπὸν ὄντ’ ἤρετο διὰ τί μόνοσ οὐδὲν ἀξιοῖ μεταλαβεῖν τῆσ παρ’ αὐτοῦ φιλανθρωπίασ·

τοῦ δ’ εἰπόντοσ ὅτι βούλεται παρ’ αὐτοῦ τυχεῖν τινοσ δωρεᾶσ, δεδοικέναι δὲ μήποτε δηλώσασ τὴν προκεχειρισμένην ἔντευξιν ἀποτύχῃ, ὁ μὲν βασιλεὺσ περιχαρὴσ γενόμενοσ διεβεβαιώσατο πᾶν ὅ τι ἂν αἰτήσῃ χαρίσασθαι· ὁ δ’ εἶπεν ὅτι ξένου τινὸσ ἑαυτοῦ δύο παρθένοι τὴν ἡλικίαν ἔχουσαι γάμου τυγχάνουσιν ἐν ταῖσ αἰχμαλώτοισ οὖσαι· ταύτασ οὖν βούλεσθαι λαβεῖν οὐχ ἵνα λυσιτέλειάν τινα περιποιήσηται τυχὼν τῆσ δωρεᾶσ, ἀλλ’ ἵνα προικίσασ ἀμφοτέρασ συνοικίσῃ καὶ μὴ περιίδῃ μηδὲν παθούσασ ἀνάξιον τῆσ ἡλικίασ. μετὰ δὲ ταῦθ’ ὁ Φίλιπποσ ἀσμένωσ τὴν αἴτησιν προσδεξάμενοσ παραχρῆμα τὰσ παρθένουσ ἐδωρήσατο τῷ Σατύρῳ.

πολλὰσ δὲ καὶ ἄλλασ παντοδαπὰσ εὐεργεσίασ καὶ δωρεὰσ διασπείρων ἐκομίζετο τοὺσ μισθοὺσ πολλαπλασίουσ τῆσ χάριτοσ· πολλοὶ γὰρ ταῖσ τῆσ εὐεργεσίασ ἐλπίσι προκληθέντεσ ἔφθασαν ἀλλήλουσ προσνέμοντεσ ἑαυτοὺσ τῷ Φιλίππῳ καὶ τὰσ πατρίδασ ἐγχειρίζοντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 54

(디오도로스 시켈로스, Library, book xvi, chapter 54)

상위

목록

SEARCH

MENU NAVIGATION