헬라어 문장 검색 - Διοδορ́Λιβραρψ́9́36́

(디오도로스 시켈로스, Library, book xvi, chapter 46)

ἐπ’ ἄρχοντοσ δ’ Ἀθήνησιν Ἀπολλοδώρου Ῥωμαῖοι κατέστησαν ὑπάτουσ Μάρκον Οὐαλέριον καὶ Γάιον Σουλπίκιον. ἐπὶ δὲ τούτων κατὰ τὴν Κύπρον Σαλαμινίων πολιορκουμένων ὑπ’ Εὐαγόρου καὶ Φωκίωνοσ αἱ μὲν ἄλλαι πόλεισ ἅπασαι τοῖσ Πέρσαισ ὑπετάγησαν, τῆσ δὲ Σαλαμῖνοσ βασιλεύων Πνυταγόρασ μόνοσ ὑπέμεινε τὴν πολιορκίαν. ὁ δ’ Εὐαγόρασ πατρῴαν ἀρχὴν τὴν Σαλαμινίων ἀνεκτᾶτο καὶ διὰ τοῦ βασιλέωσ τῶν Περσῶν τὴν κάθοδον εἰσ τὴν βασιλείαν ἐποιεῖτο.

μετὰ δὲ ταῦτα διαβληθέντοσ αὐτοῦ πρὸσ Ἀρταξέρξην καὶ τοῦ βασιλέωσ βοηθοῦντοσ τῷ Πνυταγόρᾳ ὁ μὲν Εὐαγόρασ ἀπογνοὺσ τὴν κάθοδον καὶ περὶ τῶν ἐγκλημάτων ἀπολογησάμενοσ ἄλλησ ἡγεμονίασ ἠξιώθη κατὰ τὴν Ἀσίαν μείζονοσ. κακῶσ δὲ τὰ κατὰ τὴν ἀρχὴν διοικήσασ ἔφυγε πάλιν εἰσ Κύπρον καὶ συλληφθεὶσ τιμωρίασ ἠξιώθη.

ὁ δὲ Πνυταγόρασ ἑκουσίωσ ὑποταγεὶσ τοῖσ Πέρσαισ τὸ λοιπὸν ἀδεῶσ ἐβασίλευε τῆσ Σαλαμῖνοσ. ὁ δὲ τῶν Περσῶν βασιλεὺσ μετὰ τὴν ἅλωσιν τῆσ Σιδῶνοσ, παραγενομένων αὐτῷ τῶν συμμάχων ἔκ τε Ἄργουσ καὶ Θηβῶν καὶ τῶν κατὰ τὴν Ἀσίαν Ἑλληνίδων πόλεων, ἀθροίσασ πᾶσαν τὴν δύναμιν προῆγεν ἐπὶ τὴν Αἴγυπτον.

καταντήσασ δ’ ἐπὶ τὴν μεγάλην λίμνην, καθ’ ἣν ἔστι τὰ καλούμενα Βάραθρα, μέροσ τῆσ δυνάμεωσ ἀπέβαλε διὰ τὴν ἀπειρίαν τῶν τόπων.

περὶ δὲ τῆσ κατὰ τὴν λίμνην φύσεωσ καὶ τοῦ περὶ αὐτὴν παραδόξου συμπτώματοσ προειρηκότεσ ἐν τῇ πρώτῃ βύβλῳ τὸ διλογεῖν περὶ τῶν αὐτῶν παρήσομεν. διελθὼν δὲ τὰ Βάραθρα μετὰ τῆσ δυνάμεωσ ὁ βασιλεὺσ ἧκεν πρὸσ τὸ Πηλούσιον·

αὕτη δ’ ἐστὶ πόλισ ἐπὶ τοῦ πρώτου στόματοσ, καθ’ ὃν τόπον ὁ Νεῖλοσ ποιεῖται τὰσ ἐκβολάσ. οἱ μὲν οὖν Πέρσαι κατεστρατοπέδευσαν ἀπὸ τεσσαράκοντα σταδίων τοῦ Πηλουσίου, οἱ δ’ Ἕλληνεσ πρὸσ αὐτῷ τῷ πολίσματι. οἱ δ’ Αἰγύπτιοι, δεδωκότων αὐτοῖσ τῶν Περσῶν πολὺν χρόνον εἰσ τὴν παρασκευήν, πάντα μὲν τὰ στόματα τοῦ Νείλου καλῶσ κατεσκευακότεσ ὑπῆρχον, μάλιστα δὲ τὸ πρὸσ τῷ Πηλουσίῳ διὰ τὸ πρῶτον εἶναι τοῦτο καὶ μάλιστα κείμενον εὐκαίρωσ.

ἐφρούρουν δὲ τὸ χωρίον στρατιῶται πεντακισχίλιοι, στρατηγοῦντοσ Φιλόφρονοσ τοῦ Σπαρτιάτου.

οἱ δὲ Θηβαῖοι σπεύδοντεσ ἄριστοι φανῆναι τῶν συστρατευομένων Ἑλλήνων πρῶτοι καὶ μόνοι διὰ στενῆσ τινοσ καὶ βαθείασ διώρυγοσ ἐτόλμησαν διαβῆναι παραβόλωσ. διαβάντων δ’ αὐτῶν καὶ προσβαλλόντων τοῖσ τείχεσιν οἱ φρουροῦντεσ τὸ Πηλούσιον ἐκχυθέντεσ ἐκ τῆσ πόλεωσ συνῆψαν μάχην πρὸσ τοὺσ Θηβαίουσ·

μεγάλου δ’ ἀγῶνοσ γενομένου διὰ τὰσ παρ’ ἀμφοτέροισ φιλοτιμίασ τότε μὲν ἐν τῷ κινδύνῳ διημερεύσαντεσ ὑπὸ τῆσ νυκτὸσ διελύθησαν. τῇ δ’ ὑστεραίᾳ τοῦ βασιλέωσ εἰσ τρία μέρη τὴν Ἑλληνικὴν δύναμιν μερίσαντοσ ἑκάστη μερὶσ εἶχε στρατηγὸν Ἕλληνα καὶ τούτῳ παρακαθεσταμένον ἡγεμόνα Πέρσην, ἄνδρα προκεκριμένον ἐπ’ ἀρετῇ τε καὶ εὐνοίᾳ.

τὴν μὲν οὖν πρώτην τάξιν ἐπεῖχον οἱ Βοιωτοὶ στρατηγὸν μὲν ἔχοντεσ Λακράτην τὸν Θηβαῖον, ἡγεμόνα δὲ Πέρσην Ῥωσάκην·

οὗτοσ δὲ ἀπόγονοσ μὲν ἦν ἑνὸσ τῶν ἑπτὰ Περσῶν τῶν τοὺσ μάγουσ καταλυσάντων, σατράπησ δὲ Ιὠνίασ καὶ Λυδίασ· συνείπετο δ’ αὐτῷ πολλὴ μὲν ἵπποσ, οὐκ ὀλίγη δὲ πεζικὴ στρατιὰ τῶν βαρβάρων. δευτέρα δ’ ἦν μερὶσ ἡ τῶν Ἀργείων Νικοστράτου στρατηγοῦντοσ καὶ μετ’ αὐτοῦ Πέρσου συνάρχοντοσ Ἀρισταζάνου·

οὗτοσ δ’ ἦν εἰσαγγελεὺσ τοῦ βασιλέωσ καὶ πιστότατοσ τῶν φίλων μετὰ Βαγώαν· προσωρίσθησαν δ’ αὐτῷ στρατιῶται μὲν ἐπίλεκτοι πεντακισχίλιοι, τριήρεισ δὲ ὀγδοήκοντα. τῆσ δὲ τρίτησ μερίδοσ ἐστρατήγει Μέντωρ ὁ τὴν Σιδῶνα παραδούσ, ἔχων τοὺσ προϋπάρχοντασ αὐτῷ μισθοφόρουσ·

συνεστρατεύετο δ’ αὐτῷ Βαγώασ, ᾧ μάλιστα βασιλεὺσ ἐνεπίστευε, τόλμῃ καὶ παρανομίᾳ διαφέρων· εἶχε δ’ οὗτοσ τοὺσ τοῦ βασιλέωσ Ἕλληνασ καὶ τῶν βαρβάρων ἱκανὸν πλῆθοσ καὶ ναῦσ οὐκ ὀλίγασ. αὐτὸσ δὲ τὴν λοιπὴν δύναμιν ἔχων ἐφήδρευε τοῖσ ὅλοισ πράγμασι.

τοιαύτησ δὲ τῆσ διαιρέσεωσ γενομένησ παρὰ τοῖσ Πέρσαισ ὁ μὲν τῶν Αἰγυπτίων βασιλεὺσ Νεκτανεβὼσ οὔτε τὸ πλῆθοσ τῶν πολεμίων οὔτε τὴν ὅλην διάταξιν τῶν Περσῶν κατεπλάγη, καίπερ πολὺ λειπόμενοσ τοῦ πλήθουσ. εἶχε γὰρ Ἕλληνασ μὲν μισθοφόρουσ δισμυρίουσ, Λίβυασ δὲ παραπλησίουσ τούτοισ, Αἰγυπτίουσ δὲ τοὺσ μαχίμουσ παρ’ αὐτοῖσ ὀνομαζομένουσ ἑξακισμυρίουσ, πρὸσ δὲ τούτοισ πλοίων ποταμίων πρὸσ τὰσ κατὰ τὸν Νεῖλον μάχασ καὶ συμπλοκὰσ εὐθέτων ἄπιστον πλῆθοσ.

ὠχύρωτο δ’ αὐτῷ καὶ ἡ πρὸσ τὴν Ἀραβίαν νεύουσα πλευρὰ τοῦ ποταμοῦ, πεπυκνωμένη πολίσμασιν, ἔτι δὲ τείχεσι καὶ τάφροισ πᾶσα διειλημμένη.

ἔχων δὲ καὶ τὰσ ἄλλασ παρασκευὰσ πάσασ πρὸσ τὸν πόλεμον ἱκανὰσ διὰ τὴν ἰδίαν ἀβουλίαν ταχὺ τοῖσ ὅλοισ ἔπταισεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 46

(디오도로스 시켈로스, Library, book xvi, chapter 46)

상위

목록

SEARCH

MENU NAVIGATION