헬라어 문장 검색 - Διοδορ́Λιβραρψ́9́35́

(디오도로스 시켈로스, Library, book xvi, chapter 45)

ὁ δὲ Τέννησ κοινωσάμενοσ τὴν προδοσίαν Μέντορι τῷ στρατηγῷ τῶν ἐξ Αἰγύπτου μισθοφόρων τοῦτον μὲν ἀπέλιπε τηροῦντα μέροσ τῆσ πόλεωσ καὶ συνεργοῦντα τοῖσ περὶ τὴν προδοσίαν ἐγχειρουμένοισ, αὐτὸσ δὲ μετὰ στρατιωτῶν πεντακοσίων προῆγεν ἐκ τῆσ πόλεωσ, προσποιούμενοσ ἐπὶ κοινὴν τῶν Φοινίκων σύνοδον ἀπαντᾶν· ἦγε δὲ μεθ’ ἑαυτοῦ τοὺσ ἐπιφανεστάτουσ τῶν πολιτῶν ἑκατὸν ὡσ συμβούλουσ. ἐπεὶ δὲ πλησίον ἦσαν τοῦ βασιλέωσ, συναρπάσασ τοὺσ ἑκατὸν παρέδωκε τῷ Ἀρταξέρξῃ.

ὁ δὲ βασιλεὺσ ἀποδεξάμενοσ αὐτὸν ὡσ φίλον τοὺσ μὲν ἑκατὸν ὡσ αἰτίουσ ὄντασ τῆσ ἀποστάσεωσ κατηκόντισε, πεντακοσίων δὲ τῶν πρώτων Σιδωνίων μεθ’ ἱκετηριῶν ἀπαντησάντων ἀνεκαλέσατο τὸν Τέννην καὶ ἐπηρώτησεν εἰ δύναται τὴν πόλιν αὐτῷ παραδοῦναι· σφόδρα γὰρ ἔσπευδε μὴ δι’ ὁμολογίασ τὴν Σιδῶνα παραλαβεῖν, ὅπωσ ἀπαραιτήτοισ συμφοραῖσ περιβαλὼν τοὺσ Σιδωνίουσ τῇ τούτων τιμωρίᾳ καταπλήξηται τὰσ ἄλλασ πόλεισ. τοῦ δὲ Τέννου διαβεβαιωσαμένου παραδώσειν τὴν πόλιν ὁ βασιλεύσ, φυλάττων τὴν ὀργὴν ἀπαραίτητον, ἅπαντασ τοὺσ πεντακοσίουσ ἔχοντασ τὰσ ἱκετηρίασ κατηκόντισεν.

εἶθ’ ὁ μὲν Τέννησ προσελθὼν τοῖσ ἐξ Αἰγύπτου μισθοφόροισ ἔπεισεν αὐτοὺσ ἐντὸσ τῶν τειχῶν εἰσαγαγεῖν αὐτόν τε καὶ τὸν βασιλέα. ἡ μὲν οὖν Σιδὼν διὰ τοιαύτησ προδοσίασ ὑποχείριοσ ἐγένετο τοῖσ Πέρσαισ.

ὁ δὲ βασιλεὺσ ὑπολαβὼν τὸν Τέννην μηκέτι χρήσιμον ὑπάρχειν ἀνεῖλεν. οἱ δὲ Σιδώνιοι πρὸ μὲν τῆσ παρουσίασ τοῦ βασιλέωσ ἐνέπρησαν ἁπάσασ τὰσ ναῦσ, ὅπωσ μηδεὶσ δύνηται τῶν κατὰ τὴν πόλιν ἐκπλεύσασ ἰδίᾳ σωτηρίαν πορίζεσθαι· ἐπειδὴ δὲ τὴν πόλιν ἑώρων καὶ τὰ τείχη κατειλημμένα καὶ πολλαῖσ μυριάσι στρατιωτῶν περιεχόμενα, συγκλείσαντεσ ἑαυτοὺσ καὶ τὰ τέκνα καὶ γυναῖκασ εἰσ τὰσ οἰκίασ ἐνέπρησαν. φασὶ δὲ τοὺσ ὑπὸ τοῦ πυρὸσ τότε διαφθαρέντασ σὺν τοῖσ οἰκετικοῖσ σώμασι γεγονέναι πλείουσ τῶν τετρακισμυρίων.

τούτου δὲ τοῦ πάθουσ περὶ τοὺσ Σιδωνίουσ γενομένου καὶ τῆσ πόλεωσ ὅλησ μετὰ τῶν ἐνοικούντων ὑπὸ τοῦ πυρὸσ ἀφανισθείσησ τὴν πυρκαϊὰν ὁ βασιλεὺσ ἀπέδοτο πολλῶν ταλάντων· διὰ γὰρ τὴν εὐδαιμονίαν τῶν ἐνῳκηκότων εὑρέθη πολὺσ ἄργυρόσ τε καὶ χρυσὸσ ὑπὸ τοῦ πυρὸσ κεχωνευμένοσ.

τὰ μὲν οὖν κατὰ Σιδῶνα συμβάντα δυστυχήματα τοιαύτην ἔσχε τὴν καταστροφήν, αἱ δ’ ἄλλαι πόλεισ καταπλαγεῖσαι προσεχώρησαν τοῖσ Πέρσαισ. βραχὺ δὲ πρὸ τούτων τῶν χρόνων Ἀρτεμισία μὲν ἡ Καρίασ δυναστεύουσα μετήλλαξεν ἄρξασα ἔτη δύο, τὴν δὲ δυναστείαν Ἰδριεὺσ ὁ ἀδελφὸσ διεδέξατο καὶ ἦρξεν ἔτη ἑπτά.

κατὰ δὲ τὴν Ἰταλίαν Ῥωμαῖοι πρὸσ μὲν Πραινεστίνουσ ἀνοχάσ, πρὸσ δὲ Σαυνίτασ συνθήκασ ἐποιήσαντο, Ταρκυνίουσ δὲ ἄνδρασ διακοσίουσ καὶ ἑξήκοντα δημοσίᾳ ἐθανάτωσαν ἐν τῇ ἀγορᾷ.

κατὰ δὲ τὴν Σικελίαν Λεπτίνησ καὶ Κάλλιπποσ οἱ Συρακόσιοι δύναμιν ἔχοντεσ ἐξεπολιόρκησαν Ῥήγιον φρουρούμενον ὑπὸ Διονυσίου τοῦ τυράννου τοῦ νεωτέρου καὶ τὴν μὲν φρουρὰν ἐξέβαλον, τοῖσ δὲ Ῥηγίνοισ τὴν αὐτονομίαν ἀπεκατέστησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 45

(디오도로스 시켈로스, Library, book xvi, chapter 45)

상위

목록

SEARCH

MENU NAVIGATION