헬라어 문장 검색 - Διοδορ́Λιβραρψ́9́33́

(디오도로스 시켈로스, Library, book xvi, chapter 43)

μετὰ δὲ ταῦθ’ ὁ μὲν τῶν Περσῶν βασιλεὺσ ἐκ τῆσ Βαβυλῶνοσ τὴν ἀνάζευξιν ποιησάμενοσ μετὰ τῆσ δυνάμεωσ προῆγεν ἐπὶ τὴν Φοινίκην· ὁ δὲ τῆσ Σιδῶνοσ δυνάστησ Τέννησ πυνθανόμενοσ τὸ μέγεθοσ τῆσ τῶν Περσῶν δυνάμεωσ καὶ νομίσασ τοὺσ ἀφεστηκότασ οὐκ ἀξιομάχουσ εἶναι τὴν σωτηρίαν ἰδίᾳ πορίζειν ἔκρινεν. διόπερ τῶν ἑαυτοῦ θεραπόντων τὸν πιστότατον Θετταλίωνα λάθρᾳ τῶν Σιδωνίων ἐξέπεμψε πρὸσ τὸν Ἀρταξέρξην ἐπαγγελλόμενοσ αὐτῷ τὴν μὲν Σιδῶνα παραδώσειν, τὴν δ’ Αἴγυπτον συνεκπολεμήσειν, μεγάλα δ’ αὐτῷ συνεργήσειν ἔμπειρον ὄντα τῶν κατὰ τὴν Αἴγυπτον τόπων καὶ τὰσ κατὰ τὸν Νεῖλον ἀποβάσεισ ἀκριβῶσ εἰδότα.

ὁ δὲ βασιλεὺσ ἀκούσασ τοῦ Θετταλίωνοσ τὰ κατὰ μέροσ ἥσθη διαφερόντωσ καὶ τῶν μὲν κατὰ τὴν ἀπόστασιν ἐγκλημάτων ἀπολύσειν ἔφη τὸν Τέννην, πράξαντοσ δ’ αὐτοῦ τὰ καθωμολογημένα μεγάλασ δωρεὰσ δώσειν ἐπηγγείλατο.

εἰπόντοσ δὲ τοῦ Θετταλίωνοσ ὡσ καὶ δεξιὰν λαβεῖν ὁ Τέννησ ἠξίωσεν, ἐπὶ τούτοισ ὁ μὲν βασιλεὺσ ὀργισθεὶσ ὡσ οὐ πιστευόμενοσ παρέδωκε τὸν Θετταλίωνα τοῖσ ὑπηρέταισ καὶ προσέταξεν ἀφελεῖν τὴν κεφαλήν· ἐπεὶ δ’ ἀπαγόμενοσ ὁ Θετταλίων ἐπὶ τὴν τιμωρίαν τοσοῦτον εἶπεν ὅτι Σὺ μέν, ὦ βασιλεῦ, πράξεισ ὃ θέλεισ, ὁ μέντοι Τέννησ δυνάμενοσ ἅπαντα καταπρᾶξαι διὰ τὸ μὴ δοῦναί σε τὴν πίστιν οὐδὲν μὴ συντελέσει τῶν ἐπηγγελμένων, πάλιν ἀκούσασ τούτων μετενόησε καὶ μετακαλεσάμενοσ τοὺσ ὑπηρέτασ ἀφεῖναι προσέταξε καὶ τὴν δεξιὰν ἔδωκε τῷ Θετταλίωνι·

ἔστι δ’ ἡ πίστισ αὕτη βεβαιοτάτη παρὰ τοῖσ Πέρσαισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 43

(디오도로스 시켈로스, Library, book xvi, chapter 43)

상위

목록

SEARCH

MENU NAVIGATION