헬라어 문장 검색 - Διοδορ́Λιβραρψ́9́32́

(디오도로스 시켈로스, Library, book xvi, chapter 42)

ἐν δὲ τῇ Βαβυλῶνι συνηθροικὼσ τὰσ πεζικὰσ καὶ ἱππικὰσ δυνάμεισ εὐθὺσ ἀναλαβὼν προῆγεν ἐπὶ τοὺσ Φοίνικασ· ἐν ὅσῳ δ’ οὗτοσ κατὰ τὴν ὁδοιπορίαν ἐβάδιζε, Βέλεσυσ ὁ τῆσ Συρίασ σατράπησ καὶ Μαζαῖοσ ὁ τῆσ Κιλικίασ ἄρχων συνελθόντεσ ἐπολέμουν τοὺσ Φοίνικασ. Τέννησ δ’ ὁ τῆσ Σιδῶνοσ βασιλεὺσ προσελάβετο παρ’ Αἰγυπτίων στρατιώτασ μισθοφόρουσ Ἕλληνασ τετρακισχιλίουσ, ὧν ἦν στρατηγὸσ Μέντωρ ὁ Ῥόδιοσ.

μετὰ δὲ τούτων καὶ τῶν πολιτικῶν στρατιωτῶν τοῖσ προειρημένοισ σατράπαισ συμβαλὼν ἐνίκησεν καὶ τοὺσ πολεμίουσ ἐξέβαλεν ἐκ τῆσ Φοινίκησ. ἅμα δὲ τούτοισ πραττομένοισ καὶ κατὰ τὴν Κύπρον συνέστη πόλεμοσ, συμπεπλεγμένασ ἔχων τὰσ πράξεισ τῷ ὑποκειμένῳ πολέμῳ.

ἐν γὰρ τῇ νήσῳ ταύτῃ πόλεισ ἦσαν ἀξιόλογοι μὲν ἐννέα, ὑπὸ δὲ ταύτασ ὑπῆρχε τεταγμένα μικρὰ πολίσματα τὰ προσκυροῦντα ταῖσ ἐννέα πόλεσιν.

ἑκάστη δὲ τούτων εἶχε βασιλέα τῆσ μὲν πόλεωσ ἄρχοντα, τῷ δὲ βασιλεῖ τῶν Περσῶν ὑποτεταγμένον. οὗτοι πάντεσ συμφρονήσαντεσ καὶ μιμησάμενοι τοὺσ Φοίνικασ ἀπέστησαν καὶ παρασκευασάμενοι τὰ πρὸσ τὸν πόλεμον αὐτοκράτορασ τὰσ ἰδίασ βασιλείασ ἐποίησαν.

ἐφ’ οἷσ παροξυνθεὶσ ὁ Ἀρταξέρξησ ἔγραψε πρὸσ τὸν Ἰδριέα τὸν τῆσ Καρίασ δυνάστην, ἄρτι μὲν παρειληφότα τὴν ἀρχήν, φίλον δ’ ὄντα καὶ σύμμαχον Περσῶν ἐκ προγόνων, ἀθροῖσαι δύναμιν πεζικήν τε καὶ ναυτικὴν τὴν διαπολεμήσουσαν τοῖσ ἐν Κύπρῳ βασιλεῦσιν.

ὁ δ’ ὀξέωσ παρασκευασάμενοσ τριήρεισ μὲν τεσσαράκοντα, στρατιώτασ δὲ μισθοφόρουσ ὀκτακισχιλίουσ ἐξέπεμψεν εἰσ τὴν Κύπρον, ἐπιστήσασ στρατηγοὺσ Φωκίωνα τὸν Ἀθηναῖον καὶ Εὐαγόραν τὸν ἐν τοῖσ ἐπάνω χρόνοισ βεβασιλευκότα κατὰ τὴν νῆσον.

οὗτοι μὲν οὖν καταπλεύσαντεσ εἰσ τὴν Κύπρον εὐθὺσ ἐπὶ τὴν μεγίστην τῶν πόλεων Σαλαμῖνα τὴν δύναμιν ἤγαγον.

βαλόμενοι δὲ χάρακα καὶ τὴν παρεμβολὴν ὀχυρώσαντεσ ἐπολιόρκουν τοὺσ Σαλαμινίουσ κατὰ γῆν ἅμα καὶ κατὰ θάλατταν. τῆσ δὲ νήσου πάσησ ἐν εἰρήνῃ πολὺν χρόνον γενομένησ καὶ τῆσ χώρασ εὐδαιμονούσησ οἱ στρατιῶται κρατοῦντεσ τῶν ὑπαίθρων πολλὰσ ὠφελείασ ἤθροισαν. τῆσ δὲ τούτων εὐπορίασ διαβοηθείσησ πολλοὶ τῶν ἐκ τῆσ περαίασ Συρίασ τε καὶ Κιλικίασ συνέρρεον ἐθελοντὶ στρατιῶται πρὸσ τὴν ἐλπίδα τοῦ κέρδουσ.

τέλοσ δὲ διπλασιασθείσησ τῆσ μετ’ Εὐαγόρου καὶ Φωκίωνοσ δυνάμεωσ οἱ βασιλεῖσ οἱ κατὰ τὴν Κύπρον εἰσ ἀγωνίαν καὶ μεγίστουσ φόβουσ ἐνέπιπτον. καὶ τὰ μὲν κατὰ τὴν Κύπρον ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 42

(디오도로스 시켈로스, Library, book xvi, chapter 42)

상위

목록

SEARCH

MENU NAVIGATION