헬라어 문장 검색 - Διοδορ́Λιβραρψ́9́31́

(디오도로스 시켈로스, Library, book xvi, chapter 40)

ἐπ’ ἄρχοντοσ δ’ Ἀθήνησι Θεέλλου Ῥωμαῖοι κατέστησαν ὑπάτουσ Μάρκον Φάβιον καὶ Τίτον Κοί̈ντιον. ἐπὶ δὲ τούτων Θηβαῖοι κάμνοντεσ τῷ πρὸσ Φωκεῖσ πολέμῳ καὶ χρημάτων ἀπορούμενοι πρέσβεισ ἐξέπεμψαν πρὸσ τὸν τῶν Περσῶν βασιλέα, παρακαλοῦντεσ εἰσευπορῆσαι τῇ πόλει χρήματα· ὁ δ’ Ἀρταξέρξησ προθύμωσ ὑπακούσασ ἔδωκεν αὐτοῖσ δωρεὰν ἀργυρίου τάλαντα τριακόσια.

τοῖσ δὲ Βοιωτοῖσ καὶ τοῖσ Φωκεῦσιν ἀκροβολισμοὶ μὲν καὶ χώρασ καταδρομαὶ συνέστησαν, πράξεισ δὲ κατὰ τοῦτον τὸν ἐνιαυτὸν ἄξιαι μνήμησ οὐ συνετελέσθησαν. κατὰ δὲ τὴν Ἀσίαν ὁ βασιλεὺσ τῶν Περσῶν ἐν μὲν τοῖσ ἐπάνω χρόνοισ στρατεύσασ ἐπ’ Αἴγυπτον πολλοῖσ πλήθεσι στρατιωτῶν ἀπέτυχε, κατὰ δὲ τοὺσ ὑποκειμένουσ καιροὺσ πάλιν ἐπολέμησε τοῖσ Αἰγυπτίοισ καὶ πράξεισ ἀξιολόγουσ κατεργασάμενοσ διὰ τῆσ ἰδίασ ἐνεργείασ τὴν Αἴγυπτον ἀνεκτήσατο καὶ Φοινίκην καὶ Κύπρον.

ἵνα δὲ σαφῆ τὴν περὶ τούτων ἱστορίαν ποιήσωμεν, τὰσ αἰτίασ τοῦ πολέμου προεκθησόμεθα μικρὸν ἀναλαβόντεσ τοὺσ οἰκείουσ χρόνουσ.

τῶν γὰρ Αἰγυπτίων ἀπὸ Περσῶν ἀποστάντων κατὰ τοὺσ ἀνωτέρω χρόνουσ Ἀρταξέρξησ ὁ ἐπικληθεὶσ Ὦχοσ αὐτὸσ μὲν οὐκ ὢν φιλοπόλεμοσ ἐφ’ ἡσυχίασ ἔμενεν, ἀποστέλλων δὲ δυνάμεισ καὶ στρατηγοὺσ πολλάκισ ἀπετύγχανε διὰ τὴν κακίαν καὶ ἀπειρίαν τῶν ἡγεμόνων. διὸ καὶ καταφρονηθεὶσ ὑπὸ τῶν Αἰγυπτίων ἠναγκάζετο καρτερεῖν διά τε τὴν ἀργίαν καὶ τὸ τῆσ ψυχῆσ εἰρηνικόν.

κατὰ δὲ τοὺσ ὑποκειμένουσ καιροὺσ τῶν Φοινίκων καὶ τῶν ἐν Κύπρῳ βασιλέων μιμησαμένων τοὺσ Αἰγυπτίουσ καὶ διὰ τὴν καταφρόνησιν ἐπὶ τὴν ἀπόστασιν ὁρμησάντων παροξυνθεὶσ ἔκρινε πολεμεῖν τοὺσ ἀφεστηκότασ. τὸ μὲν οὖν στρατηγοὺσ ἐκπέμπειν ἀπεδοκίμασε, δι’ ἑαυτοῦ δὲ τοὺσ ὑπὲρ τῆσ βασιλείασ ἀγῶνασ ποιήσασθαι διέγνω.

διόπερ ὅπλων καὶ βελῶν καὶ σίτου καὶ δυνάμεων μεγάλασ παρασκευὰσ ποιησάμενοσ ἤθροισε πεζῶν μὲν τριάκοντα μυριάδασ, ἱππέων δὲ τρεῖσ, τριήρεισ δὲ τριακοσίασ, φορτηγοὺσ δὲ καὶ τὰσ ἄλλασ τὰσ τὴν ἀγορὰν κομιζούσασ πεντακοσίασ. ἤρξατο δὲ καὶ πρὸσ Φοίνικασ πολεμεῖν διὰ τοιαύτασ τινὰσ αἰτίασ.

κατὰ τὴν Φοινίκην ἐστὶ πόλισ ἀξιόλογοσ ὀνόματι Τρίπολισ, οἰκείαν ἔχουσα τῇ φύσει τὴν προσηγορίαν· τρεῖσ γάρ εἰσιν ἐν αὐτῇ πόλεισ σταδιαῖον ἀπ’ ἀλλήλων ἔχουσαι διάστημα· ἐπικαλεῖται δὲ τούτων ἡ μὲν Ἀραδίων, ἡ δὲ Σιδωνίων, ἡ δὲ Τυρίων. ἀξίωμα δ’ ἔχει μέγιστον αὕτη τῶν κατὰ τὴν Φοινίκην πόλεων, ἐν ᾗ συνέβαινεν τοὺσ Φοίνικασ συνέδριον ἔχειν καὶ βουλεύεσθαι περὶ τῶν μεγίστων. τῶν δὲ σατραπῶν καὶ στρατηγῶν ἐν τῇ Σιδωνίων διατριβόντων καὶ κατὰ τὰσ τῶν πραγμάτων ἐπιταγὰσ ὑβριστικῶσ καὶ ὑπερηφάνωσ προσφερομένων τοῖσ Σιδωνίοισ οἱ κακούμενοι τὴν ἐπήρειαν χαλεπῶσ φέροντεσ ἔγνωσαν ἀποστῆναι τῶν Περσῶν.

πείσαντεσ δὲ καὶ τοὺσ ἄλλουσ Φοίνικασ τῆσ αὐτονομίασ ἀντέχεσθαι διεπρεσβεύσαντο πρὸσ τὸν Αἰγυπτίων βασιλέα Νεκτανεβώ, πολέμιον ὄντα Περσῶν, καὶ πείσαντεσ παραλαβεῖν αὐτοὺσ εἰσ τὴν συμμαχίαν παρεσκευάζοντο τὰ πρὸσ τὸν πόλεμον.

τῆσ δὲ Σιδῶνοσ εὐδαιμονίᾳ διαφερούσησ καὶ τῶν ἰδιωτῶν διὰ τὰσ ἐμπορίασ μεγάλουσ περιπεποιημένων πλούτουσ ταχὺ τριήρεισ τε πολλαὶ κατεσκευάσθησαν καὶ μισθοφόρων πλῆθοσ ἠθροίσθη, πρὸσ δὲ τούτοισ ὅπλα καὶ βέλη καὶ σῖτοσ καὶ τἄλλα πάντα τὰ πρὸσ πόλεμον χρήσιμα συντόμωσ κατεσκευάσθη.

κατάρχοντεσ δὲ τῆσ ἔχθρασ τὸν μὲν βασιλικὸν παράδεισον, ἐν ᾧ τὰσ καταλύσεισ οἱ τῶν Περσῶν βασιλεῖσ εἰώθεισαν ποιεῖσθαι, δενδροτομήσαντεσ διέφθειραν·

ἔπειτα τὸν ἠθροισμένον ὑπὸ τῶν σατραπῶν εἰσ τὸν πόλεμον τοῖσ ἵπποισ χόρτον ἐνέπρησαν, τὸ δὲ τελευταῖον τοὺσ τὰσ ὕβρεισ ἐπιτελεσαμένουσ Πέρσασ συλλαβόντεσ ἐτιμωρήσαντο. τοῦ δὲ πολέμου τοῦ πρὸσ τοὺσ Φοίνικασ ταύτην τὴν καταρχὴν λαβόντοσ ὁ βασιλεὺσ πυθόμενοσ τὰ τετολμημένα τοῖσ ἀποστάταισ πᾶσι μὲν τοῖσ Φοίνιξιν ἠπείλει, μάλιστα δὲ τοῖσ Σιδωνίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 40

(디오도로스 시켈로스, Library, book xvi, chapter 40)

상위

목록

SEARCH

MENU NAVIGATION