헬라어 문장 검색 - Διοδορ́Λιβραρψ́9́28́

(디오도로스 시켈로스, Library, book xvi, chapter 36)

μετὰ δὲ τὴν Ὀνομάρχου τελευτὴν διεδέξατο τὴν Φωκέων ἡγεμονίαν ὁ ἀδελφὸσ Φάυλλοσ. οὗτοσ δὲ τὴν γεγενημένην συμφορὰν διορθούμενοσ μισθοφόρων τε πλῆθοσ ἤθροιζε, διπλασιάσασ τοὺσ εἰωθότασ μισθούσ, καὶ παρὰ τῶν συμμάχων βοήθειαν μετεπέμψατο· κατεσκευάζετο δὲ καὶ ὅπλων πλῆθοσ καὶ νόμισμα κατέκοψε χρυσοῦν τε καὶ ἀργυροῦν. ὑπὸ δὲ τοὺσ αὐτοὺσ καιροὺσ Μαύσωλοσ ὁ Καρίασ δυνάστησ ἐτελεύτησεν ἄρξασ ἔτη εἴκοσι τέσσαρα, τὴν δὲ ἀρχὴν διαδεξαμένη Ἀρτεμισία ἡ ἀδελφὴ καὶ γυνὴ ἐδυνάστευσεν ἔτη δύο.

Κλέαρχοσ δ’ ὁ Ἡρακλείασ τύραννοσ Διονυσίων ὄντων ἐπὶ θέαν βαδίζων ἀνῃρέθη,ἄρξασ ἔτη δεκαδύο·

τὴν δὲ ἀρχὴν διαδεξάμενοσ ὁ υἱὸσ Τιμόθεοσ ἦρξεν ἔτη πεντεκαίδεκα. Τυρρηνοὶ δὲ διαπολεμοῦντεσ Ῥωμαίοισ ἐπόρθησαν πολλὴν τῆσ πολεμίασ χώρασ καὶ μέχρι τοῦ Τιβέρεωσ καταδραμόντεσ ἐπανῆλθον εἰσ τὴν οἰκείαν.

ἐν δὲ ταῖσ Συρακούσσαισ στάσεωσ γενομένησ τοῖσ Δίωνοσ φίλοισ πρὸσ Κάλλιππον οἱ μὲν τοῦ Δίωνοσ φίλοι ἡττηθέντεσ ἔφυγον εἰσ τοὺσ Λεοντίνουσ·

μετὰ δέ τινα χρόνον Ἱππαρίνου τοῦ Διονυσίου καταπλεύσαντοσ εἰσ τὰσ Συρακούσσασ μετὰ δυνάμεωσ ὁ μὲν Κάλλιπποσ ἡττηθεὶσ ἐξέπεσεν τῆσ πόλεωσ, Ἱππαρῖνοσ δὲ ἀνακτησάμενοσ τὴν πατρῴαν δυναστείαν ἦρξεν ἔτη δύο. ἐπ’ ἄρχοντοσ δ’ Ἀθήνησιν Ἀριστοδήμου Ῥωμαῖοι κατέστησαν ὑπάτουσ Γάιον Σολπίκιον καὶ Μάρκον Οὐαλέριον, Ὀλυμπιὰσ δ’ ἤχθη ἑβδόμη πρὸσ ταῖσ ἑκατόν, καθ’ ἣν ἐνίκα στάδιον Μικρίνασ Ταραντῖνοσ.

ἐπὶ δὲ τούτων Φάυλλοσ μὲν ὁ Φωκέων στρατηγὸσ μετὰ τὴν τοῦ ἀδελφοῦ τελευτήν τε καὶ ἧτταν προσανέλαβε τὰ τῶν Φωκέων πράγματα τεταπεινωμένα διά τε τὴν ἧτταν καὶ τὴν φθορὰν τῶν στρατιωτῶν. ἔχων γὰρ χρημάτων πλῆθοσ ἀνέκλειπτον πολλοὺσ μὲν μισθοφόρουσ ἤθροισεν, οὐκ ὀλίγουσ δὲ συμμάχουσ ἔπεισε συνεπιλαβέσθαι τοῦ πολέμου.

τῇ γὰρ ἀφθονίᾳ τῶν χρημάτων ἀνέδην χρώμενοσ οὐ μόνον ἰδιώτασ πολλοὺσ ἔσχε προθύμουσ συναγωνιστάσ, ἀλλὰ καὶ πόλεισ τὰ σἐπιφανεστάτασ ἐπεσπάσατο πρὸσ τὴν κοινοπραγίαν. Λακεδαιμόνιοι μὲν γὰρ ἀπέστειλαν αὐτῷ στρατιώτασ χιλίουσ, Ἀχαιοὶ δὲ δισχιλίουσ, Ἀθηναῖοι δὲ πεζοὺσ μὲν πεντακισχιλίουσ, ἱππεῖσ δὲ τετρακοσίουσ, ὧν ἦν στρατηγὸσ Ναυσικλῆσ.

οἱ δὲ τῶν Φεραίων τύραννοι Λυκόφρων καὶ Πειθόλαοσ μετὰ τὴν Ὀνομάρχου τελευτὴν ἔρημοι συμμάχων ὄντεσ τὰσ μὲν Φερὰσ παρέδοσαν τῷ Φιλίππῳ, αὐτοὶ δ’ ὑπόσπονδοι γενόμενοι συνήγαγον τοὺσ μισθοφόρουσ ὄντασ δισχιλίουσ καὶ μετὰ τούτων φυγόντεσ πρὸσ Φάυλλον συνεμάχουν τοῖσ Φωκεῦσιν. ἐβοήθησαν δὲ καὶ τῶν ἐλαττόνων πόλεων οὐκ ὀλίγαι τοῖσ Φωκεῦσι διὰ τὸ πλῆθοσ τῶν διαδιδομένων χρημάτων·

ὁ γὰρ χρυσὸσ τὰσ πλεονεξίασ τῶν ἀνθρώπων ἐκκαλούμενοσ ἠνάγκασεν αὐτομολεῖν πρὸσ τὴν ἐκ τοῦ κέρδουσ λυσιτέλειαν. ὁ δ’ οὖν Φάυλλοσ μετὰ τῆσ δυνάμεωσ ἐστράτευσεν εἰσ τὴν Βοιωτίαν καὶ περὶ πόλιν Ὀρχομενὸν ἡττηθεὶσ μάχῃ πολλοὺσ τῶν στρατιωτῶν ἀπέβαλεν.

μετὰ δὲ ταῦτα ἄλλησ γενομένησ μάχησ παρὰ τὸν Κηφισὸν ποταμὸν ἐνίκησαν πάλιν Βοιωτοὶ καὶ ἀνεῖλον τῶν πολεμίων ὑπὲρ τοὺσ πεντακοσίουσ, ἐζώγρησαν δὲ οὐκ ἐλάττουσ τῶν τετρακοσίων. ὀλίγαισ δ’ ὕστερον ἡμέραισ γενομένησ μάχησ περὶ Κορώνειαν ἐνίκησαν οἱ Βοιωτοὶ καὶ πεντήκοντα μὲν ἀνεῖλον τῶν Φωκέων, ἑκατὸν δὲ καὶ τριάκοντα ἐζώγρησαν.

ἡμεῖσ δὲ τὰ περὶ Βοιωτοὺσ καὶ Φωκεῖσ διεληλυθότεσ ἐπάνιμεν ἐπὶ τὸν Φίλιππον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 36

(디오도로스 시켈로스, Library, book xvi, chapter 36)

상위

목록

SEARCH

MENU NAVIGATION