헬라어 문장 검색 - Διοδορ́Λιβραρψ́9́23́

(디오도로스 시켈로스, Library, book xvi, chapter 30)

φανεροῦ δ’ ὄντοσ ὅτι Βοιωτοὶ μεγάλῃ δυνάμει στρατεύσουσιν ἐπὶ τοὺσ Φωκεῖσ ὁ Φιλόμηλοσ ἔκρινε μισθοφόρων ἀθροίζειν πλῆθοσ. προσδεομένου δὲ τοῦ πολέμου χρημάτων πλειόνων ἠναγκάζετο τοῖσ ἱεροῖσ ἀναθήμασιν ἐπιβάλλειν τὰσ χεῖρασ καὶ συλᾶν τὸ μαντεῖον. ὑποστησαμένου δ’ αὐτοῦ τοῖσ ξένοισ μισθοὺσ ἡμιολίουσ ταχὺ πλῆθοσ ἠθροίσθη μισθοφόρων, πολλῶν ὑπακουόντων πρὸσ τὴν στρατείαν διὰ τὸ μέγεθοσ τῶν μισθῶν. τῶν μὲν οὖν ἐπιεικῶν ἀνδρῶν οὐδεὶσ ἀπεγράψατο πρὸσ τὴν στρατείαν διὰ τὴν πρὸσ τοὺσ θεοὺσ εὐσέβειαν, οἱ δὲ πονηρότατοι καὶ θεῶν διὰ τὴν πλεονεξίαν καταφρονοῦντεσ προθύμωσ συνέτρεχον πρὸσ τὸν Φιλόμηλον καὶ ταχὺ δύναμισ ἰσχυρὰ συνέστη τῶν πρὸσ τὴν ἱεροσυλίαν ὁρμωμένων.

ὁ μὲν οὖν Φιλόμηλοσ διὰ τὸ μέγεθοσ τῆσ εὐπορίασ ταχὺ δύναμιν ἀξιόχρεων κατεσκευάσατο.

εὐθὺσ οὖν ἐστράτευσεν εἰσ τὴν τῶν Λοκρῶν χώραν ἔχων στρατιώτασ ἱππεῖσ τε καὶ πεζοὺσ πλείουσ τῶν μυρίων. ἀντιταχθέντων δὲ τῶν Λοκρῶν καὶ τῶν Βοιωτῶν βοηθησάντων τοῖσ Λοκροῖσ ἱππομαχία συνέστη, καθ’ ἣν προετέρησαν οἱ Φωκεῖσ. μετὰ δὲ ταῦτα οἱ μὲν Θετταλοὶ μετὰ τῶν πλησιοχώρων συμμάχων ἀθροισθέντεσ εἰσ ἑξακισχιλίουσ ἧκον εἰσ τὴν Λοκρίδα καὶ συνάψαντεσ μάχην τοῖσ Φωκεῦσι περὶ λόφον Ἀργόλαν ὀνομαζόμενον ἡττήθησαν.

ἐπιφανέντων δὲ Βοιωτῶν μυρίοισ καὶ τρισχιλίοισ στρατιώταισ καὶ τῶν ἐκ Πελοποννήσου Ἀχαιῶν χιλίοισ καὶ πεντακοσίοισ βοηθησάντων τοῖσ Φωκεῦσιν ἀντεστρατοπέδευσαν αἱ δυνάμεισ, ἀμφοτέρων ἀθροισθέντων εἰσ ἕνα τόπον. μετὰ δὲ ταῦτα οἱ μὲν Βοιωτοὶ κατὰ τὰσ προνομὰσ ζωγρήσαντεσ οὐκ ὀλίγουσ τῶν μισθοφόρων, προαγαγόντεσ πρὸ τῆσ πόλεωσ ἐκήρυξαν ὅτι τούσδε τοὺσ ἄνδρασ οἱ Ἀμφικτύονεσ στρατευσαμένουσ μετὰ τῶν ἱεροσύλων θανάτῳ κολάζουσιν·

εὐθὺσ δὲ καὶ τῶν ἔργων τοῖσ λόγοισ ἀκολουθούντων ἅπαντασ κατηκόντισαν. ἐπὶ δὲ τούτοισ οἱ παρὰ τοῖσ Φωκεῦσι μισθοφόροι παροξυνθέντεσ ἠξίουν τὸν Φιλόμηλον τῆσ ὁμοίασ τιμωρίασ ἀξιῶσαι τοὺσ πολεμίουσ, μεγάλην δὲ φιλονεικίαν εἰσενεγκάμενοι καὶ πολλοὺσ τῶν κατὰ τὴν χώραν πλανωμένων παρὰ τοῖσ πολεμίοισ ζωγρήσαντεσ ἀνήγαγον, οὓσ ἅπαντασ ὁ Φιλόμηλοσ κατηκόντισε.

διὰ δὲ ταύτησ τῆσ κολάσεωσ τοὺσ ἐναντίουσ ἐποίησαν μεθέσθαι τῆσ ὑπερηφάνου καὶ δεινῆσ τιμωρίασ. μετὰ δὲ ταῦτα τῶν δυνάμεων εἰσ ἄλλην χώραν ἐμβαλουσῶν καὶ τὴν ὁδοιπορίαν ποιουμένων διὰ τόπων καταδένδρων καὶ τραχέων ἄφνω συνέμιξαν ἀλλήλοισ οἱ προηγούμενοι τῆσ στρατιᾶσ.

γενομένησ δὲ συμπλοκῆσ, εἶτα μάχησ ἰσχυρᾶσ οἱ Βοιωτοὶ τῷ πλήθει πολὺ προέχοντεσ ἐνίκησαν τοὺσ Φωκεῖσ. τῆσ δὲ φυγῆσ γινομένησ διὰ τόπου κρημνώδουσ καὶ δυσεξίτου πολλοὶ τῶν τε Φωκέων καὶ μισθοφόρων κατεκόπησαν·

ὁ δὲ Φιλόμηλοσ ἐκθύμωσ ἀγωνισάμενοσ καὶ πολλοῖσ τραύμασι περιπεσὼν εἴσ τινα κρημνώδη τόπον συνεκλείσθη· οὐκ ἔχων δὲ διέξοδον καὶ φοβούμενοσ τὴν ἐκ τῆσ αἰχμαλωσίασ αἰκίαν ἑαυτὸν κατεκρήμνισε καὶ τοῦτον τὸν τρόπον δοὺσ τῷ δαιμονίῳ δίκασ κατέστρεψε τὸν βίον. ὁ δὲ συνάρχων αὐτῷ στρατηγὸσ Ὀνόμαρχοσ διαδεξάμενοσ τὴν ἡγεμονίαν καὶ μετὰ τῆσ ἀνασωζομένησ δυνάμεωσ ἀναχωρήσασ ἀνελάμβανε τοὺσ ἐκ τῆσ φυγῆσ ἐπανιόντασ.

ἅμα δὲ τούτοισ πραττομένοισ Φίλιπποσ ὁ τῶν Μακεδόνων βασιλεὺσ Μεθώνην μὲν ἐκπολιορκήσασ καὶ διαρπάσασ κατέσκαψε, Παγασὰσ δὲ χειρωσάμενοσ ἠνάγκασεν ὑποταγῆναι.

κατὰ δὲ τὸν Πόντον Λεύκων ὁ τοῦ Βοσπόρου βασιλεὺσ ἐτελεύτησεν ἄρξασ ἔτη τεσσαράκοντα, τὴν δὲ ἀρχὴν διαδεξάμενοσ Σπάρτακοσ ὁ υἱὸσ ἐβασίλευσεν ἔτη πέντε. Ῥωμαίοισ δὲ πρὸσ Φαλίσκουσ συνέστη πόλεμοσ καὶ μέγα μὲν οὐδὲν οὐδ’ ἄξιον μνήμησ ἐπετελέσθη, καταδρομαὶ δὲ καὶ πορθήσεισ τῆσ χώρασ τῶν Φαλίσκων ἐγίνοντο.

κατὰ δὲ τὴν Σικελίαν Δίωνοσ τοῦ στρατηγοῦ σφαγέντοσ ὑπὸ Ζακυνθίων τινῶν μισθοφόρων τὴν ἡγεμονίαν διεδέξατο Κάλλιπποσ ὁ τούτουσ πρὸσ τὸν φόνον παρασκευάσασ καὶ ἦρξε μῆνασ τρεισκαίδεκα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 30

(디오도로스 시켈로스, Library, book xvi, chapter 30)

상위

목록

SEARCH

MENU NAVIGATION