헬라어 문장 검색 - Διοδορ́Λιβραρψ́9́22́

(디오도로스 시켈로스, Library, book xvi, chapter 28)

ἐπ’ ἄρχοντοσ δ’ Ἀθήνησι Διοτίμου Ῥωμαῖοι κατέστησαν ὑπάτουσ Γάιον Μάρκιον καὶ Γναῖον Μάλλιον. ἐπὶ δὲ τούτων Φιλόμηλοσ μὲν προορώμενοσ τὸ μέγεθοσ τοῦ πολέμου μισθοφόρων τε πλῆθοσ ἤθροιζε, τῶν τε Φωκέων τοὺσ εὐθέτουσ κατέλεγεν εἰσ τὴν στρατείαν. τοῦ δὲ πολέμου προσδεομένου χρημάτων τῶν μὲν ἱερῶν ἀναθημάτων ἀπείχετο, τοὺσ δὲ Δελφοὺσ εὐδαιμονίᾳ καὶ πλούτῳ διαφέροντασ ἐπράξατο πλῆθοσ χρημάτων ἱκανὸν εἰσ τοὺσ τῶν ξένων μισθούσ.

κατασκευάσασ οὖν ἀξιόλογον δύναμιν προήγαγεν εἰσ ὕπαιθρον καὶ φανερὸσ ἦν ἑτοίμωσ ἔχων διαγωνίζεσθαι πρὸσ τοὺσ ἀλλοτρίωσ διακειμένουσ τοῖσ Φωκεῦσι. τῶν δὲ Λοκρῶν στρατευσάντων ἐπ’ αὐτὸν ἐγένετο μάχη περὶ τὰσ Φαιδριάδασ καλουμένασ πέτρασ, ἣν νικήσασ ὁ Φιλόμηλοσ πολλοὺσ μὲν ἀνεῖλε τῶν πολεμίων, οὐκ ὀλίγουσ δ’ ἐζώγρησε, τινὰσ δὲ κατὰ τῆσ πέτρασ συνηνάγκασεν ἑαυτοὺσ κατακρημνίσαι.

μετὰ δὲ τὴν μάχην ταύτην οἱ μὲν Φωκεῖσ ἐπήρθησαν τοῖσ φρονήμασι διὰ τὴν εὐημερίαν, οἱ δὲ Λοκροὶ ταπεινωθέντεσ πρέσβεισ ἐξέπεμψαν εἰσ τὰσ Θήβασ ἀξιοῦντεσ τοὺσ Βοιωτοὺσ βοηθεῖν αὐτοῖσ τε καὶ τῷ θεῷ. οἱ δὲ Βοιωτοὶ διά τε τὴν πρὸσ τοὺσ θεοὺσ εὐσέβειαν καὶ διὰ τὸ συμφέρειν αὐτοῖσ τὰσ τῶν Ἀμφικτυόνων κρίσεισ βεβαίασ εἶναι πρόσ τε τοὺσ Θετταλοὺσ ἐπρέσβευσαν καὶ τοὺσ ἄλλουσ Ἀμφικτύονασ ἀξιοῦντεσ κοινῇ πολεμῆσαι τοῖσ Φωκεῦσι.

ψηφισαμένων δὲ τῶν Ἀμφικτυόνων τὸν πρὸσ Φωκεῖσ πόλεμον πολλὴ ταραχὴ καὶ διάστασισ ἦν καθ’ ὅλην τὴν Ἑλλάδα. οἱ μὲν γὰρ ἔκριναν βοηθεῖν τῷ θεῷ καὶ τοὺσ Φωκεῖσ ὡσ ἱεροσύλουσ κολάζειν, οἱ δὲ πρὸσ τὴν τῶν Φωκέων βοήθειαν ἀπέκλινον. σχιζομένησ δὲ τῆσ τῶν ἐθνῶν καὶ πόλεων αἱρέσεωσ τῷ μὲν ἱερῷ βοηθεῖν ἔγνωσαν Βοιωτοὶ καὶ Λοκροὶ καὶ Θετταλοὶ καὶ Περραιβοί, πρὸσ δὲ τούτοισ Δωριεῖσ καὶ Δόλοπεσ, ἔτι δὲ Ἀθαμᾶνεσ καὶ Ἀχαιοὶ Φθιῶται καὶ Μάγνητεσ, ἔτι δὲ Αἰνιᾶνεσ καί τινεσ ἕτεροι, τοῖσ δὲ Φωκεῦσι συνεμάχουν Ἀθηναῖοι καὶ Λακεδαιμόνιοι καί τινεσ ἕτεροι τῶν Πελοποννησίων.

προθυμότατα δὲ συνέπραττον οἱ Λακεδαιμόνιοι διὰ τοιαύτασ αἰτίασ.

ἐν τῷ Λευκτρικῷ πολέμῳ Θηβαῖοι καταπολεμήσαντεσ τοὺσ πολεμίουσ δίκην ἐπήνεγκαν εἰσ Ἀμφικτύονασ κατὰ τῶν Σπαρτιατῶν, ὅτι Φοιβίδασ ὁ Σπαρτιάτησ κατελάβετο τὴν Καδμείαν, καὶ διετιμήσαντο τὸ ἀδίκημα ταλάντων πεντακοσίων. καταδικασθέντων δὲ τῶν Λακεδαιμονίων καὶ τὴν δίκην οὐκ ἐκτινόντων κατὰ τὸν ὡρισμένον ἐκ τῶν νόμων καιρὸν οἱ Θηβαῖοι πάλιν δίκην ἐπήνεγκαν διπλοῦ τοῦ ἀδικήματοσ. τῶν δ’ Ἀμφικτυόνων χιλίοισ ταλάντοισ καταδικασάντων οἱ Λακεδαιμόνιοι διὰ τὸ μέγεθοσ τοῦ ὀφλήματοσ ὁμοίασ τοῖσ Φωκεῦσι τὰσ ἀποφάσεισ ἐποιοῦντο, λέγοντεσ ἀδίκωσ ὑπὸ τῶν Ἀμφικτυόνων καταδεδικάσθαι.

διόπερ κοινοῦ ὄντοσ τοῦ συμφέροντοσ οἱ Λακεδαιμόνιοι κατ’ ἰδίαν μὲν ὤκνουν ὑπὲρ τῆσ καταδίκησ ἄρασθαι πόλεμον, διὰ δὲ τοῦ προσώπου τῶν Φωκέων εὐσχημονέστερον ἔκρινον ἀκυρῶσαι τὰσ κρίσεισ τῶν Ἀμφικτυόνων.

διὰ δὴ ταύτασ τὰσ αἰτίασ ἑτοιμότατα συνεμάχουν τοῖσ Φωκεῦσι καὶ τὴν προστασίαν τοῦ ἱεροῦ συγκατεσκεύαζον αὐτοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 28

(디오도로스 시켈로스, Library, book xvi, chapter 28)

상위

목록

SEARCH

MENU NAVIGATION