헬라어 문장 검색 - Διοδορ́Λιβραρψ́9́19́

(디오도로스 시켈로스, Library, book xvi, chapter 22)

Χάρησ δὲ παραλαβὼν παντὸσ τοῦ στόλου τὴν ἡγεμονίαν καὶ σπεύδων τῆσ δαπάνησ ἀπαλλάξαι τοὺσ Ἀθηναίουσ ἐπεχείρησε πράξει παραβόλῳ· Ἀρταβάζου γὰρ ἀποστάντοσ ἀπὸ τοῦ βασιλέωσ καὶ μέλλοντοσ ὀλίγοισ στρατιώταισ πρὸσ τοὺσ σατράπασ διαγωνίζεσθαι μυριάδασ ἑπτὰ στρατιωτῶν ἔχοντασ, συμμαχήσαντοσ αὐτῷ Χάρητοσ πάσῃ τῇ δυνάμει καὶ νικήσαντοσ τὴν τοῦ βασιλέωσ δύναμιν, ὁ μὲν Ἀρτάβαζοσ ἀποδιδοὺσ τῆσ εὐεργεσίασ χάριτασ ἐδωρήσατο πλῆθοσ χρημάτων, ἐξ ὧν δυνατὸν ἦν πᾶσαν τὴν δύναμιν ὀψωνιάζεσθαι, οἱ δ’ Ἀθηναῖοι τὸ μὲν πρῶτον ἀπεδέξαντο τὴν πρᾶξιν τοῦ Χάρητοσ, ὕστερον δὲ τοῦ βασιλέωσ πρέσβεισ ἀποστείλαντοσ καὶ κατηγοροῦντοσ τοῦ Χάρητοσ τὴν ἐναντίαν ἔσχον γνώμην· διεδόθη γὰρ λόγοσ ὅτι τοῖσ πολεμίοισ τῶν Ἀθηναίων βασιλεὺσ ἐπηγγείλατο τριακοσίαισ ναυσὶ συγκαταπολεμήσειν τοὺσ Ἀθηναίουσ.

ταῦτ’ οὖν ὁ δῆμοσ εὐλαβηθεὶσ ἔκρινε καταλύσασθαι τὸν πρὸσ τοὺσ ἀφεστηκότασ πόλεμον· εὑρὼν δὲ κἀκείνουσ ἐπιθυμοῦντασ τῆσ εἰρήνησ ῥᾳδίωσ πρὸσ αὐτοὺσ διελύσατο. ὁ μὲν οὖν συμμαχικὸσ ὀνομασθεὶσ πόλεμοσ τοιοῦτον ἔσχε τὸ τέλοσ, διαμείνασ ἔτη τέτταρα.

κατὰ δὲ τὴν Μακεδονίαν τρεῖσ βασιλεῖσ συνέστησαν ἐπὶ τὸν Φίλιππον, ὅ τε τῶν Θρᾳκῶν καὶ Παιόνων καὶ Ἰλλυριῶν.

οὗτοι γὰρ ὄντεσ ὅμοροι τοῖσ Μακεδόσι καὶ τὴν αὔξησιν ὑφορώμενοι τοῦ Φιλίππου καθ’ ἑαυτοὺσ μὲν οὐκ ἦσαν ἀξιόμαχοι προηττημένοι, κοινῇ δὲ πολεμοῦντεσ ὑπέλαβον ῥᾳδίωσ αὐτοῦ περιέσεσθαι. διόπερ ἀθροιζόντων τὰσ δυνάμεισ ἐπιφανεὶσ ἀσυντάκτοισ καὶ καταπληξάμενοσ ἠνάγκασε προσθέσθαι τοῖσ Μακεδόσιν. ἐπ’ ἄρχοντοσ δ’ Ἀθήνησι Καλλιστράτου Ῥωμαῖοι κατέστησαν ὑπάτουσ Μάρκον Φάβιον καὶ Γάιον Πλώτιον.

ἐπὶ δὲ τούτων ὁ κληθεὶσ ἱερὸσ πόλεμοσ συνέστη καὶ διέμεινεν ἔτη ἐννέα. Φιλόμηλοσ γὰρ ὁ Φωκεύσ, ἀνὴρ θράσει καὶ παρανομίᾳ διαφέρων, κατελάβετο μὲν τὸ ἐν Δελφοῖσ ἱερόν, ἐξέκαυσε δὲ τὸν ἱερὸν πόλεμον διὰ τοιαύτασ τινὰσ αἰτίασ. Λακεδαιμονίων πρὸσ Βοιωτοὺσ διαπολεμησάντων τὸν Λευκτρικὸν πόλεμον καὶ καταπολεμηθέντων οἱ μὲν Θηβαῖοι διὰ τὴν κατάληψιν τῆσ Καδμείασ δίκασ μεγάλασ ἐπαγαγόντεσ τοῖσ Λακεδαιμονίοισ ἐν Ἀμφικτύοσι κατεδίκασαν αὐτοὺσ πολλοῖσ χρήμασιν, οἱ δὲ Φωκεῖσ ἐπεργασάμενοι πολλὴν τῆσ ἱερᾶσ χώρασ τῆσ ὀνομαζομένησ Κιρραίασ δίκασ ὑπέσχον ἐν Ἀμφικτύοσι καὶ πολλοῖσ ταλάντοισ κατεκρίθησαν.

οὐκ ἐκτινόντων δ’ αὐτῶν τὰ ὀφλήματα οἱ μὲν ἱερομνήμονεσ ἐν Ἀμφικτύοσι κατηγόρουν τῶν Φωκέων καὶ τὸ συνέδριον ἠξίουν, ἐὰν μὴ τὰ χρήματα τῷ θεῷ ἀποδῶσιν οἱ Φωκεῖσ, καθιερῶσαι τὴν χώραν τῶν ἀποστερούντων τὸν θεόν·

ὁμοίωσ δ’ ἔφασαν δεῖν καὶ τοὺσ ἄλλουσ τοὺσ καταδικασθέντασ ἐκτίνειν τὰ ὀφλήματα, ἐν οἷσ ὑπῆρχον καὶ Λακεδαιμόνιοι· ἐὰν δὲ μὴ ὑπακούωσι, κοινῇ ὑπὸ τῶν Ἑλλήνων μισοπονηρίασ ἀξιοῦσθαι. τῶν δ’ Ἑλλήνων συνεπικυρούντων τὰ δόγματα τῶν Ἀμφικτυόνων καὶ τῆσ τῶν Φωκέων χώρασ μελλούσησ καθιεροῦσθαι ὁ Φιλόμηλοσ, μέγιστον ἔχων ἐν τοῖσ Φωκεῦσιν ἀξίωμα, διελέχθη τοῖσ ὁμοεθνέσι, διδάσκων ὡσ ἐκτῖσαι μὲν οὐ δύνανται τὰ χρήματα διὰ τὸ μέγεθοσ τῆσ καταδίκησ, περιορᾶν δὲ καθιερουμένην τὴν χώραν οὐ μόνον ἄνανδρον ὑπάρχειν, ἀλλὰ καὶ κίνδυνον ἐπιφέρειν τῇ τῶν ἁπάντων τοῦ βίου ἀνατροπῇ.

ἐπειρᾶτο δὲ καὶ τὰσ κρίσεισ τῶν Ἀμφικτυόνων ἀδίκουσ δεικνύναι κατὰ τὸ δυνατόν·

μικρᾶσ γὰρ παντελῶσ χώρασ κατεργασθείσησ μεγίστασ ζημίασ τεθεῖσθαι. συνεβούλευεν οὖν ταύτασ ἀκύρουσ ποιῆσαι καὶ μεγάλασ ἀφορμὰσ ἔχειν ἀπεφαίνετο τοὺσ Φωκεῖσ κατὰ τῶν Ἀμφικτυόνων· τὸ γὰρ παλαιὸν τοῦ μαντείου τὴν ἐξουσίαν καὶ προστασίαν ἐσχηκέναι τούτουσ. καὶ μάρτυρα τὸν ἀρχαιότατον καὶ μέγιστον τῶν ποιητῶν Ὅμηρον παρείχετο λέγοντα αὐτὰρ Φωκείων Σχεδίοσ καὶ Ἐπίστροφοσ ἦρχον, οἳ Κυπάρισσον ἔχον Πυθῶνά τε πετρήεσσαν. διόπερ ἔφη δεῖν ἀμφισβητεῖν περὶ τῆσ τοῦ μαντείου προστασίασ ὡσ οὔσησ πατρίου τοῖσ Φωκεῦσιν.

ἐπηγγέλλετο δὲ κατορθώσειν τὴν ἐπιβολήν, ἐὰν αὐτὸν αὐτοκράτορα καταστήσωσι στρατηγὸν τῆσ ὅλησ ἐπιβολῆσ καὶ κύριον. τῶν δὲ Φωκέων διὰ τὸν ἐκ τῆσ καταδίκησ φόβον ἑλομένων αὐτὸν αὐτοκράτορα στρατηγὸν ὁ Φιλόμηλοσ ἐνεργῶσ ἐπετέλει τὰσ ἐπαγγελίασ.

πρῶτον μὲν γὰρ παρελθὼν εἰσ τὴν Σπάρτην ἐν ἀπορρήτοισ διελέχθη τῷ βασιλεῖ τῶν Λακεδαιμονίων Ἀρχιδάμῳ, ὅτι κοινὸσ ὁ ἀγών ἐστιν αὐτῷ περὶ τοῦ ποιῆσαι τὰσ κρίσεισ τῶν Ἀμφικτυόνων ἀκύρουσ· εἶναι γὰρ καὶ κατὰ τῶν Λακεδαιμονίων μεγάλασ καὶ ἀδίκουσ ἀποφάσεισ τῶν Ἀμφικτυόνων. ἐδήλωσεν οὖν αὐτῷ διότι τοὺσ Δελφοὺσ καταλαβέσθαι διέγνωκε καὶ τῆσ προστασίασ ἐὰν ἐγκρατὴσ γένηται τὰ δόγματα τῶν Ἀμφικτυόνων ἀκυρώσει. ὁ δ’ Ἀρχίδαμοσ ἀποδεξάμενοσ τὸν λόγον φανερῶσ μὲν κατὰ τὸ παρὸν οὐκ ἔφησε βοηθήσειν, λάθρᾳ δὲ πάντα συμπράξειν χορηγῶν καὶ χρήματα καὶ μισθοφόρουσ.

ὁ δὲ Φιλόμηλοσ παρὰ μὲν τούτου πεντεκαίδεκα τάλαντα λαβών, ἰδίᾳ δὲ προσθεὶσ οὐκ ἐλάττω τούτων μισθοφόρουσ τε ξένουσ ἐμισθώσατο καὶ τῶν Φωκέων ἐπέλεξε χιλίουσ, οὓσ ὠνόμασε πελταστάσ. ἀθροίσασ δὲ στρατιωτῶν πλῆθοσ καὶ καταλαβόμενοσ τὸ μαντεῖον τούσ τε Θρακίδασ καλουμένουσ τῶν Δελφῶν ἐναντιουμένουσ ἀνεῖλε καὶ τὰσ οὐσίασ αὐτῶν ἐδήμευσε·

τοὺσ δ’ ἄλλουσ ὁρῶν καταπεπληγμένουσ παρεκάλει θαρρεῖν ὡσ οὐδενὸσ ἐσομένου περὶ αὐτοὺσ δεινοῦ. διαβοηθείσησ δὲ τῆσ περὶ τὸ ἱερὸν καταλήψεωσ Λοκροὶ μὲν οἱ πλησίον οἰκοῦντεσ παραχρῆμα ἐστράτευσαν ἐπὶ τὸν Φιλόμηλον.

αὐτὸσ δὲ διέδωκε λόγον ὡσ οὔτε συλᾶν τὸ μαντεῖον διέγνωκεν οὔτ’ ἄλλην οὐδεμίαν παράνομον πρᾶξιν συντελεῖν βεβούλευται, τῆσ δὲ προγονικῆσ προστασίασ ἀμφισβητῶν καὶ τὰσ τῶν Ἀμφικτυόνων ἀδίκουσ ἀποφάσεισ ἀκυρῶσαι βουλόμενοσ βοηθεῖν τοῖσ πατρίοισ νόμοισ τῶν Φωκέων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 22

(디오도로스 시켈로스, Library, book xvi, chapter 22)

상위

목록

SEARCH

MENU NAVIGATION