헬라어 문장 검색 - Διοδορ́Λιβραρψ́9́18́

(디오도로스 시켈로스, Library, book xvi, chapter 20)

ἅμα δ’ ἡμέρᾳ τὸ μὲν τῆσ συμφορᾶσ μέγεθοσ συνεωράθη, οἱ δὲ Συρακόσιοι, μίαν ἔχοντεσ σωτηρίαν τὴν ἀπὸ τοῦ Δίωνοσ βοήθειαν, ἐξαπέστειλαν ἱππεῖσ εἰσ Λεοντίνουσ, δεόμενοι τοῦ Δίωνοσ μὴ περιιδεῖν τὴν πατρίδα δοριάλωτον γινομένην καὶ τῶν μὲν ἡμαρτημένων δοῦναι συγγνώμην αὐτοῖσ, τὰσ δὲ παρούσασ δυστυχίασ ἐλεήσαντα διορθώσασθαι τὴν τῆσ πατρίδοσ συμφοράν. ὁ δὲ Δίων λαμπρὸσ ὢν τὴν ψυχὴν καὶ διὰ τὴν ἐκ φιλοσοφίασ παιδείαν ἐξημερωμένοσ τοὺσ λογισμοὺσ οὐκ ἐμνησικάκησε τοῖσ πολίταισ, ἀλλὰ τοὺσ μισθοφόρουσ πείσασ παραχρῆμα ἀνέζευξε καὶ διανύσασ ὀξέωσ τὴν εἰσ Συρακούσσασ ὁδὸν ἧκε πρὸσ τὰ Ἑξάπυλα.

ἐνταῦθα δὲ διατάξασ τοὺσ στρατιώτασ προσῆγε κατὰ τάχοσ καὶ κατέλαβεν ἐκ τῆσ πόλεωσ τέκνα μὲν καὶ γυναῖκασ καὶ τοὺσ γεγηρακότασ ὑπὲρ τοὺσ μυρίουσ·

οὗτοι δὲ πάντεσ ἀπαντῶντεσ μετὰ δακρύων ἱκέτευον ἀμῦναι τοῖσ ἰδίοισ ἀκληρήμασιν. οἱ δ’ ἐκ τῆσ ἀκροπόλεωσ μισθοφόροι κεκρατηκότεσ ἤδη τῆσ προθέσεωσ τὰσ μὲν περὶ τὴν ἀγορὰν οἰκίασ διαρπάσαντεσ ἐνέπρησαν, ἐπὶ δὲ τὰσ λοιπὰσ ὁρμήσαντεσ διήρπαζον τὰσ ἐν ταύταισ κτήσεισ. καθ’ ὃν δὴ καιρὸν Δίων κατὰ πλείουσ τόπουσ εἰσπεσὼν εἰσ τὴν πόλιν, καὶ τοῖσ πολεμίοισ περὶ τὰσ ἁρπαγὰσ ἀσχολουμένοισ ἐπιθέμενοσ πάντασ τοὺσ περιτυγχάνοντασ ἔκτεινε κομίζοντασ ἐπὶ τῶν ὤμων παντοδαπὰσ κατασκευάσ·

διὰ δὲ τὸ παράδοξον τῆσ παρουσίασ καὶ τὴν ἀταξίαν καὶ τὴν ταραχὴν τῶν διαφορούντων τὰσ κτήσεισ εὐχερῶσ ἅπαντεσ ἐχειροῦντο. τέλοσ δὲ πλειόνων ἢ τετρακισχιλίων φονευθέντων, τῶν μὲν ἐν ταῖσ οἰκίαισ, τῶν δ’ ἐν ταῖσ ὁδοῖσ, οἱ λοιποὶ συνέφυγον εἰσ τὴν ἀκρόπολιν καὶ τὰσ πύλασ κλείσαντεσ ἐξέφυγον τὸν κίνδυνον. Δίων δὲ κάλλιστον τῶν προγεγενημένων ἔργων ὑπ’ αὐτοῦ διαπραξάμενοσ τὰσ μὲν καιομένασ οἰκίασ διέσωσε κατασβέσασ τὴν φλόγα, τὸ δὲ περιτείχισμα καλῶσ κατασκευασάμενοσ μιᾷ πράξει τήν τε πόλιν ὠχύρωσε καὶ τοὺσ πολεμίουσ ἀποτειχίσασ εἶρξε τῆσ ἐπὶ τὴν γῆν ἐξόδου.

καθαρὰν δὲ τῶν νεκρῶν ποιήσασ τὴν πόλιν καὶ τρόπαιον στήσασ ἔθυσε τοῖσ θεοῖσ ὑπὲρ τῆσ σωτηρίασ. συναχθείσησ δ’ ἐκκλησίασ ὁ μὲν δῆμοσ εὐχαριστῶν αὐτῷ στρατηγὸν ἐχειροτόνησεν αὐτοκράτορα τὸν Δίωνα καὶ τιμὰσ ἀπένειμεν ἡρωικάσ, ὁ δὲ Δίων ἀκολούθωσ τοῖσ πεπραγμένοισ ἐπιεικῶσ τοὺσ μὲν ἐχθροὺσ ἅπαντασ ἀπέλυσε τῶν ἐγκλημάτων καὶ τὸ πλῆθοσ παραμυθησάμενοσ εἰσ κοινὴν ἤγαγεν ὁμόνοιαν.

οἱ δὲ Συρακόσιοι πανδήμοισ ἐπαίνοισ καὶ ἀποδοχαῖσ μεγάλαισ ἐτίμων τὸν εὐεργέτην ὡσ μόνον σωτῆρα γεγονότα τῆσ πατρίδοσ. καὶ τὰ μὲν κατὰ τὴν Σικελίαν ἐν τούτοισ ἦν. κατὰ δὲ τὴν Ἑλλάδα Χίων καὶ Ῥοδίων καὶ Κῴων, ἔτι δὲ Βυζαντίων διαπολεμούντων πρὸσ Ἀθηναίουσ τὸν συμμαχικὸν πόλεμον ἀμφότεροι μεγάλασ παρασκευὰσ ἐποιοῦντο, βουλόμενοι ναυμαχίᾳ κρῖναι τὸν πόλεμον.

Ἀθηναῖοι δὲ Χάρητα μὲν μετὰ νεῶν ἑξήκοντα προαπεσταλκότεσ ἦσαν ἐν τοῖσ ἄνω καιροῖσ, τότε δὲ ἄλλασ ἑξήκοντα πληρώσαντεσ καὶ στρατηγοὺσ ἐπιστήσαντεσ τοὺσ ἐπιφανεστάτουσ τῶν πολιτῶν, Ἰφικράτην καὶ Τιμόθεον, ἐξαπέστειλαν κοινῇ μετὰ Χάρητοσ διαπολεμεῖν τοῖσ ἀφεστηκόσι τῶν συμμάχων. οἱ δὲ Χῖοι καὶ Ῥόδιοι καὶ Βυζάντιοι μετὰ τῶν συμμάχων ἑκατὸν ναῦσ πληρώσαντεσ Ἴμβρον μὲν καὶ Λῆμνον οὔσασ Ἀθηναίων ἐπόρθησαν, ἐπὶ δὲ Σάμον πολλῇ δυνάμει στρατεύσαντεσ τὴν μὲν χώραν ἐδῄωσαν, τὴν δὲ πόλιν ἐπολιόρκουν κατὰ γῆν καὶ κατὰ θάλατταν·

πολλὰσ δὲ καὶ ἄλλασ νήσουσ οὔσασ ὑπ’ Ἀθηναίουσ κακοποιήσαντεσ χρήματα ἤθροισαν εἰσ τὰσ τοῦ πολέμου χρείασ. οἱ δὲ τῶν Ἀθηναίων στρατηγοὶ πάντεσ ἀθροισθέντεσ τὸ μὲν πρῶτον ἐπεβάλοντο πολιορκῆσαι τὴν τῶν Βυζαντίων πόλιν, μετὰ δὲ ταῦτα τῶν Χίων καὶ τῶν συμμάχων τὴν μὲν πολιορκίαν τῆσ Σάμου λυσάντων, ἐπὶ δὲ τὴν βοήθειαν τοῖσ Βυζαντίοισ τρεπομένων συνηθροίσθησαν πάντεσ οἱ στόλοι περὶ τὸν Ἑλλήσποντον.

μελλούσησ δὲ γίνεσθαι τῆσ ναυμαχίασ μέγασ ἄνεμοσ ἐπιπεσὼν διεκώλυσεν αὐτῶν τὴν προαίρεσιν. τοῦ δὲ Χάρητοσ παρὰ φύσιν βουλομένου ναυμαχεῖν καὶ τῶν περὶ τὸν Ἰφικράτην καὶ Τιμόθεον ἐναντιουμένων διὰ τὸ μέγεθοσ τοῦ κλύδωνοσ ὁ μὲν Χάρησ ἐπιμαρτυρόμενοσ τοὺσ στρατιώτασ διέβαλε τοὺσ συνάρχοντασ ὡσ προδότασ καὶ πρὸσ τὸν δῆμον ἔγραψε περὶ αὐτῶν ὡσ ἐγκαταλελοιπότων ἑκουσίωσ τὴν ναυμαχίαν, οἱ δ’ Ἀθηναῖοι παροξυνθέντεσ καὶ κρίσιν τῷ Ἰφικράτει καὶ Τιμοθέῳ προθέντεσ ἐζημίωσαν αὐτοὺσ πολλοῖσ ταλάντοισ καὶ τῆσ στρατηγίασ ἀπέστησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 20

(디오도로스 시켈로스, Library, book xvi, chapter 20)

상위

목록

SEARCH

MENU NAVIGATION