헬라어 문장 검색 - Διοδορ́Λιβραρψ́9́14́

(디오도로스 시켈로스, Library, book xvi, chapter 16)

κατὰ δὲ τὴν Σικελίαν Φίλιστοσ μὲν ὁ Διονυσίου στρατηγὸσ πλεύσασ εἰσ Ῥήγιον διεκόμισε τοὺσ ἱππεῖσ εἰσ Συρακούσσασ, ὄντασ πλείουσ τῶν πεντακοσίων. προσθεὶσ δὲ τούτοισ ἱππεῖσ τε ἄλλουσ πλείονασ καὶ πεζοὺσ δισχιλίουσ ἐστράτευσεν ἐπὶ Λεοντίνουσ ἀφεστηκότασ ἀπὸ Διονυσίου, νυκτὸσ δὲ παρεισπεσὼν ἐντὸσ τοῦ τείχουσ κατελάβετο μέροσ τῆσ πόλεωσ. γενομένησ δὲ μάχησ ἰσχυρᾶσ καὶ τῶν Συρακοσίων βοηθησάντων ἡττηθεὶσ ἐξέπεσεν ἐκ τῶν Λεοντίνων. Ἡρακλείδησ δ’ ὁ καταλελειμμένοσ ὑπὸ Δίωνοσ ναύαρχοσ τῶν μακρῶν νεῶν ἐν Πελοποννήσῳ διά τινασ χειμῶνασ ἐμποδισθεὶσ ὑστέρησε τῆσ καθόδου τῶν περὶ τὸν Δίωνα καὶ τῆσ τῶν Συρακοσίων ἐλευθερώσεωσ·

ἧκε δ’ ἄγων ναῦσ μὲν μακρὰσ εἴκοσι, χιλίουσ δὲ στρατιώτασ καὶ πεντακοσίουσ. ὢν δ’ ἀνὴρ ἐπισημότατοσ καὶ δόξασ ἄξιοσ ὑπάρχειν ᾑρέθη ναύαρχοσ ὑπὸ τῶν Συρακοσίων, καὶ μετὰ Δίωνοσ τεταγμένοσ ἐπὶ τῆσ ἡγεμονίασ διεπολέμει πρὸσ Διονύσιον. μετὰ δὲ ταῦτα Φίλιστοσ ἀποδειχθεὶσ στρατηγὸσ καὶ καταρτίσασ τριήρεισ ἑξήκοντα πρὸσ Συρακοσίουσ ἐναυμάχησεν ἔχοντασ ναῦσ παραπλησίουσ τὸν ἀριθμόν.

γενομένου δ’ ἀγῶνοσ καρτεροῦ καὶ τοῦ Φιλίστου τὸ μὲν πρῶτον διὰ τῆσ ἰδίασ ἀνδραγαθίασ προτεροῦντοσ, ὕστερον δ’ ἀποληφθέντοσ ὑπὸ τῶν πολεμίων οἱ μὲν Συρακόσιοι πανταχόθεν κυκλώσαντεσ τὰσ ναῦσ ἐφιλοτιμοῦντο ζωγρίᾳ λαβεῖν τὸν στρατηγόν, ὁ δὲ Φίλιστοσ εὐλαβηθεὶσ τὴν ἐκ τῆσ αἰχμαλωσίασ αἰκίαν ἑαυτὸν ἀπέσφαξε, πλείστασ μὲν καὶ μεγίστασ χρείασ παρεσχημένοσ τοῖσ τυράννοισ, πιστότατοσ δὲ τῶν φίλων τοῖσ δυνάσταισ γεγονώσ. οἱ δὲ Συρακόσιοι νικήσαντεσ τῇ ναυμαχίᾳ τὸ μὲν σῶμα τοῦ Φιλίστου διαμερίσαντεσ καὶ δι’ ὅλησ τῆσ πόλεωσ ἑλκύσαντεσ ἄταφον ἐξέρριψαν, Διονύσιοσ δὲ τὸν μὲν πρακτικώτατον τῶν φίλων ἀποβαλὼν καὶ στρατηγὸν μὲν ἕτερον ἀξιόχρεων οὐκ ἔχων, αὐτὸσ δ’ οὐ δυνάμενοσ φέρειν τὸ τοῦ πολέμου βάροσ ἐξέπεμψε πρεσβευτὰσ πρὸσ τὸν Δίωνα, τὸ μὲν πρῶτον τὴν ἡμίσειαν τῆσ ἀρχῆσ παραδιδούσ, ὕστερον δὲ βουλόμενοσ ὅλην ἐγχειρίζειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 16

(디오도로스 시켈로스, Library, book xvi, chapter 16)

상위

목록

SEARCH

MENU NAVIGATION