헬라어 문장 검색 - Διοδορ́Λιβραρψ́9́12́

(디오도로스 시켈로스, Library, book xvi, chapter 13)

μετὰ δὲ ταῦτα Διονύσιοσ μὲν ἐπταικὼσ καὶ τὴν δυναστείαν ἀπογινώσκων ἤδη ἐν μὲν ταῖσ ἀκροπόλεσιν ἀπέλιπε φρουρὰσ ἀξιολόγουσ, αὐτὸσ δὲ τοὺσ τετελευτηκότασ, ὀκτακοσίουσ ὄντασ, λαβὼν τὴν ἀναίρεσιν αὐτῶν ἔθαψε λαμπρῶσ, χρυσοῖσ μὲν στεφάνοισ ἐστεφανωμένουσ, πορφυρίσι δὲ καλαῖσ περιβεβλημένουσ· ἤλπιζε γὰρ διὰ τῆσ τούτων σπουδῆσ προτρέψεσθαι τοὺσ ἄλλουσ εἰσ τὸ προθύμωσ κινδυνεύειν ὑπὲρ τῆσ τυραννίδοσ· τοὺσ δ’ ἀνδραγαθήσαντασ μεγάλαισ δωρεαῖσ ἐτίμησε. πρὸσ δὲ τοὺσ Συρακοσίουσ διεπέμπετο περὶ διαλύσεων. ὁ δὲ Δίων περὶ μὲν τῶν πρεσβειῶν αἰεί τινασ εὐλόγουσ προφάσεισ ποριζόμενοσ ἀνεβάλλετο, ἐν τοσούτῳ δὲ τὸ λοιπὸν τοῦ τείχουσ κατασκευάσασ μεθ’ ἡσυχίασ τότε τὰσ πρεσβείασ μετεπέμπετο, κατεστρατηγηκὼσ τοὺσ πολεμίουσ ταῖσ τῆσ εἰρήνησ ἐλπίσιν.

γενομένων δὲ λόγων περὶ συλλύσεων ὁ Δίων ἀπεκρίθη τοῖσ πρέσβεσιν μίαν εἶναι σύλλυσιν, ἐὰν ἀποθέμενοσ τὴν τυραννίδα βούληται τυχεῖν τιμῶν τινων. ὁ δὲ Διονύσιοσ ὑπερηφάνου τῆσ ἀποκρίσεωσ γενομένησ συναγαγὼν τοὺσ ἡγεμόνασ ἐβουλεύετο πῶσ χρὴ τοὺσ Συρακοσίουσ ἀμύνασθαι. πάντων δ’ εὐπορῶν πλὴν σίτου καὶ θαλαττοκρατῶν ἐλῄστευε τὴν χώραν καὶ τὰσ τροφὰσ ἐκ τῶν προνομῶν κακῶσ ποριζόμενοσ ἐξαπέστειλε ναῦσ φορτίδασ καὶ χρήματα πρὸσ τὸν τοῦ σίτου καταγορασμόν.

οἱ δὲ Συρακόσιοι ναῦσ μακρὰσ πολλὰσ ἔχοντεσ καὶ κατὰ τοὺσ εὐκαίρουσ τόπουσ ἐπιφαινόμενοι πολλὴν τῆσ ὑπὸ τῶν ἐμπόρων κομιζομένησ ἀγορᾶσ παρῃροῦντο. καὶ τὰ μὲν περὶ τὰσ Συρακούσσασ ἐν τούτοισ ἦν. κατὰ δὲ τὴν Ἑλλάδα Ἀλέξανδροσ ὁ Φερῶν τύραννοσ ὑπὸ τῆσ ἰδίασ γυναικὸσ Θήβησ καὶ τῶν ταύτησ ἀδελφῶν Λυκόφρονοσ καὶ Τισιφόνου ἐδολοφονήθη.

οὗτοι δὲ τὸ μὲν πρῶτον ὡσ τυραννοκτόνοι μεγάλησ ἐτύγχανον ἀποδοχῆσ, ὕστερον δὲ μετανοήσαντεσ καὶ τοὺσ μισθοφόρουσ χρήμασι πείσαντεσ ἀνέδειξαν ἑαυτοὺσ τυράννουσ καὶ πολλοὺσ μὲν τῶν ἀντιπραττομένων ἀνεῖλον, κατασκευασάμενοι δὲ τὴν δύναμιν ἀξιόλογον βίᾳ κατεῖχον τὴν ἀρχήν. οἱ δ’ Ἀλευάδαι καλούμενοι παρὰ τοῖσ Θετταλοῖσ, δι’ εὐγένειαν δὲ ἀξίωμα ἔχοντεσ περιβόητον ἀντεπράττοντο τοῖσ τυράννοισ.

οὐκ ὄντεσ δὲ καθ’ ἑαυτοὺσ ἀξιόμαχοι προσελάβοντο Φίλιππον σύμμαχον τὸν Μακεδόνων βασιλέα. οὗτοσ δὲ παρελθὼν εἰσ τὴν Θετταλίαν κατεπολέμησε τοὺσ τυράννουσ καὶ ταῖσ πόλεσιν ἀνακτησάμενοσ τὴν ἐλευθερίαν μεγάλην εὔνοιαν εἰσ τοὺσ Θετταλοὺσ ἐνεδείξατο· διόπερ ἐν ταῖσ μετὰ ταῦτα πράξεσιν ἀεὶ συναγωνιστὰσ ἔσχεν οὐ μόνον αὐτόσ, ἀλλὰ καὶ μετὰ ταῦτα ὁ υἱὸσ Ἀλέξανδροσ. τῶν δὲ συγγραφέων Δημόφιλοσ μὲν ὁ Ἐφόρου τοῦ ἱστοριογράφου υἱὸσ τὸν παραλειφθέντα πόλεμον ὑπὸ τοῦ πατρόσ, ὀνομασθέντα δὲ ἱερόν, συντεταγμένοσ ἐντεῦθεν ἦρκται ἀπὸ τῆσ καταλήψεωσ τοῦ ἐν Δελφοῖσ ἱεροῦ καὶ τῆσ συλήσεωσ τοῦ μαντείου ὑπὸ Φιλομήλου τοῦ Φωκέωσ·

ἐγένετο δ’ ὁ πόλεμοσ οὗτοσ ἔτη ἕνδεκα ἑώσ τῆσ φθορᾶσ τῶν διανειμαμένων τὰ ἱερὰ χρήματα. Καλλισθένησ δὲ τὴν τῶν Ἑλληνικῶν πραγμάτων ἱστορίαν γέγραφεν ἐν βύβλοισ δέκα καὶ κατέστροφεν εἰσ τὴν κατάληψιν τοῦ ἱεροῦ καὶ παρανομίαν Φιλομήλου τοῦ Φωκέωσ·

Δίυλλοσ δ’ ὁ Ἀθηναῖοσ ἦρκται τῆσ ἱστορίασ ἀπὸ τῆσ ἱεροσυλήσεωσ καὶ γέγραφε βύβλουσ εἴκοσι καὶ ἕξ, συμπεριλαβὼν πάσασ τὰσ ἐν τοῖσ χρόνοισ τούτοισ γενομένασ πράξεισ περί τε τὴν Ἑλλάδα καὶ τὴν Σικελίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 13

(디오도로스 시켈로스, Library, book xvi, chapter 13)

상위

목록

SEARCH

MENU NAVIGATION