헬라어 문장 검색 - Διοδορ́Λιβραρψ́9́07́

(디오도로스 시켈로스, Library, book xvi, chapter 8)

περὶ δὲ τοὺσ αὐτοὺσ καιροὺσ Φίλιπποσ ὁ τῶν Μακεδόνων βασιλεὺσ μεγάλῃ παρατάξει νενικηκὼσ τοὺσ Ἰλλυριοὺσ καὶ πάντασ τοὺσ μέχρι τῆσ Λυχνίτιδοσ καλουμένησ λίμνησ κατοικοῦντασ ὑπηκόουσ πεποιημένοσ ἀνέκαμψεν εἰσ τὴν Μακεδονίαν, συντεθειμένοσ ἔνδοξον εἰρήνην πρὸσ τοὺσ Ἰλλυριούσ, περιβόητόσ τε ὑπάρχων παρὰ τοῖσ Μακεδόσιν ἐπὶ τοῖσ δι’ ἀνδρείαν κατωρθωμένοισ. μετὰ δὲ ταῦτα τῶν τὴν Ἀμφίπολιν οἰκούντων ἀλλοτρίωσ πρὸσ αὐτὸν διατεθέντων καὶ πολλὰσ ἀφορμὰσ δόντων εἰσ πόλεμον ἐστράτευσεν ἐπ’ αὐτοὺσ ἀξιολόγῳ δυνάμει.

προσαγαγὼν δὲ τοῖσ τείχεσι μηχανὰσ καὶ προσβολὰσ ἐνεργοὺσ καὶ συνεχεῖσ ποιησάμενοσ κατέβαλε μὲν τοῖσ κριοῖσ μέροσ τι τοῦ τείχουσ, παρεισελθὼν δ’ εἰσ τὴν πόλιν διὰ τοῦ πτώματοσ καὶ τῶν ἀντιστάντων πολλοὺσ καταβαλὼν ἐκυρίευσε τῆσ πόλεωσ καὶ τοὺσ μὲν ἀλλοτρίωσ πρὸσ αὐτὸν διακειμένουσ ἐφυγάδευσε, τοῖσ δ’ ἄλλοισ φιλανθρώπωσ προσηνέχθη. ἡ δὲ πόλισ αὕτη κειμένη κατὰ τῆσ Θρᾴκησ καὶ τῶν σύνεγγυσ τόπων εὐφυῶσ πολλὰ συνεβάλετο τῷ Φιλίππῳ πρὸσ αὔξησιν.

εὐθὺ γὰρ τὴν μὲν Πύδναν ἐχειρώσατο, πρὸσ δὲ Ὀλυνθίουσ συμμαχίαν ἔθετο καὶ Ποτίδαιαν ὡμολόγησε περιποιήσειν αὐτοῖσ, ὑπὲρ ἧσ Ὀλύνθιοι πολλὴν σπουδὴν ἔσχον κυριεῦσαι τῆσ πόλεωσ. τῶν δ’ Ὀλυνθίων βαρεῖαν πόλιν οἰκούντων καὶ διὰ τὸ πλῆθοσ τῶν ἐν ταύτῃ ἐνοικούντων πολλὴν ἐχόντων ῥοπὴν εἰσ τὸν πόλεμον περιμάχητοσ ἦν ἡ πόλισ τοῖσ ἡγεμονίασ μείζονοσ ὀρεγομένοισ.

διόπερ οἵ τε Ἀθηναῖοι καὶ ὁ Φίλιπποσ διεφιλοτιμοῦντο πρὸσ ἀλλήλουσ περὶ τῆσ τῶν Ὀλυνθίων συμμαχίασ. οὐ μὴν ἀλλ’ ὁ Φίλιπποσ Ποτίδαιαν ἐκπολιορκήσασ τὴν μὲν τῶν Ἀθηναίων φρουρὰν ἐξήγαγεν ἐκ τῆσ πόλεωσ καὶ φιλανθρώπωσ αὐτῇ προσενεγκάμενοσ ἐξαπέστειλεν εἰσ τὰσ Ἀθήνασ·

σφόδρα γὰρ εὐλαβεῖτο τὸν δῆμον τῶν Ἀθηναίων διὰ τὸ βάροσ καὶ τὸ ἀξίωμα τῆσ πόλεωσ. τὴν δὲ πόλιν ἐξανδραποδισάμενοσ παρέδωκε τοῖσ Ὀλυνθίοισ, δωρησάμενοσ ἅμα καὶ τὰσ κατὰ τὴν χώραν κτήσεισ. μετὰ δὲ ταῦτα παρελθὼν ἐπὶ πόλιν Κρηνίδασ ταύτην μὲν ἐπαυξήσασ οἰκητόρων πλήθει μετωνόμασε Φιλίππουσ, ἀφ’ ἑαυτοῦ προσαγορεύσασ, τὰ δὲ κατὰ τὴν χώραν χρύσεια μέταλλα παντελῶσ ὄντα λιτὰ καὶ ἄδοξα ταῖσ κατασκευαῖσ ἐπὶ τοσοῦτον ηὔξησεν ὥστε δύνασθαι φέρειν αὐτῷ πρόσοδον πλεῖον ἢ ταλάντων χιλίων.

ἐκ δὲ τούτων ταχὺ σωρεύσασ πλοῦτον αἰεὶ μᾶλλον διὰ τὴν εὐπορίαν τῶν χρημάτων εἰσ ὑπεροχὴν μεγάλην ἤγαγε τὴν Μακεδονικὴν βασιλείαν·

νόμισμα γὰρ χρυσοῦν κόψασ τὸ προσαγορευθὲν ἀπ’ ἐκείνου Φιλίππειον μισθοφόρων τε δύναμιν ἀξιόλογον συνεστήσατο καὶ τῶν Ἑλλήνων πολλοὺσ διὰ τούτου προετρέψατο προδότασ γενέσθαι τῶν πατρίδων. ἀλλὰ περὶ μὲν τούτων αἱ κατὰ μέροσ πράξεισ ἕκαστα δηλώσουσιν, ἡμεῖσ δ’ ἐπὶ τὰσ συνεχεῖσ πράξεισ μεταβιβάσομεν τὸν λόγον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 8

(디오도로스 시켈로스, Library, book xvi, chapter 8)

상위

목록

SEARCH

MENU NAVIGATION