헬라어 문장 검색 - Διοδορ́Λιβραρψ́9́04́

(디오도로스 시켈로스, Library, book xvi, chapter 3)

οἱ δὲ Μακεδόνεσ διά τε τὴν ἐν τῇ μάχῃ συμφορὰν καὶ διὰ τὸ μέγεθοσ τῶν ἐπιφερομένων κινδύνων ἐν ἀπορίᾳ τῇ μεγίστῃ καθειστήκεισαν. ἀλλ’ ὅμωσ τηλικούτων φόβων καὶ κινδύνων ἐφεστώτων ὁ Φίλιπποσ οὐ κατεπλάγη τὸ μέγεθοσ τῶν προσδοκωμένων δεινῶν, ἀλλὰ τοὺσ Μακεδόνασ ἐν συνεχέσιν ἐκκλησίαισ συνέχων καὶ τῇ τοῦ λόγου δεινότητι προτρεπόμενοσ ἐπὶ τὴν ἀνδρείαν εὐθαρσεῖσ ἐποίησε, τὰσ δὲ στρατιωτικὰσ τάξεισ ἐπὶ τὸ κρεῖττον διορθωσάμενοσ καὶ τοὺσ ἄνδρασ τοῖσ πολεμικοῖσ ὅπλοισ δεόντωσ κοσμήσασ, συνεχεῖσ ἐξοπλασίασ καὶ γυμνασίασ ἐναγωνίουσ ἐποιεῖτο. ἐπενόησε δὲ καὶ τὴν τῆσ φάλαγγοσ πυκνότητα καὶ κατασκευήν, μιμησάμενοσ τὸν ἐν Τροίᾳ τῶν ἡρώων συνασπισμόν, καὶ πρῶτοσ συνεστήσατο τὴν Μακεδονικὴν φάλαγγα.

ἐν δὲ ταῖσ ὁμιλίαισ προσηνὴσ ἦν καὶ διά τε τῶν δωρεῶν καὶ τῶν ἐπαγγελιῶν εἰσ τὴν μεγίστην εὔνοιαν τὰ πλήθη προήγετο, πρόσ τε τὸ πλῆθοσ τῶν ἐπιφερομένων κινδύνων εὐστόχωσ ἀντεμηχανᾶτο.

θεωρῶν γὰρ τοὺσ Ἀθηναίουσ ὑπὲρ τοῦ τὴν Ἀμφίπολιν ἀνακτήσασθαι τὴν πᾶσαν φιλοτιμίαν εἰσφερομένουσ καὶ διὰ τοῦτο κατάγοντασ τὸν Ἀργαῖον ἐπὶ τὴν βασιλείαν ἑκουσίωσ ἐξεχώρησε τῆσ πόλεωσ, ἀφεὶσ αὐτὴν αὐτόνομον. πρὸσ δὲ Παίονασ διαπρεσβευσάμενοσ καὶ τοὺσ μὲν δωρεαῖσ διαφθείρασ, τοὺσ δ’ ἐπαγγελίαισ φιλανθρώποισ πείσασ κατὰ τὸ παρὸν εἰρήνην ἄγειν πρὸσ αὐτοὺσ συνέθετο.

ὁμοίωσ δὲ καὶ τὸν Παυσανίαν ἀπέστησε τῆσ καθόδου, τὸν κατάγειν μέλλοντα βασιλέα δωρεαῖσ πείσασ. Μαντίασ δ’ ὁ τῶν Ἀθηναίων στρατηγὸσ καταπλεύσασ εἰσ Μεθώνην αὐτὸσ μὲν ἐνταῦθα κατέμεινε, τὸν Ἀργαῖον δὲ μετὰ τῶν μισθοφόρων ἐπὶ τὰσ Αἰγὰσ ἀπέστειλεν.

οὗτοσ δὲ προσελθὼν τῇ πόλει παρεκάλει τοὺσ ἐν ταῖσ Αἰγαῖσ προσδέξασθαι τὴν κάθοδον καὶ γενέσθαι τῆσ αὑτοῦ βασιλείασ ἀρχηγούσ. οὐδενὸσ δ’ αὐτῷ προσέχοντοσ ὁ μὲν ἀνέκαμπτεν εἰσ τὴν Μεθώνην, ὁ δὲ Φίλιπποσ ἐπιφανεὶσ μετὰ στρατιωτῶν καὶ συνάψασ μάχην πολλοὺσ μὲν ἀνεῖλε τῶν μισθοφόρων, τοὺσ δὲ λοιποὺσ εἴσ τινα λόφον καταφυγόντασ ὑποσπόνδουσ ἀφῆκεν, λαβὼν παρ’ αὐτῶν ἐκδότουσ τοὺσ φυγάδασ.

Φίλιπποσ μὲν οὖν ταύτην πρώτην μάχην νικήσασ εὐθαρσεστέρουσ ἐποίησε τοὺσ Μακεδόνασ πρὸσ τοὺσ ἐφεξῆσ ἀγῶνασ.

ἅμα δὲ τούτοισ πραττομένοισ Θάσιοι μὲν ᾤκισαν τὰσ ὀνομαζομένασ Κρηνίδασ, ἃσ ὕστερον ὁ βασιλεὺσ ἀφ’ ἑαυτοῦ ὀνομάσασ Φιλίππουσ ἐπλήρωσεν οἰκητόρων.

τῶν δὲ συγγραφέων Θεόπομποσ ὁ Χῖοσ τὴν ἀρχὴν τῶν περὶ Φίλιππον ἱστοριῶν ἐντεῦθεν ποιησάμενοσ γέγραφεν βύβλουσ ὀκτὼ πρὸσ ταῖσ πεντήκοντα, ἐξ ὧν πέντε διαφωνοῦσιν.

ἐπ’ ἄρχοντοσ δ’ Ἀθήνησιν Εὐχαρίστου Ῥωμαῖοι μὲν κατέστησαν ὑπάτουσ Κόιντον Σερουίλιον καὶ Κόιντον Γενούκιον.

ἐπὶ δὲ τούτων ὁ Φίλιπποσ πρέσβεισ ἐκπέμψασ εἰσ Ἀθήνασ ἔπεισε τὸν δῆμον εἰρήνην πρὸσ αὐτὸν συνθέσθαι διὰ τὸ μηδὲν ἔτι προσποιεῖσθαι τὴν Ἀμφίπολιν. ἀπολυθεὶσ δὲ τοῦ πρὸσ Ἀθηναίουσ πολέμου καὶ πυνθανόμενοσ τὸν βασιλέα τῶν Παιόνων Ἆγιν τετελευτηκέναι ὑπέλαβε καιρὸν ἔχειν ἐπιθέσθαι τοῖσ Παίοσιν.

στρατεύσασ οὖν εἰσ τὴν Παιονίαν καὶ παρατάξει τοὺσ βαρβάρουσ νικήσασ ἠνάγκασε τὸ ἔθνοσ πειθαρχεῖν τοῖσ Μακεδόσιν. ὑπολειπομένων δὲ πολεμίων τῶν Ἰλλυριῶν ἐφιλοτιμεῖτο καὶ τούτουσ καταπολεμῆσαι.

εὐθὺσ οὖν συναγαγὼν ἐκκλησίαν καὶ τοὺσ στρατιώτασ οἰκείοισ λόγοισ προτρεψάμενοσ εἰσ τὸν πόλεμον ἐστράτευσεν εἰσ τὴν τῶν Ἰλλυριῶν χώραν, πεζοὺσ μὲν ἔχων οὐκ ἐλάττουσ μυρίων, ἱππεῖσ δὲ ἑξακοσίουσ. Βάρδυλισ δ’ ὁ τῶν Ἰλλυριῶν βασιλεὺσ πυθόμενοσ τὴν παρουσίαν τῶν πολεμίων τὸ μὲν πρῶτον πρέσβεισ ἀπέστειλεν περὶ διαλύσεωσ, ἐφ’ ὅτῳ κυρίουσ ἀμφοτέρουσ εἶναι τῶν τότε κυριευομένων πόλεων·

τοῦ δὲ Φιλίππου φήσαντοσ ἐπιθυμεῖν μὲν τῆσ εἰρήνησ, μὴ μέντοι γε ταύτην συγχωρήσειν, ἐὰν μὴ τῶν Μακεδονικῶν πόλεων ἁπασῶν ἐκχωρήσωσιν Ἰλλυριοί, οἱ μὲν πρέσβεισ ἐπανῆλθον ἄπρακτοι, ὁ δὲ Βάρδυλισ πιστεύων ταῖσ τε προγεγενημέναισ νίκαισ καὶ ταῖσ τῶν Ἰλλυριῶν ἀνδραγαθίαισ ἀπήντα τοῖσ πολεμίοισ μετὰ τῆσ δυνάμεωσ· εἶχεν δὲ πεζοὺσ μὲν μυρίουσ ἐπιλέκτουσ, ἱππεῖσ δὲ εἰσ πεντακοσίουσ. ὡσ δ’ ἤγγιζον ἀλλήλοισ τὰ στρατεύματα καὶ μετὰ βοῆσ πολλῆσ συνέρραξαν εἰσ τὴν μάχην, ὁ μὲν Φίλιπποσ ἔχων τὸ δεξιὸν κέρασ καὶ τοὺσ ἀρίστουσ τῶν Μακεδόνων συναγωνιζομένουσ τοῖσ μὲν ἱππεῦσι παρήγγειλεν παριππεῦσαι καὶ πλαγίοισ ἐμβαλεῖν τοῖσ βαρβάροισ, αὐτὸσ δὲ κατὰ στόμα τοῖσ πολεμίοισ ἐπιπεσὼν καρτερὰν συνεστήσατο μάχην.

οἱ δ’ Ἰλλυριοὶ συντάξαντεσ ἑαυτοὺσ εἰσ πλινθίον ἐρρωμένωσ συνεστήσαντο τὸν κίνδυνον.

καὶ τὸ μὲν πρῶτον ἐπὶ πολὺν χρόνον ἦν ἰσόρροποσ ἡ μάχη διὰ τὴν ὑπερβολὴν τῆσ παρ’ ἀμφοτέροισ ἀνδραγαθίασ καὶ πολλῶν μὲν ἀναιρουμένων, ἔτι δὲ πλειόνων τιτρωσκομένων ὁ κίνδυνοσ δεῦρο κἀκεῖσε τὰσ ῥοπὰσ ἐλάμβανεν, ταλαντευόμενοσ αἰεὶ ταῖσ τῶν ἀγωνιζομένων ἀρεταῖσ· μετὰ δὲ ταῦτα τῶν ἱππέων ἐκ πλαγίου καὶ κατὰ νώτου βιαζομένων, τοῦ δὲ Φιλίππου μετὰ τῶν ἀρίστων ἡρωικῶσ ἀγωνισαμένου συνηναγκάσθη τὸ πλῆθοσ τῶν Ἰλλυριῶν πρὸσ φυγὴν ὁρμῆσαι. γενομένησ δὲ τῆσ διώξεωσ ἐπὶ πολὺν τόπον καὶ πολλῶν κατὰ τὴν φυγὴν ἀναιρεθέντων ὁ μὲν Φίλιπποσ ἀνακαλεσάμενοσ τῇ σάλπιγγι τοὺσ Μακεδόνασ καὶ στήσασ τρόπαιον ἔθαψεν τῶν ἰδίων τοὺσ τετελευτηκότασ, οἱ δ’ Ἰλλυριοὶ διαπρεσβευσάμενοι καὶ τῶν Μακεδονικῶν πόλεων πασῶν ἐκχωρήσαντεσ ἔτυχον τῆσ εἰρήνησ.

ἀνῃρέθησαν δὲ τῶν Ἰλλυριῶν ἐν ταύτῃ τῇ μάχῃ πλείουσ τῶν ἑπτακισχιλίων. ἡμεῖσ δ’ ἐπεὶ τὰ κατὰ τὴν Μακεδονικὴν καὶ τὴν Ἰλλυρίδα διήλθομεν, μεταβησόμεθα πρὸσ τὰσ ἑτερογενεῖσ πράξεισ.

κατὰ γὰρ τὴν Σικελίαν Διονύσιοσ ὁ τῶν Συρακοσίων τύραννοσ ὁ νεώτεροσ παρειληφὼσ μὲν τὴν δυναστείαν ἐν τοῖσ ἀνωτέρω καιροῖσ, ἄπρακτοσ δ’ ὢν καὶ πολὺ τοῦ πατρὸσ καταδεέστεροσ προσεποιεῖτο διὰ τὴν ἀπραγίαν εἰρηνικὸσ εἶναι καὶ πρᾷοσ τὸν τρόπον. διόπερ πρὸσ Καρχηδονίουσ διαδεδεγμένοσ τὸν πόλεμον πρόσ τε τούτουσ εἰρήνην συνέθετο καὶ πρὸσ Λευκανοὺσ ὁμοίωσ διαπολεμήσασ ἀργῶσ ἐπί τινα χρόνον καὶ ταῖσ τελευταίαισ μάχαισ ἐπὶ τοῦ προτερήματοσ γενόμενοσ ἀσμένωσ πρὸσ αὐτοὺσ κατελύσατο τὸν πόλεμον.

κατὰ δὲ τὴν Ἀπουλίαν δύο πόλεισ ἔκτισε βουλόμενοσ ἀσφαλῆ τοῖσ πλέουσι τὸν Ιὄνιον πόρον ποιῆσαι·

οἱ γὰρ τὴν παραθαλάττιον οἰκοῦντεσ βάρβαροι λῃστρίσι πολλαῖσ πλέοντεσ ἄπλουν τοῖσ ἐμπόροισ παρεσκεύαζον πᾶσαν τὴν περὶ τὸν Ἀδρίαν θάλατταν. μετὰ δὲ ταῦτα δοὺσ ἑαυτὸν εἰσ βίον εἰρηνικὸν ἐξέλυσε μὲν τῶν στρατιωτῶν τὰσ ἐν τοῖσ πολεμικοῖσ γυμνασίασ, μεγίστην δὲ τῶν κατὰ τὴν Εὐρώπην δυναστειῶν παραλαβὼν τὴν ἀρχὴν καὶ τὴν ὑπὸ τοῦ πατρὸσ λεγομένην ἀδάμαντι δεδέσθαι τυραννίδα διὰ τὴν ἰδίαν ἀνανδρίαν παραδόξωσ ἀπέβαλεν.

τὰσ δὲ αἰτίασ τῆσ καταλύσεωσ καὶ τὰσ κατὰ μέροσ πράξεισ ἀναγράφειν πειρασόμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 3

(디오도로스 시켈로스, Library, book xvi, chapter 3)

상위

목록

SEARCH

MENU NAVIGATION