헬라어 문장 검색 - Διοδορ́Λιβραρψ́9́03́

(디오도로스 시켈로스, Library, book xvi, chapter 2)

ἐπ’ ἄρχοντοσ γὰρ Ἀθήνησι Καλλιμήδουσ Ὀλυμπιὰσ μὲν ἤχθη πέμπτη πρὸσ ταῖσ ἑκατόν, καθ’ ἣν ἐνίκα στάδιον Πῶροσ Κυρηναῖοσ, Ῥωμαῖοι δὲ κατέστησαν ὑπάτουσ Γναῖον Γενύκιον καὶ Λεύκιον Αἰμίλιον. ἐπὶ δὲ τούτων Φίλιπποσ ὁ Ἀμύντου υἱόσ, Ἀλεξάνδρου δὲ τοῦ Πέρσασ καταπολεμήσαντοσ πατήρ, παρέλαβε τὴν τῶν Μακεδόνων βασιλείαν διὰ τοιαύτασ αἰτίασ. Ἀμύντου καταπολεμηθέντοσ ὑπὸ Ἰλλυριῶν καὶ φόρουσ τοῖσ κρατήσασι τελεῖν ἀναγκασθέντοσ οἱ μὲν Ἰλλυριοὶ λαβόντεσ εἰσ ὁμηρείαν Φίλιππον τὸν νεώτατον τῶν υἱῶν παρέθεντο τοῖσ Θηβαίοισ.

οὗτοι δὲ τῷ Ἐπαμεινώνδου πατρὶ παρέθεντο τὸν νεανίσκον καὶ προσέταξαν ἅμα τηρεῖν ἐπιμελῶσ τὴν παρακαταθήκην καὶ προστατεῖν τῆσ ἀγωγῆσ καὶ παιδείασ. τοῦ δ’ Ἐπαμεινώνδου Πυθαγόριον ἔχοντοσ φιλόσοφον ἐπιστάτην συντρεφόμενοσ ὁ Φίλιπποσ μετέσχεν ἐπὶ πλεῖον τῶν Πυθαγορίων λόγων.

ἀμφοτέρων δὲ τῶν μαθητῶν προσενεγκαμένων φύσιν τε καὶ φιλοπονίαν ὑπῆρξαν ἑκάτεροι διαφέροντεσ ἀρετῇ· ὧν Ἐπαμεινώνδασ μὲν μεγάλουσ ἀγῶνασ καὶ κινδύνουσ ὑπομείνασ τῇ πατρίδι παραδόξωσ τὴν ἡγεμονίαν τῆσ Ἑλλάδοσ περιέθηκεν, ὁ δὲ Φίλιπποσ ταῖσ αὐταῖσ ἀφορμαῖσ χρησάμενοσ οὐκ ἀπελείφθη τῆσ Ἐπαμεινώνδου δόξησ. μετὰ γὰρ τὴν Ἀμύντου τελευτὴν Ἀλέξανδροσ ὁ πρεσβύτατοσ τῶν υἱῶν διεδέξατο τὴν ἀρχήν.

τοῦτον δὲ Πτολεμαῖοσ ὁ Ἀλωρίτησ δολοφονήσασ παρέλαβε τὴν βασιλείαν καὶ τοῦτον ὁμοίωσ Περδίκκασ ἐπανελόμενοσ ἐβασίλευσεν. τούτου δὲ παρατάξει μεγάλῃ λειφθέντοσ ὑπὸ Ἰλλυριῶν καὶ πεσόντοσ ἐπὶ τῆσ χρείασ Φίλιπποσ ὁ ἀδελφὸσ διαδρὰσ ἐκ τῆσ ὁμηρείασ παρέλαβε τὴν βασιλείαν κακῶσ διακειμένην. ἀνῄρηντο μὲν γὰρ ἐν τῇ παρατάξει Μακεδόνων πλείουσ τῶν τετρακισχιλίων, οἱ δὲ λοιποὶ καταπεπληγμένοι τὰσ τῶν Ἰλλυριῶν δυνάμεισ περίφοβοι καθειστήκεισαν καὶ πρὸσ τὸ διαπολεμεῖν ἀθύμωσ εἶχον.

ὑπὸ δὲ τὸν αὐτὸν καιρὸν Παίονεσ μὲν πλησίον τῆσ Μακεδονίασ οἰκοῦντεσ ἐπόρθουν τὴν χώραν καταφρονοῦντεσ τῶν Μακεδόνων, Ἰλλυριοὶ δὲ μεγάλασ δυνάμεισ ἤθροιζον καὶ στρατεύειν εἰσ τὴν Μακεδονίαν παρεσκευάζοντο, Παυσανίασ δέ τισ τῆσ βασιλικῆσ συγγενείασ κοινωνῶν ἐπεβάλλετο διὰ τοῦ Θρᾳκῶν βασιλέωσ ἐπὶ τὴν Μακεδονικὴν βασιλείαν κατιέναι.

ὁμοίωσ δὲ καὶ Ἀθηναῖοι πρὸσ Φίλιππον ἀλλοτρίωσ ἔχοντεσ κατῆγον ἐπὶ τὴν βασιλείαν Ἀργαῖον καὶ στρατηγὸν ἀπεστάλκεισαν Μαντίαν ἔχοντα τρισχιλίουσ μὲν ὁπλίτασ, ναυτικὴν δὲ δύναμιν ἀξιόλογον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 2

(디오도로스 시켈로스, Library, book xvi, chapter 2)

상위

목록

SEARCH

MENU NAVIGATION