헬라어 문장 검색 - Διοδορ́Λιβραρψ́9́02́

(디오도로스 시켈로스, Library, book xvi, chapter 1)

ἐν πάσαισ μὲν ταῖσ ἱστορικαῖσ πραγματείαι καθήκει τοὺσ συγγραφεῖσ περιλαμβάνειν ἐν ταῖσ βίβλοισ ἢ πόλεων ἢ βασιλέων πράξεισ αὐτοτελεῖσ ἀπ’ ἀρχῆσ μέχρι τοῦ τέλουσ· οὕτωσ γὰρ μάλιστα διαλαμβάνομεν τὴν ἱστορίαν εὐμνημόνευτον καὶ σαφῆ γενέσθαι τοῖσ ἀναγινώσκουσιν. αἱ μὲν γὰρ ἡμιτελεῖσ πράξεισ οὐκ ἔχουσαι συνεχὲσ ταῖσ ἀρχαῖσ τὸ πέρασ μεσολαβοῦσι τὴν ἐπιθυμίαν τῶν φιλαναγνωστούντων, αἱ δὲ τὸ τῆσ διηγήσεωσ συνεχὲσ περιλαμβάνουσαι μέχρι τῆσ τελευτῆσ ἀπηρτισμένην τὴν τῶν πράξεων ἔχουσιν ἀπαγγελίαν.

ὅταν δ’ ἡ φύσισ αὐτὴ τῶν πραχθέντων συνεργῇ τοῖσ συγγραφεῦσι, τότ’ ἤδη παντελῶσ οὐκ ἀποστατέον ταύτησ τῆσ προαιρέσεωσ. διόπερ καὶ ἡμεῖσ παρόντεσ ἐπὶ τὰσ Φιλίππου τοῦ Ἀμύντου πράξεισ πειρασόμεθα τούτῳ τῷ βασιλεῖ τὰ πραχθέντα περιλαβεῖν ἐν ταύτῃ τῇ βίβλῳ.

οὗτοσ γὰρ εἴκοσι μὲν καὶ τέτταρα ἔτη τῶν Μακεδόνων ἐβασίλευσεν, ἐλαχίσταισ δὲ ἀφορμαῖσ χρησάμενοσ μεγίστην τῶν κατὰ τὴν Εὐρώπην δυναστειῶν κατεσκεύασε τὴν ἰδίαν βασιλείαν καὶ παραλαβὼν τὴν Μακεδονίαν δουλεύουσαν Ἰλλυριοῖσ πολλῶν καὶ μεγάλων ἐθνῶν καὶ πόλεων κυρίαν ἐποίησε. διὰ δὲ τὴν ἰδίαν ἀρετὴν τῆσ μὲν Ἑλλάδοσ ἁπάσησ παρέλαβε τὴν ἡγεμονίαν ἑκουσίωσ τῶν πόλεων ὑποταττομένων, τοὺσ δὲ τὸ ἐν Δελφοῖσ ἱερὸν συλήσαντασ καταπολεμήσασ καὶ τῷ μαντείῳ βοηθήσασ μετέσχε τοῦ συνεδρίου τῶν Ἀμφικτυόνων καὶ διὰ τὴν εἰσ τοὺσ θεοὺσ εὐσέβειαν ἔπαθλον ἔλαβε τὰσ ψήφουσ τῶν κρατηθέντων Φωκέων.

Ἰλλυριοὺσ δὲ καὶ Παίονασ καὶ Θρᾷκασ καὶ Σκύθασ καὶ πάντα τὰ πλησιόχωρα τούτοισ ἔθνη καταπολεμήσασ τὴν Περσῶν βασιλείαν ἐπεβάλετο καταλῦσαι καὶ δυνάμεισ μὲν εἰσ τὴν Ἀσίαν διαβιβάσασ τὰσ Ἑλληνίδασ πόλεισ ἠλευθέρου, μεσολαβηθεὶσ δ’ ὑπὸ τῆσ πεπρωμένησ τηλικαύτασ καὶ τοιαύτασ δυνάμεισ ἀπέλιπεν ὥστε τὸν υἱὸν Ἀλέξανδρον μὴ προσδεηθῆναι συμμάχων εἰσ τὴν κατάλυσιν τῆσ Περσῶν ἡγεμονίασ.

καὶ ταῦτ’ ἔπραξεν οὐ διὰ τύχην, ἀλλὰ διὰ τὴν ἰδίαν ἀρετήν.

γέγονε γὰρ ὁ βασιλεὺσ οὗτοσ ἀγχινοίᾳ στρατηγικῇ καὶ ἀνδρείᾳ καὶ λαμπρότητι ψυχῆσ διαφέρων. ἵνα δὲ μὴ διὰ τοῦ προοιμίου προλαμβάνωμεν αὐτοῦ τὰσ πράξεισ, ἐπὶ τὸ συνεχὲσ τῆσ ἱστορίασ πορευσόμεθα, βραχέα τοῖσ χρόνοισ προσαναδραμόντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 1

(디오도로스 시켈로스, Library, book xvi, chapter 1)

상위

목록

SEARCH

MENU NAVIGATION