헬라어 문장 검색 - Διοδορ́Λιβραρψ́9́01́

(디오도로스 시켈로스, Library, book xvi, τάδε ἔνεστιν ἐν τῇ ἑκκαιδεκάτῃ τῶν Διοδώρου ἱστορικῶν βίβλων.)

ὡσ Φίλιπποσ ὁ Ἀμύντου παρέλαβε τὴν τῶν Μακεδόνων βασιλείαν. ὡσ Ἀργαῖον ἀντιποιούμενον τῆσ βασιλείασ ἐνίκησεν. ὡσ Ἰλλυριοὺσ καὶ Παίονασ καταπολεμήσασ ἐκτήσατο τὴν προγονικὴν ἀρχήν. περὶ τῆσ ἀνανδρίασ τοῦ νεωτέρου Διονυσίου καὶ τῆσ Δίωνοσ φυγῆσ. κτίσισ Ταυρομενίου κατὰ τὴν Σικελίαν. τὰ πραχθέντα κατὰ τὴν Εὔβοιαν καὶ κατὰ τὸν συμμαχικὸν πόλεμον. πολιορκία Ἀμφιπόλεωσ ὑπὸ Φιλίππου καὶ ἅλωσισ. ὡσ Φίλιπποσ τοὺσ Πυδναίουσ ἐξανδραποδισάμενοσ τὰ χρύσεια μέταλλα κατεσκεύασεν. ὡσ Δίων ἐλευθερώσασ τοὺσ Συρακουσίουσ Διονύσιον κατεπολέμησεν. ὡσ ἐκπεσὼν ἐκ τῆσ πατρίδοσ πάλιν ἀνεκτήσατο τὰσ Συρακούσασ. κατάλυσισ συμμαχικοῦ πολέμου. συνδρομὴ τριῶν βασιλέων ἐπὶ Φίλιππον. ὡσ Φιλόμηλοσ ὁ Φωκεὺσ τοὺσ Δελφοὺσ καὶ τὸ μαντεῖον καταλαβόμενοσ τὸν ἱερὸν πόλεμον ἐξέκαυσεν. περὶ τῆσ ἐξ ἀρχῆσ εὑρέσεωσ τοῦ μαντείου. Φιλομήλου τοῦ Φωκέωσ ἧττα καὶ θάνατοσ. Ὀνομάρχου παράληψισ τῆσ ἀρχῆσ καὶ παρασκευὴ πρὸσ πόλεμον. ὡσ Βοιωτοὶ Ἀρταβάζῳ βοηθήσαντεσ ἐνίκησαν τοὺσ βασιλέωσ σατράπασ. ὡσ Ἀθηναῖοι Χερρονήσου κρατήσαντεσ κατεκληρούχησαν αὐτήν. ὡσ Φίλιπποσ Μεθώνην ἑλὼν κατέσκαψεν. ὡσ Φίλιπποσ Φωκεῖσ νικήσασ ἐξέβαλεν ἐκ τῆσ Θετταλίασ. ὡσ Ὀνόμαρχοσ ὁ Φωκεὺσ Φίλιππον δυσὶ μάχαισ νικήσασ εἰσ τοὺσ ἐσχάτουσ κινδύνουσ ἤγαγεν. ὡσ Ὀνόμαρχοσ Βοιωτοὺσ νικήσασ Κορώνειαν εἷλεν. ὡσ Ὀνόμαρχοσ ἐν Θετταλίᾳ παραταξάμενοσ πρὸσ Φίλιππον καὶ Θετταλοὺσ ἡττήθη. ὡσ αὐτὸσ μὲν ἐκρεμάσθη, οἱ δ’ ἄλλοι κατεποντίσθησαν ὡσ ἱερόσυλοι. ὡσ Φάυλλοσ διαδεξάμενοσ τὴν ἀρχὴν πολλὰ τῶν ἀργυρῶν καὶ χρυσῶν ἀναθημάτων κατέκοψεν. ὡσ τὰσ μισθοφορίασ ἀναβιβάσασ ἤθροισε μισθοφόρων πλῆθοσ. ὡσ τεταπεινωμένα τὰ τῶν Φωκέων πράγματα διωρθώσατο. ὡσ χρήμασι διαφθείρων τὰσ πόλεισ καὶ τοὺσ προεστηκότασ αὐταῖσ πολλοὺσ προσελάβετο συμμάχουσ. ὡσ οἱ τῶν Φεραίων τύραννοι παραδόντεσ Φιλίππῳ τὰσ Φερὰσ Φωκέων ἐγένοντο σύμμαχοι. μάχη Φωκέων πρὸσ Βοιωτοὺσ περὶ Ὀρχομενὸν καὶ ἧττα Φωκέων. ἄλλαι μάχαι τοῖσ αὐτοῖσ παρὰ τὸν Κηφισὸν καὶ Κορώνειαν καὶ νίκη Βοιωτῶν. ὡσ Φάυλλοσ στρατεύσασ εἰσ τὴν Λοκρίδα πολλὰσ πόλεισ ἐχειρώσατο. ὡσ Φάυλλοσ νόσῳ περιπεσὼν φθινάδι τὸν βίον ἐπιπόνωσ κατέστρεψεν. ὡσ Φάλαικοσ διαδεξάμενοσ τὴν ἀρχὴν καὶ ἀγεννῶσ διοικῶν τὸν πόλεμον ἐξέπεσεν. ὡσ οἱ κατὰ τὴν Πελοπόννησον ἐστασίασαν. ὡσ Ἀρταξέρξησ ὁ ἐπικληθεὶσ Ὦχοσ ἀνεκτήσατο Αἴγυπτον καὶ Φοινίκην καὶ Κύπρον. ὡσ Φίλιπποσ τὰσ Χαλκιδικὰσ πόλεισ προσαγαγόμενοσ τὴν ἐπισημοτάτην πόλιν κατέσκαψεν. ζήτησισ τῶν ἀναλωθέντων ἱερῶν χρημάτων καὶ κόλασισ τῶν νοσφισαμένων. ὡσ οἱ καταφυγόντεσ εἰσ τὸ ἱερὸν τοῦ Ἀπόλλωνοσ Φωκεῖσ ὄντεσ πεντακόσιοι παραδόξωσ ἅπαντεσ ὑπὸ πυρὸσ διεφθάρησαν. ὡσ ὁ Φωκικὸσ πόλεμοσ κατελύθη. ὡσ οἱ μετασχόντεσ τῆσ ἱεροσυλίασ τοῖσ Φωκεῦσιν ἅπαντεσ ὑπὸ θείασ τινὸσ ἐνεργείασ ἐκολάσθησαν. Τιμολέοντοσ κατάπλουσ εἰσ Σικελίαν καὶ αἱ πράξεισ αὐτοῦ μέχρι τῆσ τελευτῆσ. Περίνθου καὶ Βυζαντίου πολιορκία ὑπὸ Φιλίππου. Φιλίππου παράταξισ πρὸσ Ἀθηναίουσ ἐν Χαιρωνείᾳ καὶ ἧττα Ἀθηναίων. ὡσ οἱ Ἕλληνεσ αὐτοκράτορα στρατηγὸν εἵλοντο Φίλιππον. ὡσ Φίλιπποσ μέλλων διαβαίνειν εἰσ τὴν Ἀσίαν ἀνῃρέθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, τάδε ἔνεστιν ἐν τῇ ἑκκαιδεκάτῃ τῶν Διοδώρου ἱστορικῶν βίβλων.

(디오도로스 시켈로스, Library, book xvi, τάδε ἔνεστιν ἐν τῇ ἑκκαιδεκάτῃ τῶν Διοδώρου ἱστορικῶν βίβλων.)

상위

목록

SEARCH

MENU NAVIGATION