Athenaeus, The Deipnosophists, Book 5, book 5, chapter 64

(아테나이오스, The Deipnosophists, Book 5, book 5, chapter 64)

"δοκεῖτέ μοι, ἄνδρεσ δαιτυμόνεσ, σφοδροῖσ κατηντλῆσθαι λόγοισ παρὰ προσδοκίαν βεβαπτίσθαι τε τῷ ἀκράτῳ· "ἀνὴρ γὰρ ἕλκων οἶνον ὡσ ὕδωρ ἵπποσ σκυθιστὶ φωνεῖ, οὐδὲ κόππα γινώσκων κεῖται δ’ ἄναυδοσ ἐν πίθῳ κολυμβήσασ, κάθυπνοσ ὡσ μήκωνα φάρμακον πίνων, φησὶν ὁ Βυζάντιοσ Παρμένων, ἢ ἀπολελίθωσθε ὑπὸ τῶν προειρημένων Γοργόνων; "περὶ ὧν ὡσ ὄντωσ γεγόνασί τινα ζῷα ἀπολιθώσεωσ ἀνθρώποισ αἴτια, ἱστορεῖ Ἀλέξανδροσ ὁ Μύνδιοσ ἐν δευτέρῳ πτηνῶν ἱστορίασ οὕτωσ · "τὴν γοργόνα τὸ ζῷον καλοῦσιν οἱ ἐν Λιβύῃ Νομάδεσ, ὅπου καὶ γίνεται, κατώβλεπον. "ἐστὶν δέ, ὡσ μὲν οἱ πλεῖστοι λέγουσιν ἐκ τῆσ δορᾶσ σημειούμενοι, προβάτῳ ἀγρίῳ ὅμοιον, ὡσ δ’ ἔνιοί φασι, μόσχῳ. ἔχειν δὲ λέγουσιν αὐτὸ τοιαύτην ἀναπνοὴν ὥστε πάντα τὸν ἐντυχόντα τῷ ζῴῳ διαφθείρειν. "φέρειν δὲ χαίτην ἀπὸ τοῦ μετώπου καθειμένην ἐπὶ τοὺσ ὀφθαλμούσ, ἣν ὁπόταν μόγισ διασεισαμένη διὰ τὴν βαρύτητα ἐμβλέψῃ, κτείνει τὸν ὑπ’ αὐτῆσ θεωρηθέντα οὐ τῷ πνεύματι, ἀλλὰ τῇ γιγνομένῃ ἀπὸ τῶν ὀμμάτων φύσεωσ φορᾷ καὶ νεκρὸν ποιεῖ. ἐγνώσθη δὲ οὕτωσ, τῶν μετὰ Μαρίου τινὲσ ἐπὶ Ιὀγόρθαν στρατευσαμένων ἰδόντεσ τὴν γοργόνα δόξαντέσ τε διὰ τὸ κάτω νενευκέναι βραδέωσ τε κινεῖσθαι ἄγριον εἶναι πρόβατον ὡρ́μησαν ἐπ’ αὐτὸ ὡσ κατεργασόμενοι οἷσ εἶχον ξίφεσι. "τὸ δὲ πτοηθὲν διασεισάμενόν τε τὴν τοῖσ ὄμμασιν ἐπικειμένην χαίτην παραχρῆμα ἐποίησε τοὺσ ὁρμήσαντασ ἐπ’ αὐτὸ νεκρούσ, πάλιν δὲ καὶ πάλιν τὸ αὐτὸ ποιησάντων ἑτέρων νεκρῶν τε γενηθέντων,ἀεὶ τῶν προσφερομένων ἀπολλυμένων, ἱστορήσαντέσ τινεσ παρὰ τῶν ἐπιχωρίων τὴν τοῦ ζῴου φύσιν, μακρόθεν ἐνεδρεύσαντεσ αὐτὸ ἱππῆσ τινεσ Νομάδεσ Μαρίου κελεύσαντοσ κατηκόντισαν ἧκόν τε φέροντεσ πρὸσ τὸν στρατηγὸν τὸ θηρίον. "’ τοῦτο μὲν οὖν ὡσ ἦν ἄρα τοιοῦτο ἡ δορὰ ἥ τε Μαρίου στρατεία μηνύει, ἐκεῖνο μέντοι τὸ λεγόμενον ὑπὸ τοῦ ἱστοριογράφου οὔκ ἐστι πιστόν, ὡσ εἰσί τινεσ κατὰ τὴν Λιβύην ὀπισθονόμοι καλούμενοι βόεσ διὰ τὸ μὴ ἔμπροσθεν αὐτοὺσ πορευομένουσ νέμεσθαι, ἀλλ’ εἰσ τοὐπίσω ὑποχωροῦντασ τοῦτο ποιεῖν εἶναι γὰρ αὐτοῖσ ἐμπόδιον πρὸσ τὴν τοῦ κατὰ φύσιν νομὴν τὰ κέρατα οὐκ ἄνω ἀνακεκυφότα, καθάπερ τὰ τῶν λοιπῶν ζῴων, ἀλλὰ κάτω νενευκότα καὶ ἐπισκοτοῦντα τοῖσ ὄμμασι. "τοῦτο γὰρ ἄπιστόν ἐστιν, οὐδενὸσ ἑτέρου ἐπιμαρτυροῦντοσ ἱστορικοῦ.

일치하는 문장이 없습니다.

SEARCH

MENU NAVIGATION