호흡부호 보기
강세부호 보기
장단부호 보기
작은 Iota 보기
모든 부호 보기
τούτου δ’ ἐφεξῆσ σχολαστήριον ὑπῆρχε πεντάκλινον, ἐκ πύξου τοὺσ τοίχουσ καὶ τὰ θυρώματα κατεσκευασμένον, βιβλιοθήκην ἔχον ἐν αὑτῷ, κατὰ δὲ τὴν ὀροφὴν πόλον ἐκ τοῦ κατὰ τὴν Ἀχραδίνην ἀπομεμιμημένον ἡλιοτροπίου, ἦν δὲ καὶ βαλανεῖον τρίκλινον πυρίασ χαλκᾶσ ἔχον τρεῖσ καὶ λουτῆρα πέντε μετρητὰσ δεχόμενον ποικίλον τοῦ Ταυρομενίτου λίθου, κατεσκεύαστο δὲ καὶ οἰκήματα πλείω τοῖσ ἐπιβάταισ καὶ τοῖσ τὰσ ἀντλίασ φυλάττουσι. χωρὶσ δὲ τούτων ἱππῶνεσ ἦσαν ἑκατέρου τῶν τοίχων δέκα· κατὰ δὲ τούτουσ ἡ τροφὴ τοῖσ ἵπποισ ἔκειτο καὶ τῶν ἀναβατῶν καὶ τῶν παίδων τὰ σκεύη, ἦν δὲ καὶ ὑδροθήκη κατὰ τὴν πρῷραν κλειστή, δισχιλίουσ μετρητὰσ δεχομένη, ἐκ σανίδων καὶ πίττησ καὶ ὀθονίων κατεσκευασμένη. παρὰ δὲ ταύτην κατεσκεύαστο διὰ μολιβδώματοσ καὶ σανίδων κλειστὸν ἰχθυοτροφεῖον·
τοῦτο δ’ ἦν πλῆρεσ θαλάττησ, ἐν ᾧ πολλοὶ ἰχθύεσ ἐνετρέφοντο. ὑπῆρχον δὲ καὶ τῶν τοίχων ἑκατέρωθεν τρόποι προεωσμένοι, διάστημα σύμμετρον ἔχοντεσ· ἐφ’ ὧν κατεσκευασμέναι ἦσαν ξυλοθῆκαι καὶ κρίβανοι καὶ ὀπτανεῖα καὶ μύλοι καὶ πλείουσ ἕτεραι διακονίαι. ἄτλαντέσ τε περιέτρεχον τὴν ναῦν ἐκτὸσ ἑξαπήχεισ, οἳ τοὺσ ὄγκουσ ὑπειλήφεσαν τοὺσ ἀνωτάτω καὶ τὸ τρίγλυφον, πάντεσ ἐν διαστήματι συμμέτρῳ βεβῶτεσ.
ἡ δὲ ναῦσ πᾶσα οἰκείαισ γραφαῖσ ἐπεπόνητο.
호흡부호 보기
강세부호 보기
장단부호 보기
작은 Iota 보기
모든 부호 보기