헬라어 문장 검색 - ΑτηενάΤηεΔειπ

(아테나이오스, The Deipnosophists, Book 5, book 5, chapter 45)

τοσαῦτ’ οὖν καὶ περὶ τοῦ τῶν νεῶν καταλόγου οὐκ ἀπὸ Βοιωτῶν ἀρξάμενοι κατελέξαμεν, ἀλλ’ ἀπὸ πανηγυρικῶν πομπῶν, καὶ ἐπεὶ τὸν καλὸν Οὐλπιανὸν οἶδα πάλιν προβαλοῦντα ἡμῖν τίσ αὕτη ἡ παρὰ τῷ Καλλιξείνῳ ἐγγυθήκη, φαμὲν αὐτῷ ὅτι καὶ λόγοσ τισ εἰσ Λυσίαν ἀναφέρεται τὸν ῥήτορα περὶ ἐγγυθήκησ ἐπιγραφόμενοσ, οὗ ἡ ἀρχή· "εἰ μὲν δίκαιον ἔλεγεν ἢ μέτριον, ἄνδρεσ δικασταί, Λυσιμένησ. "οὐκ ἂν ἐσπούδαζον περὶ αὐτῆσ τῆσ ἐγγυθήκησ δικαιολογεῖσθαι, ἣ οὔκ ἐστιν ἀξία τριάκοντα δραχμῶν. ὅτι δὲ χαλκῆ ἦν ἡ ἐγγυθήκη ἑξῆσ φησι·

"πέρυσιν δὲ ἐπισκευάσαι αὐτὴν βουλόμενοσ ἐξέδωκα εἰσ τὸ χαλκεῖον ἐστὶ γὰρ συνθετὴ καὶ Σατύρων ἔχει πρόσωπα καὶ βουκεφάλια , ἄλλο ἔτι μέγεθοσ τὸ αὐτό. ὁ γὰρ αὐτὸσ τεχνίτησ πολλὰ σκεύη ταὐτὰ καὶ ὅμοια ἐργάζεται. ἐν τούτοισ ὁ Λυσίασ εἰπὼν ὅτι καὶ χαλκῆ ἦν ἡ ἐγγυθήκη, σαφῶσ παρίστησιν, ὡσ καὶ ὁ Καλλίξεινοσ εἴρηκε, λεβήτων αὐτὰσ ὑποθήματα εἶναι, οὕτωσ γὰρ καὶ Πολέμων ὁ περιηγητὴσ εἶπεν ἐν γ’ τῶν πρὸσ Ἀδαῖον καὶ Ἀντίγονον ἐξηγούμενοσ διάθεσιν ἐν Φλιοῦντι κατὰ τὴν πολεμάρχειον στοὰν γεγραμμένην ὑπὸ Σίλλακοσ τοῦ Ῥηγίνου, οὗ μνημονεύουσιν Ἐπίχαρμοσ καὶ Σιμωνίδησ, λέγων οὕτωσ· "ἐγγυθήκη καὶ ἐπ’ αὐτῆσ κύπελλον.

Ἡγήσανδροσ δὲ ὁ Δελφὸσ ἐν τῷ ἐπιγραφομένῳ ὑπομνήματι ἀνδριάντων καὶ ἀγαλμάτων Γλαύκου φησὶ τοῦ Χίου τὸ ἐν Δελφοῖσ ὑπόστημα οἱο͂ν ἐγγυθήκην τινὰ σιδηρᾶν, ἀνάθημα Ἀλυάττου· οὗ ὁ ̔ Ἡρόδοτοσ μνημονεύει ὑποκρητηρίδιον αὐτὸ καλῶν.

καὶ ὁ μὲν Ἡγήσανδροσ ταῦτα λέγει, εἴδομεν δ’ αὐτὸ καὶ ἡμεῖσ ἀνακείμενον ἐν Δελφοῖσ ὡσ ἀληθῶσ θέασ ἄξιον διὰ τὰ ἐν αὐτῷ ἐντετορευμένα ζῳδάρια καὶ ἄλλα τινὰ ζῳύφια καὶ φυτάρια, ἐπιτίθεσθαι ἐπ’ αὐτῷ δυνάμενα καὶ κρατῆρασ καὶ ἄλλα σκεύη, ἡ δ’ ὑπ’ Ἀλεξανδρέων καλουμένη ἀγγοθήκη τρίγωνόσ ἐστι, κατὰ μέσον κοίλη, δέχεσθαι δυναμένη ἐντιθέμενον κεράμιον. ἔχουσι δὲ ταύτην οἱ μὲν πένητεσ ξυλίνην, οἱ δὲ πλούσιοι χαλκῆν ἢ ἀργυρᾶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 5, book 5, chapter 45

(아테나이오스, The Deipnosophists, Book 5, book 5, chapter 45)

상위

목록

SEARCH

MENU NAVIGATION