헬라어 문장 검색 - ΑτηενάΤηεΔειπ

(아테나이오스, The Deipnosophists, Book 5, book 5, chapter 3)

Ἡμεῖσ δὲ νῦν περὶ τῶν Ὁμηρικῶν συμποσίων λέξομεν. ἀφορίζει γὰρ αὐτῶν ὁ ποιητὴσ χρόνουσ, πρόσωπα, αἰτίασ, τοῦτο δὲ ὀρθῶσ ἀπεμάξατο ὁ Ξενοφῶν καὶ Πλάτων, οἳ κατ’ ἀρχὰσ τῶν ξυγγραμμάτων ἐκτίθενται τὴν αἰτίαν τοῦ συμποσίου καὶ τίνεσ οἱ παρόντεσ. Ἐπίκουροσ δὲ οὐ τόπον, οὐ χρόνον ἀφορίζει, οὐ προλέγει οὐδέν. δεῖ οὖν μαντεύσασθαι πῶσ ποτ’ ἄνθρωποσ ἐξαπίνησ ἔχων κύλικα προβάλλει ζητήματα καθάπερ ἐν διατριβῇ λέγων, Ἀριστοτέλησ δὲ ἄλουτον καὶ κονιορτοῦ ἥκειν πλήρη τινὰ ἐπὶ τὸ συμπόσιόν φησιν ̓ ἔπειθ’ ὁ μὲν Ὅμηροσ ἐκδιδάσκει τίνασ κλητέον, εἰπὼν ὡσ τοὺσ ἀρίστουσ τε καὶ ἐντίμουσ χρὴ καλεῖν κίκλησκεν δὲ γέροντασ ἀριστῆασ Παναχαιῶν. οὐχ ὃν τρόπον Ἡσίοδοσ· οὗτοσ γὰρ ἀξιοῖ καὶ τοὺσ γείτονασ·

μάλιστα καλεῖν ὅστισ σέθεν ἐγγύθι ναίει. τοῦτο γὰρ ὡσ ἀληθῶσ Βοιωτικῆσ ἐστιν ἀναισθησίασ συμπόσιον καὶ τῇ μισανθρωποτάτῃ τῶν παροιμιῶν ἁρμόττον· τηλοῦ φίλοι ναίοντεσ οὔκ εἰσιν φίλοι.

πῶσ γὰρ οὐκ ἄλογον τόπῳ τὴν φιλίαν καὶ οὐ τρόπῳ κρίνεσθαι; τοιγαροῦν παρ’ Ὁμήρῳ μετὰ τὸ πιεῖν τοῖσ δ’ ὁ γέρων πάμπρωτοσ ὑφαίνειν ἤρχετο μῆτιν, παρὰ δὲ τοῖσ οὐ τὰ σώφρονα συμπόσια συνάγουσι · τοῖσ δ’ ὁ κόλαξ πάμπρωτοσ ὑφαίνειν ἤρχετο μῶκον. ἔτι δὲ ὁ μὲν Ὅμηροσ ἡλικίαισ εἰσάγει διαφέροντασ καὶ ταῖσ προαιρέσεσι τοὺσ κεκλημένουσ, Νέστορα καὶ Αἰάντα καὶ Ὀδυσσέα, τὸ μὲν καθόλου σύμπαντασ τῆσ ἀρετῆσ ἀντεχομένουσ, εἴδει δὲ διαφόροισ ὁδοῖσ ὡρμηκότασ ἐπ’ αὐτήν. ὁ δ’ Ἐπίκουροσ ἅπαντασ εἰσήγαγε προφήτασ ἀτόμων καὶ ταῦτ’ ἔχων παραδείγματα τήν τε τοῦ ποιητοῦ τῶν συμποσίων ποικιλίαν καὶ τὴν Πλάτωνόσ τε καὶ Ξενοφῶντοσ χάριν. ἄλλον δ’ ἀπ’ ἄλλησ προαιρέσεωσ σπουδάζοντασ εἰσήγαγεν, Ξενοφῶν δὲ καί τινασ ἰδιώτασ συνανέμιξε.

πολλῷ τοίνυν κάλλιον Ὅμηροσ ἐποίησε καὶ διάφορα παρατιθέμενοσ συμπόσια·

πᾶν γὰρ ἐξ ἀντιπαραβολῆσ ὁρᾶται μᾶλλον. ἐστὶν γὰρ αὐτῷ τὸ μὲν τῶν μνηστήρων οἱο͂ν ἂν γένοιτο νεανίσκων μέθαισ καὶ ἔρωσιν ἀνακειμένων, τὸ δὲ τῶν Φαιάκων εὐσταθέστερον μὲν τούτων, φιλήδονον δέ. τούτοισ δ’ ἀντέθηκε τὰ μὲν ἐπὶ στρατιᾶσ, τὰ δὲ πολιτικώτερον τελούμενα σωφρόνωσ. καὶ πάλιν αὖ διεῖλεν τὰ μὲν δημοθοινίαν ἔχοντα, τὰ δ’ οἰκείων σύνοδον. Ἐπίκουροσ δὲ συμπόσιον φιλοσόφων μόνον πεποίηται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 5, book 5, chapter 3

(아테나이오스, The Deipnosophists, Book 5, book 5, chapter 3)

상위

목록

SEARCH

MENU NAVIGATION