헬라어 문장 검색 - ΑτηενάΤηεΔειπ

(아테나이오스, The Deipnosophists, Book 5, book 5, chapter 18)

διδάσκει δ’ ἡμᾶσ Ὅμηροσ ὅτι δεῖ καὶ τοὺσ κεκλημένουσ ἐφ’ ἑστίασιν παρακαλεῖν ἀπανίστασθαι τοὺσ κεκληκότασ, ὁ μὲν Τηλέμαχοσ τὸν Μενέλαον ἀλλ’ ἄγετ’ εἰσ εὐνὴν τράπεθ’ ἡμέασ, ὄφρα καὶ ἤδη ὕπνῳ ὑπὸ γλυκερῷ ταρπώμεθα κοιμηθέντεσ. ἡ δὲ προσποιουμένη Μέντωρ εἶναι Ἀθηνᾶ πρὸσ τὸν Νέστορα ἀλλ’ ἄγε τάμνετε μὲν γλώσσασ, κεράσασθε δὲ οἶνον, ὄφρα Ποσειδάωνι καὶ ἄλλοισ ἀθανάτοισιν σπείσαντεσ κοίτοιο μεδώμεθα· · τοῖο γὰρ ὡρ́η. ἐν δὲ ταῖσ τῶν θεῶν ἑορταῖσ οὐδ’ ὅσιον εἶναι δοκεῖ πλείω χρόνον παραμένειν. γνωμικῶσ γοῦν φησιν παρὰ τῷ Ὁμήρῳ ἡ Ἀθηνᾶ· ἤδη γὰρ φάοσ οἴχεθ’ ὑπὸ ζόφον, οὐδὲ ἐοίκε δηθὰ θεῶν ἐν δαιτὶ θαασσέμεν, ἀλλὰ νέεσθαι. καὶ νῦν δὴ νόμοσ ἐκ θυσιῶν τινων πρὸ ἡλίου δύνοντοσ ἀπιέναι. καὶ παρ’ Αἰγυπτίοισ δὲ τὸ παλαιὸν σωφρονικῶσ διεξήγετο τὸ τῶν συμποσίων γένοσ, καθάπερ εἴρηκεν Ἀπολλώνιοσ ὁ περὶ τούτων γεγραφώσ.

καθήμενοι μὲν γὰρ ἐδείπνουν, τροφῇ τῇ λιτοτάτῃ καὶ ὑγιεινοτάτῃ χρώμενοι καὶ οἴνῳ τοσούτῳ ὅσοσ ἱκανὸσ ἂν γένοιτο πρὸσ εὐθυμίαν, ἣν ὁ Πίνδαροσ αἰτεῖται παρὰ τοῦ Διόσ· τί ἔρδων φίλοσ σοί τε, καρτερόβροντα Κρονίδα, φίλοσ δὲ Μοίσαισ Εὐθυμίᾳ τε μέλων εἰήν, τοῦτ’ αἴτημί σε. τὸ δὲ Πλάτωνοσ συμπόσιον οὐ συνέδριόν ἐστιν, οὐ βουλευτήριον, οὐ λέσχη φιλοσόφων.

Σωκράτησ γὰρ οὐδὲ τοῦ συμποσίου ἀποστῆναι θέλει καίτοι Ἐρυξιμάχου καὶ Φαίδρου καὶ ἄλλων τινῶν ἀποστάντων, ἀλλ’ ἐγρήγορε μετ’ Ἀγάθωνοσ καὶ Ἀριστοφάνουσ καὶ πίνει ἐξ ἀργυροῦ φρέατοσ ‐ καλῶσ γάρ τισ τὰ μεγάλα ποτήρια οὕτωσ ὠνόμασε πίνει τ’ ἐκ τῆσ φιάλησ ἐπιδέξια. φησὶ δὲ καὶ μετὰ τοῦτο τοὺσ μὲν δύο νυστάζειν, καταδαρθεῖν δὲ πρότερον τὸν Ἀριστοφάνη, ἤδη δὲ ἡμέρασ ὑποφαινούσησ τὸν Ἀγάθωνα· καὶ τὸν Σωκράτη κατακοιμήσαντα ἐκείνουσ ἀναστάντα ἀπιέναι εἰσ τὸ Λύκειον, ἐξόν, φησὶν ὁ Ἡρόδικοσ, εἰσ τοὺσ Ὁμήρου Λαιστρυγόνασ, ἔνθα κ’ ἀύπνοσ ἀνὴρ δοιοὺσ ἐξήρατο μισθούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 5, book 5, chapter 18

(아테나이오스, The Deipnosophists, Book 5, book 5, chapter 18)

상위

목록

SEARCH

MENU NAVIGATION