헬라어 문장 검색 - ΑτηενάΤηεΔειπ

(아테나이오스, The Deipnosophists, Book 5, book 5, chapter 5)

Πλάτων δὲ ἐν τῷ Συμποσίῳ περὶ τῶν αὐτῶν λέγει οὕτωσ · "ἵνα καὶ τὴν παροιμίαν φησί διαφθείρωμεν μεταβάλλοντεσ, ὡσ ἄρα καὶ ἀγαθῶν ἐπὶ δαῖτασ ἰάσιν αὐτόματοι ἀγαθοί. Ὅμηροσ μὲν γὰρ κινδυνεύει οὐ μόνον διαφθεῖραι, ἀλλὰ καὶ ὑβρίσαι εἰσ αὐτὴν ποιήσασ γὰρ τὸν Ἀγαμέμνονα ἀγαθὸν τὰ πολεμικά, τὸν Μενέλαον δὲ μαλθακὸν αἰχμητήν, θυσίαν ποιουμένου τοῦ Ἀγαμέμνονοσ ἄκλητον ἐποίησεν ἐλθόντα τὸν χείρονα ἐπὶ τὴν τοῦ ἀμείνονοσ δίαιταν. Βακχυλίδησ δὲ περὶ τοῦ Ἡρακλέουσ λέγων ὡσ ἦλθεν ἐπὶ τὸν τοῦ Κήυκοσ οἶκόν φησιν ἔστα δ’ ἐπὶ λάινον οὐδόν, τοὶ δὲ θοίνασ ἔντυον, ὧδὲ τ’ ἔφα· αὐτόματοι δ’ ἀγαθῶν δαῖτασ εὐόχθουσ ἐπέρχονται δίκαιοι φῶτεσ. αἱ δὲ παροιμίαι ἡ μέν φησιν αὐτόματοι δ’ ἀγαθοὶ ἀγαθῶν ἐπὶ δαῖτασ ἰάσιν, ἡ δέ· αὐτόματοι ἀγαθοὶ δειλῶν ἐπὶ δαῖτασ ἰάσιν. οὐ δεόντωσ γοῦν Πλάτων τὸν Μενέλεων ἐνόμισεν εἶναι δειλόν, ὃν ἀρηίφιλον Ὅμηροσ λέγει καὶ μόνον ὑπὲρ Πατρόκλου ἀριστεύσαντα καὶ τῷ Ἕκτορι πρὸ πάντων πρόθυμον μονομαχεῖν, καίπερ ὄντα τῇ ῥώμῃ καταδεέστερον, ἐφ’ οὗ μόνου τῶν στρατευσαμένων εἴρηκεν ἐν δ’ αὐτὸσ κίεν ᾗσι προθυμίῃσι πεποιθώσ. εἰ δὲ ὁ ἐχθρὸσ ὁ βλασφημῶν· αὐτὸν εἴρηκε μαλθακὸν αἰχμητὴν καὶ διὰ τοῦτο Πλάτων τῷ ὄντι μαλθακὸν αὐτὸν ὑπολαμβάνει, οὐκ ἂν φθάνοι καὶ τὸν ·

Ἀγαμέμνονα τιθεὶσ ἐν τοῖσ φαύλοισ, ὃν αὐτόσ φησιν εἶναι ἀγαθόν, εἴπερ εἰσ αὐτὸν εἴρηται τοῦτο τὸ ἔποσ οἰνοβαρέσ, κυνὸσ ὄμματ’ ἔχων, κραδίην δ’ ἐλάφοιο. οὐ γὰρ εἴ τι λέγεται παρ’ Ὁμήρῳ, τοῦθ’ Ὅμηροσ λέγει, πῶσ γὰρ ἂν εἰή μαλθακὸσ Μενέλαοσ ὁ τὸν Ἕκτορα μόνοσ ἀπείρξασ τοῦ Πατρόκλου καὶ Εὔφορβον ἀποκτείνασ τε καὶ σκυλεύσασ ἐν μέσοισ τοῖσ Τρωσί;

τὸ δὲ μηδὲ τὸν στίχον ὃν ᾐτιᾶτο τελείωσ κατανοῆσαι ἄτοπον, δι’ οὗ βοὴν ἀγαθὸσ Μενέλαοσ λέγεται, τοῖσ γὰρ ἀνδρειοτάτοισ Ὅμηροσ εἰώθεν ἐπιφωνεῖν, καλούντων τῶν παλαιῶν τὸν πόλεμον βοήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 5, book 5, chapter 5

(아테나이오스, The Deipnosophists, Book 5, book 5, chapter 5)

상위

목록

SEARCH

MENU NAVIGATION