Athenaeus, The Deipnosophists, Book 5, book 5, chapter 53

(아테나이오스, The Deipnosophists, Book 5, book 5, chapter 53)

καὶ οὐ μόνον τὰ τῶν πολιτῶν διήρπαζεν, ἀλλ’ ἤδη καὶ τὰ τῶν ξένων, ἐκτείνασ τὰσ χεῖρασ καὶ ἐπὶ τὰ εἰσ Δῆλον τοῦ θεοῦ χρήματα, ἐκπέμψασ γοῦν εἰσ τὴν νῆσον Ἀπελλικῶντα τὸν Τήιον, πολίτην δὲ Ἀθηναίων γενόμενον, ποικιλώτατόν τινα καὶ ἁψίκορον ζήσαντα βίον ὅτε μὲν γὰρ ἐφιλοσόφει τὰ περιπατητικά, καὶ τὴν Ἀριστοτέλουσ βιβλιοθήκην καὶ ἄλλασ συνηγόραζε συχνὰσ ἦν γὰρ πολυχρήματοσ τὰ τ’ ἐκ τοῦ Μητρῴου τῶν παλαιῶν αὐτόγραφα ψηφισμάτων ὑφαιρούμενοσ ἐκτᾶτο καὶ ἐκ τῶν ἄλλων πόλεων εἴ τι παλαιὸν εἰή καὶ ἀπόθετον. ἐφ’ οἷσ φωραθεὶσ ἐν ταῖσ Ἀθήναισ ἐκινδύνευσεν ἂν εἰ μὴ ἔφυγεν. καὶ μετ’ οὐ πολὺ πάλιν κατῆλθε, θεραπεύσασ πολλοὺσ καὶ συναπεγράφετο τῷ Ἀθηνίωνι ὡσ ἂν ἀπὸ τῆσ αὐτῆσ δὴ αἱρέσεωσ ὄντι. Ἀθηνίων δ’ ἐπιλαθόμενοσ τῶν δογμάτων τῶν τοῦ περιπάτου χοίνικα κριθῶν εἰσ τέσσαρασ ἡμέρασ διεμέτρει τοῖσ ἀνοήτοισ Ἀθηναίοισ, ἀλεκτορίδων τροφὴν καὶ οὐκ ἀνθρώπων αὐτοῖσ διδούσ. Ἀπελλικῶν δὲ μετὰ δυνάμεωσ ἐξορμήσασ εἰσ Δῆλον καὶ πανηγυρικῶσ μᾶλλον ἢ στρατιωτικῶσ ἀναστρεφόμενοσ, καὶ προφυλακὴν ἀμελεστέραν πρὸσ τὴν Δῆλον μερίσασ, μάλιστα δὲ τὰ ἐξόπισθε τῆσ νήσου ἐάσασ ἀφύλακτα καὶ οὐδὲ χάρακα βαλόμενοσ ἐκοιμᾶτο. δὲ ἐπιγνοὺσ ὁ Ὀρόβιοσ στρατηγὸσ Ῥωμαίων καὶ φυλάσσων τὴν Δῆλον φυλάξασ ἀσέληνον νύκτα καὶ ἐκβιβάσασ τοὺσ ἑαυτοῦ στρατιώτασ, κοιμωμένοισ καὶ μεθύουσιν ἐπιπεσὼν κατέκοψε τοὺσ Ἀθηναίουσ καὶ τοὺσ μετ’ αὐτῶν συστρατευομένουσ ὡσ βοσκήματα, ἑξακοσίουσ τὸν ἀριθμόν, ἐζώγρησε δὲ καὶ περὶ τετρακοσίουσ, καὶ ὁ καλὸσ στρατηγὸσ Ἀπελλικῶν ἔλαθε φυγὼν ἐκ Δήλου, πολλοὺσ δὲ καὶ συμφυγόντασ κατιδὼν ὁ Ὀρόβιοσ εἰσ ἐπαύλεισ συγκατέφλεξεν αὐταῖσ οἰκίαισ καὶ πάντα αὐτῶν τὰ πολιορκητικὰ ὄργανα σὺν τῇ ἑλεπόλει, ἣν εἰσ Δῆλον ἐλθὼν κατεσκευάκει.

στήσασ οὖν τρόπαιον ἐπὶ τῶν τόπων ὁ Ὀρόβιοσ καὶ βωμὸν ἐπέγραψε·

τούσδε θανόντασ ἔχει ξείνουσ τάφοσ, οἳ περὶ Δῆλον μαρνάμενοι ψυχὰσ ὤλεσαν ἐν πελάγει, τὴν ἱερὰν ὅτε νῆσον Ἀθηναῖοι κεράιζον, κοινὸν Ἄρη βασιλεῖ Καππαδόκων θέμενοι.

일치하는 문장이 없습니다.

SEARCH

MENU NAVIGATION