Athenaeus, The Deipnosophists, Book 5, book 5, chapter 58

(아테나이오스, The Deipnosophists, Book 5, book 5, chapter 58)

"ἄθλιοσ ἄρα οὗτοσ ὁ Ἀρχέλαόσ ἐστι κατὰ τὸν σὸν λόγον. "εἴπερ γε, ὦ φίλε, ἄδικοσ. εἶτα ῥητῶσ εἰπὼν ὡσ κατέχοντοσ τὴν Μακεδόνων ἀρχὴν Ἀρχελάου προβὰσ γράφει τάδε · "καὶ Περικλέα τοῦτον τὸν νεωστὶ τετελευτηκότα. εἰ δὲ νεωστὶ τετελεύτηκε Περικλῆσ, Ἀρχέλαοσ οὔπω κύριόσ ἐστι τῆσ ἀρχῆσ εἰ δ’ οὗτοσ βασιλεύει, πρὸ πολλοῦ πάνυ χρόνου ἀπέθανε Περικλῆσ. Περδίκκασ τοίνυν πρὸ Ἀρχελάου βασιλεύει, ὡσ μὲν ὁ Ἀκάνθιόσ φησιν Νικομήδησ, ἔτη μα’, Θεόπομποσ δὲ λε’, Ἀναξιμένησ μ’, Ιἑρώνυμοσ κη’, Μαρσύασ δὲ καὶ Φιλόχοροσ κγ’. τούτων οὖν διαφόρωσ ἱστορουμένων λάβωμεν τὸν ἐλάχιστον ἀριθμὸν τὰ κγ’ ἔτη. Περικλῆσ δ’ ἀποθνῄσκει κατὰ τὸ τρίτον ἔτοσ τοῦ Πελοποννησιακοῦ πολέμου ἄρχοντοσ Ἐπαμείνονοσ, ἐφ’ οὗ τελευτᾷ . . ,1 Περδίκκασ καὶ τὴν βασιλείαν Ἀρχέλαοσ διαδέχεται. πῶσ οὖν νεωστὶ κατὰ Πλάτωνα τελευτᾷ Περικλῆσ; ἐν δὲ τῷ αὐτῷ Γοργίᾳ ὁ Πλάτων τὸν Σωκράτη ποιεῖ λέγοντα· "καὶ πέρυσιν βουλεύειν λαχών, ἐπειδὴ ἡ φυλὴ ἐπρυτάνευε καὶ ἔδει με ἐπιψηφίζειν, γέλωτα παρεῖχον καὶ οὐκ ἠδυνάμην ἐπιψηφίσαι.

τοῦτο ὁ Σωκράτησ οὐ κατὰ ἀδυναμίαν ἐποίησεν, ἀλλὰ μᾶλλον κατὰ ἀνδραγαθίαν· οὐ γὰρ ἠβούλετο λύειν δημοκρατίασ νόμουσ, παρίστησι δὲ τοῦτο σαφῶσ ὁ Ξενοφῶν ἐν πρώτῳ Ἑλληνικῶν ἐκτιθεὶσ οὕτωσ· "τῶν δὲ πρυτάνεών τινων οὐ φασκόντων προθήσειν τὴν διαψήφισιν παρὰ τοὺσ νόμουσ, αὖθισ Καλλίξεινοσ ἀναβὰσ κατηγόρει αὐτῶν. οἱ δὲ ἐβόων καλεῖν τοὺσ οὐ φάσκοντασ· "οἱ δὲ πρυτάνεισ φοβηθέντεσ ὡμολόγουν ἅπαντεσ προθήσειν πλὴν Σωκράτουσ τοῦ Σωφρονίσκου. "οὗτοσ δὲ οὐκ ἔφη, ἀλλὰ κατὰ τοὺσ νόμουσ πάντα ποιήσειν. οὗτόσ ἐστιν ὁ διαψηφισμὸσ ὁ γενόμενοσ κατὰ τῶν περὶ Ἐρασινίδην στρατηγῶν, ὅτι τοὺσ ἐν Ἀργινούσσαισ ἐν τῇ ναυμαχίᾳ ἀπολομένουσ οὐκ ἀνείλοντο.

ἐγένετο δὲ ἡ ναυμαχία ἐπὶ ἄρχοντοσ Καλλίου, τῆσ Περικλέουσ τελευτῆσ ὕστερον ἔτεσιν εἴκοσι καὶ τέτταρσιν.

일치하는 문장이 없습니다.

SEARCH

MENU NAVIGATION