헬라어 문장 검색 - ΑτηενάΤηεΔειπ

(아테나이오스, The Deipnosophists, Book 5, book 5, chapter 61)

ἀλλὰ μὴν οὐδ’ ὧν ὁ Πλάτων εἴρηκε περὶ Σωκράτουσ τῶν κωμικῶν τισ εἴρηκεν, οὔθ’ ὅτι μαίασ βλοσυρᾶσ υἱὸσ ἦν οὔθ’ ὅτι Ξανθίππη χαλεπὴ ἦν γυνή, ἥτισ καὶ νιπτῆρασ αὐτοῦ κατέχει τῆσ κεφαλῆσ, οὔθ’ ὡσ Ἀλκιβιάδῃ συνεκοιμήθη ὑπὸ τὴν αὐτὴν γενόμενοσ χλαῖναν. καίτοι ἀναγκαῖον ἦν τοῦτο ἐκκωδωνισθῆναι ὑπὸ Ἀριστοφάνουσ τοῦ καὶ ἐν τῷ συμποσίῳ συμπαρόντοσ κατὰ Πλάτωνα· οὐ γὰρ ἂν ἐσίγησε τοῦτ’ Ἀριστοφάνησ. . ,3 ὡσ τοὺσ νέουσ διαφθείροντοσ. Ἀσπασία μέντοι ἡ σοφὴ τοῦ Σωκράτουσ διδάσκαλοσ τῶν ῥητορικῶν λόγων ἐν τοῖσ φερομένοισ ὡσ αὐτῆσ ἔπεσιν, ἅπερ Ἡρόδικοσ ὁ Κρατήτειοσ παρέθετο, φησὶν οὕτωσ· Σώκρατεσ, οὐκ ἔλαθέσ με πόθῳ δηχθεὶσ φρένα τὴν σὴν παιδὸσ Δεινομάχησ καὶ Κλεινίου.

ἀλλ’ ὑπάκουσον, εἰ βούλει σοι ἔχειν εὖ παιδικά· μηδ’ ἀπιθήσῃσ ἀγγέλῳ, ἀλλὰ πιθοῦ καί σοι πολὺ βέλτιον ἔσται. κἀγὼ ὅπωσ ἤκουσα, χαρᾶσ ὕπο σῶμα λιπάνθη ἱδρῶτι, βλεφάρων δὲ γόοσ πέσεν οὐκ ἀθελήτῳ. στέλλου πλησάμενοσ θυμὸν Μούσησ κατόχοιο, ᾗ τόνδ’ αἱρήσεισ, ὠσὶν δ’ ἐνίει ποθέουσιν. ἀμφοῖν γὰρ φιλίασ ἥδ’ ἀρχή τῇδε καθέξεισ αὐτόν, προσβάλλων ἀκοαῖσ ὀπτήρια θυμοῦ.

κυνηγεῖ οὖν ὁ καλὸσ Σωκράτησ ἐρωτοδιδάσκαλον ἔχων τὴν Μιλησίαν, ἀλλ’ οὐκ αὐτὸσ θηρεύεται, ὡσ ὁ Πλάτων ἔφη, λινοστατούμενοσ ὑπὸ Ἀλκιβιάδου. καὶ μὴν οὐ διαλείπει γε κλαίων ὡσ ἄν, οἶμαι, δυσημερῶν.

ἰδοῦσα γὰρ αὐτὸν ἐν οἱῴ ἦν καταστήματι Ἀσπασία φησίν τίπτε δεδάκρυσαι, φίλε Σώκρατεσ; ἦ σ1’ ἀνακινεῖ στέρνοισ ἐνναίων σκηπτὸσ πόθοσ ὄμμασι θραυσθεὶσ παιδὸσ ἀνικήτου, τὸν ἐγὼ τιθασόν σοι ὑπέστην ποιῆσαι; ὅτι δὲ ὄντωσ ἤρα τοῦ Ἀλκιβιάδου δῆλον ποιεῖ Πλάτων ἐν τῷ Πρωταγόρᾳ, καίτοι μικρὸν ἀπολείποντοσ τῶν τριάκοντα ἐτῶν. "πόθεν, ὦ Σώκρατεσ, φαίνει;

"ἢ δηλαδὴ ἀπὸ κυνηγεσίου τοῦ περὶ τὴν Ἀλκιβιάδου ὡρ́αν; "καὶ μήν μοι καὶ πρώην ἰδόντι καλὸσ ἐφαίνετο ὁ ἀνήρ ἔτι ἀνήρ μέντοι, ὦ Σώκρατεσ, ὥσ γε ἐν ἡμῖν αὐτοῖσ εἰρῆσθαι, καὶ πώγωνοσ ἤδη ὑποπιμπλάμενοσ . εἶτα τί δὴ τοῦτ’; "οὐ σὺ μέντοι Ὁμήρου ἐπαινέτησ εἶ, ὃσ ἔφη χαριεστάτην ἥβην εἶναι τοῦ ὑπηνήτου, ἣν νῦν Ἀλκιβιάδησ αὐτὸσ ἔχει;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 5, book 5, chapter 61

(아테나이오스, The Deipnosophists, Book 5, book 5, chapter 61)

상위

목록

SEARCH

MENU NAVIGATION