헬라어 문장 검색 - ΑτηενάΤηεΔειπ

(아테나이오스, The Deipnosophists, Book 5, book 5, chapter 59)

ἀλλὰ μὴν καὶ ὁ ἐν τῷ Πρωταγόρᾳ διάλογοσ, μετὰ τὴν Ἱππονίκου τελευτὴν γενόμενοσ παρειληφότοσ ἤδη τὴν οὐσίαν Καλλίου, τοῦ Πρωταγόρου μέμνηται παραγεγονότοσ τὸ δεύτερον οὐ πολλαῖσ πρότερον ἡμέραισ. ὁ δ’ Ἱππόνικοσ ἐπὶ μὲν Εὐθυδήμου ἄρχοντοσ στρατηγῶν παρατέτακται μετὰ Νικίου πρὸσ Ταναγραίουσ καὶ τοὺσ παραβοηθοῦντασ Βοιωτῶν καὶ τῇ μάχῃ νενίκηκε. τέθνηκε δὲ πρὸ τῆσ ἐπ’ Ἀλκαίου διδασκαλίασ τῶν Εὐπόλιδοσ Κολάκων οὐ πολλῷ χρόνῳ κατὰ τὸ εἰκόσ, πρόσφατον γάρ τινα τοῦ Καλλίου τὴν παράληψιν τῆσ οὐσίασ ἐμφαίνει τὸ δρᾶμα. ἐν οὖν τούτῳ τῷ δράματι Εὔπολισ τὸν Πρωταγόραν ὡσ ἐπιδημοῦντα εἰσάγει, Ἀμειψίασ δ’ ἐν τῷ Κόννῳ δύο πρότερον ἔτεσιν διδαχθέντι οὐ καταριθμεῖ αὐτὸν ἐν τῷ τῶν φροντιστῶν χορῷ. δῆλον οὖν ὡσ μεταξὺ τούτων τῶν χρόνων παραγέγονεν. ὁ δὲ Πλάτων καὶ τὸν Ἠλεῖον Ἱππίαν συμπαρόντα ποιεῖ ἐν τῷ Πρωταγόρᾳ μετά τινων ἰδίων πολιτῶν, οὓσ οὐκ εἰκὸσ ἐν Ἀθήναισ ἀσφαλῶσ διατρίβειν πρὸ τοῦ τὰσ ἐνιαυσίασ ἐπὶ Ἰσάρχου Ἐλαφηβολιῶνοσ συντελεσθῆναι σπονδάσ. "εἰ γὰρ εἰε͂ν ἄνθρωποι ἄγριοι οἱούσ πέρυσι Φερεκράτησ ὁ ποιητὴσ ἐδίδαξεν ἐπὶ Ληναίῳ.

ἐδιδάχθησαν δὲ οἱ Ἄγριοι ἐπ’ Ἀριστίωνοσ ἄρχοντοσ, ἀφ’ οὗ ἐστιν ἄρχων Ἀστύφιλοσ, πέμπτοσ ὢν ἀπὸ Ἰσάρχου, καθ’ ὃν αἱ σπονδαὶ ἐγένοντο. Ἴσαρχοσ γάρ, εἶτ’ Ἀμεινίασ, μεθ’ ὃν Ἀλκαῖοσ, εἶτ’ ’ Ἀριστίων, εἶτ’ Ἀστύφιλοσ. παρὰ τὴν ἱστορίαν οὖν ὁ Πλάτων ἐν τῷ διαλόγῳ εἰσ τὰσ Ἀθήνασ παράγει πολεμίουσ ὄντασ τοὺσ περὶ τὸν Ἱππίαν, μὴ τῆσ ἐκεχειρίασ αὐτῆσ μενούσησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 5, book 5, chapter 59

(아테나이오스, The Deipnosophists, Book 5, book 5, chapter 59)

상위

목록

SEARCH

MENU NAVIGATION