헬라어 문장 검색 - ΑτηενάΤηεΔειπ

(아테나이오스, The Deipnosophists, Book 5, book 5, chapter 56)

καθάπερ οὐδ’ ὁ καλὸσ Ξενοφῶν, ὃσ ἐν τῷ Συμποσίῳ ὑποτίθεται Καλλίαν τὸν Ἱππονίκου Αὐτολύκου τοῦ Λύκωνοσ ἐρῶντα καὶ νενικηκότοσ αὐτοῦ παγκράτιον ἑστίασιν ποιούμενον καὶ σὺν τοῖσ ἄλλοισ δαιτυμόσι παρόντα αὑτὸν τὸν ἴσωσ μηδὲ γεννηθέντα ἢ περὶ τὴν παιδικὴν ἡλικίαν ὑπάρχοντα, ἐστὶν δὲ οὗτοσ ὁ καιρὸσ καθ’ ὃν Ἀριστίων ἄρχων ἦν. ἐπὶ τούτου γὰρ Εὔπολισ τὸν Αὐτόλυκον διδάξασ διὰ Δημοστράτου χλευάζει τὴν νίκην τοῦ Αὐτολύκου. πάλιν ὁ Ξενοφῶν ποιεῖ τὸν Σωκράτην λέγοντα ἐν τῷ Συμποσίῳ ταυτί·

καίτοι Παυσανίασ γε ὁ Ἀγάθωνοσ τοῦ ποιητοῦ ἐραστὴσ ἀπολογούμενοσ ὑπὲρ τῶν ἀκρασίᾳ συγκαλινδουμένων εἴρηκεν ὡσ καὶ στράτευμα ἀλκιμώτατον ἄν γένοιτο ἐκ παιδικῶν καὶ ἐραστῶν, τούτουσ γὰρ ἂν ἔφη οἰέσθαι μάλιστα ἂν αἰδεῖσθαι ἀλλήλουσ ἀπολιπεῖν, θαυμαστὰ λέγων, εἴ γε οἱ ψόγου τε ἀφροντιστεῖν καὶ ἀναισχυντεῖν πρὸσ ἀλλήλουσ ἐθιζόμενοι οὗτοι μάλιστ’ αἰσχύνονται αἰσχρόν τι ποιεῖν. ὅτι μὲν οὖν τούτων οὐδὲν εἴρηκεν Παυσανίασ ἔξεστι μαθεῖν ἐκ τοῦ Πλάτωνοσ Συμποσίου. Παυσανίου γὰρ οὐκ οἶδα σύγγραμμα, οὐδ’ εἰσῆκται παρ’ ἄλλῳ λαλῶν οὗτοσ περὶ χρήσεωσ ἐραστῶν καὶ παιδικῶν ἢ παρὰ Πλάτωνι·

πλὴν εἴτε κατέψευσται τοῦτο Ξενοφῶν εἴτ’ ἄλλωσ γεγραμμένῳ τῷ Πλάτωνοσ ἐνέτυχε Συμποσίῳ, παρείσθω · τὸ δὲ κατὰ τοὺσ χρόνουσ ἀστόχημα λεκτέον. Ἀριστίων, ἐφ’ οὗ τὸ συμπόσιον ὑπόκειται συνηγμένον, πρὸ τεσσάρων ἐτῶν Εὐφήμου πρότεροσ ἦρξεν, καθ’ ὃν Πλάτων τὰ Ἀγάθωνοσ νικητήρια γέγραφεν, ἐν οἷσ Παυσανίασ τὰ περὶ τῶν ἐρωτικῶν διεξέρχεται. θαυμαστὸν οὖν καὶ τερατῶδεσ, εἰ τὰ μήπω ῥηθέντα, μετὰ δὲ τέτταρα ἔτη ἐπιχειρηθέντα παρ’ Ἀγάθωνι Σωκράτησ παρὰ Καλλίᾳ δειπνῶν εὐθύνει ὡσ οὐ δεόντωσ ῥηθέντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 5, book 5, chapter 56

(아테나이오스, The Deipnosophists, Book 5, book 5, chapter 56)

상위

목록

SEARCH

MENU NAVIGATION