헬라어 문장 검색 - ΑτηενάΤηεΔειπ

(아테나이오스, The Deipnosophists, Book 5, book 5, chapter 46)

εἰπόντεσ οὖν περὶ ἐγγυθήκησ ἑξῆσ πάλιν μνησθησόμεθα φιλοδείπνων βασιλέων, ὁ γὰρ τῷ προειρημένῳ Ἀντιόχῳ ὁμώνυμοσ βασιλεύσ, Δημητρίου δ’ υἱόσ, ὡσ ἱστορεῖ Ποσειδώνιοσ, ὑποδοχὰσ ποιούμενοσ καθ’ ἡμέραν ὀχλικὰσ χωρὶσ τῶν ἀναλισκομένων σωρευμάτων ἑκάστῳ ἀποφέρειν ἐδίδου τῶν ἑστιατόρων ὁλομελῆ κρέα χερσαίων τε καὶ πτηνῶν καὶ θαλαττίων ζῴων ἀδιαίρετα ἐσκευασμένα, ἅμαξαν πληρῶσαι δυνάμενα· καὶ μετὰ ταῦτα μελιπήκτων καὶ στεφάνων ἐκ σμύρνησ καὶ λιβανωτοῦ σὺν ἀνδρομήκεσι λημνίσκων χρυσῶν πιλήμασι πλήθη, καὶ ἄλλοσ δ’ Ἀντίοχοσ βασιλεὺσ ἐπιτελῶν τοὺσ ἐν Δάφνῃ ἀγῶνασ ἐποιήσατο καὶ αὐτὸσ ὑποδοχὰσ λαμπράσ, ὡσ ὁ αὐτόσ φησι Ποσειδώνιοσ· "τὸ μὲν γὰρ πρῶτον ἀναδόσεισ ἐποιήσατο κατ’ ἄνδρα ὁλομελῶν βρωμάτων, μετὰ δὲ καὶ ζώντων χηνῶν καὶ λαγωῶν καὶ δορκάδων.

"ἀνεδίδοντο δὲ καὶ χρυσοῖ στέφανοι τοῖσ δειπνοῦσι καὶ ἀργυρωμάτων πλῆθοσ καὶ θεραπόντων καὶ ἵππων καὶ καμήλων, καὶ ἔδει ἀναβάντα ἐπὶ τὴν κάμηλον πιεῖν ἕκαστον καὶ λαβεῖν τὴν κάμηλον καὶ τὰ ἐπὶ τὴν κάμηλον καὶ τὸν παρεστῶτα παῖδα. "καὶ οἱ κατὰ τὴν Συρίαν δὲ πάντεσ, φησί, διὰ τὴν τῆσ χώρασ εὐβοσίαν ἀπὸ τῆσ περὶ τἀναγκαῖα κακοπαθείασ συνόδουσ ἔνεμον πλείουσ ἵνα εὐωχοῖντο συνεχῶσ, τοῖσ μὲν γυμνασίοισ ὡσ βαλανείοισ χρώμενοι, ἀλειφόμενοι ἐλαίῳ πολυτελεῖ καὶ μύροισ, τοῖσ δὲ γραμματείοισ ‐ οὕτωσ γὰρ ἐκάλουν τὰ κοινὰ τῶν συνδείπνων ‐ ὡσ οἰκητηρίοισ ἐνδιαιτώμενοι, καὶ τὸ πλεῖον μέροσ τῆσ ἡμέρασ γαστριζόμενοι ἐν αὐτοῖσ οἴνοισ καὶ βρώμασιν, ὥστε καὶ προσαποφέρειν πολλά, καὶ καταυλούμενοι πρὸσ χελωνίδοσ πολυκρότου ψόφουσ, ὥστε τὰσ πόλεισ ὅλασ τοῖσ τοιούτοισ κελάδοισ συνηχεῖσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 5, book 5, chapter 46

(아테나이오스, The Deipnosophists, Book 5, book 5, chapter 46)

상위

목록

SEARCH

MENU NAVIGATION