헬라어 문장 검색 - ΑτηενάΤηεΔειπ

(아테나이오스, The Deipnosophists, Book 5, book 5, chapter 37)

ἐπεὶ δὲ περὶ νεῶν κατασκευῆσ εἰρήκαμεν, φέρ’ εἴπωμεν ἀκοῆσ γάρ ἐστιν ἄξια καὶ τὰ ὑπὸ τοῦ Φιλοπάτοροσ βασιλέωσ κατεσκευασμένα σκάφη. "τὴν τεσσαρακοντήρη ναῦν κατεσκεύασεν ὁ Φιλοπάτωρ τὸ μῆκοσ ἔχουσαν διακοσίων ὀγδοήκοντα πηχῶν, ὀκτὼ δὲ καὶ τριάκοντα ἀπὸ παρόδου ἐπὶ πάροδον, ὕψοσ δὲ ἑώσ ἀκροστολίου τεσσαράκοντα ὀκτὼ πηχῶν, ἀπὸ δὲ τῶν πρυμνητικῶν ἀφλάστων ἐπὶ τὸ πρὸσ τῇ θαλάσσῃ μέροσ αὐτῆσ τρεῖσ πρὸσ τοῖσ πεντήκοντα πήχεισ, πηδάλια δ’ εἶχε τέτταρα τριακονταπήχη, κώπασ δὲ θρανιτικὰσ ὀκτὼ καὶ τριάκοντα πηχῶν τὰσ μεγίστασ, αἳ διὰ τὸ μόλυβδον ἔχειν ἐν τοῖσ ἐγχειριδίοισ καὶ γεγονέναι λίαν εἴσω βαρεῖαι κατὰ τὴν ζύγωσιν εὐήρεισ ὑπῆρχον ἐπὶ τῆσ χρείασ, δίπρῳροσ δ’ ἐγεγόνει καὶ δίπρυμνοσ καὶ ἔμβολα εἶχεν ἑπτά· "τούτων ἓν μὲν ἡγούμενον, τὰ δ’ ὑποστέλλοντα, τινὰ δὲ κατὰ τὰσ ἐπωτίδασ. "ὑποζώματα δὲ ἐλάμβανε δώδεκα· "ἑξακοσίων δ’ ἦν ἕκαστον πηχῶν, εὔρυθμοσ δ’ ἦν καθ’ ὑπερβολήν. θαυμαστὸσ δ’ ἦν καὶ ὁ ἄλλοσ κόσμοσ τῆσ νεώσ· "ζῷα μὲν γὰρ εἶχεν οὐκ ἐλάττω δώδεκα πηχῶν κατὰ πρύμναν τε καὶ κατὰ πρῷραν, καὶ πᾶσ τόποσ αὐτῆσ κηρογραφίᾳ κατεπεποίκιλτο, τὸ δ’ ἔγκωπον ἅπαν μέχρι τῆσ τρόπεωσ κισσίνην φυλλάδα καὶ θύρσουσ εἶχε πέριξ, πολὺσ δ’ ἦν καὶ ὁ τῶν ὅπλων κόσμοσ, ἀνεπλήρου δὲ πάντα τὰ προσδεόμενα τῆσ νεὼσ μέρη. "γενομένησ δὲ ἀναπείρασ ἐδέξατο ἐρέτασ πλείουσ τῶν τετρακισχιλίων, εἰσ δὲ τὰσ ὑπηρεσίασ τετρακοσίουσ · "εἰσ δὲ τὸ κατάστρωμα ἐπιβάτασ τρισχιλίουσ ἀποδέοντασ ἑκατὸν καὶ πεντήκοντα· "καὶ χωρὶσ ὑπὸ τὰ ζύγια πλῆθοσ ἀνθρώπων ἕτερον ἐπισιτισμοῦ, τε οὐκ ὀλίγον. "καθειλκύσθη δὲ τὴν μὲν ἀρχὴν ἀπὸ ἐσχαρίου τινόσ, ὅ φασι παγῆναι πεντήκοντα πλοίων πεντηρικῶν ξυλείᾳ, ὑπὸ δὲ ὄχλου μετὰ βοῆσ καὶ σαλπίγγων κατήγετο. "ὕστερον δὲ τῶν ἀπὸ Φοινίκησ τισ ἐπενόησε τὴν καθολκήν, τάφρον ὑποστησάμενοσ ἴσην τῇ νηὶ κατὰ μῆκοσ, ἣν πλησίον τοῦ λιμένοσ ὤρυξε. "ταύτῃ δὲ τοὺσ θεμελίουσ κατῳκοδόμησε λίθῳ στερεῷ πρὸσ πέντε πήχεισ τὸ βάθοσ, καὶ διὰ τούτων φάλαγγασ ἐπικαρσίασ κατὰ πλάτοσ τῆσ τάφρου διώσασ συνεχεῖσ τετράπηχυν εἰσ βάθοσ τόπον ἀπολειπούσασ. "καὶ ποιήσασ εἴσρουν ἀπὸ τῆσ θαλάσσησ ἐνέπλησεν αὐτῆσ πάντα τὸν ὀρυχθέντα τόπον, εἰσ ὃν ῥᾳδίωσ ὑπὸ τῶν τυχόντων ἀνδρῶν εἰσήγαγε τὴν ναῦν. . ,1 τὸ ἀνοιχθὲν κατ’ ἀρχὰσ ἐμφράξαντασ μετεξαντλῆσαι πάλιν τὴν θάλασσαν ὀργάνοισ. "τούτου δὲ γενομένου ἑδρασθῆναι τὸ πλοῖον ἀσφαλῶσ ἐπὶ τῶν προειρημένων φαλάγγων. "κατεσκεύασεν δ’ ὁ Φιλοπάτωρ καὶ ποτάμιον πλοῖον, τὴν θαλαμηγὸν καλουμένην, τὸ μῆκοσ ἔχουσαν ἡμισταδίου, τὸ δὲ εὖροσ ᾗ πλατύτατον λ’ πηχῶν τὸ δὲ ὕψοσ σὺν τῷ τῆσ σκηνῆσ ἀναστήματι μικρὸν ἀπέδει τεσσαράκοντα πηχῶν, τὸ δὲ σχῆμα αὐτῆσ οὔτε ταῖσ μακραῖσ ναυσὶν οὔτε ταῖσ στρογγύλαισ ἐοικόσ, ἀλλὰ παρηλλαγμένον τι καὶ πρὸσ τὴν χρείαν τοῦ ποταμοῦ τὸ βάθοσ, κάτωθεν μὲν γὰρ ἁλιτενὴσ καὶ πλατεῖα, τῷ δ’ ὄγκῳ μετέωροσ τὰ δ’ ἐπὶ τῶν ἄκρων αὐτῆσ μέρη καὶ μάλιστα τὰ κατὰ πρῷραν παρέτεινεν ἐφ’ ἱκανόν, τῆσ ἀνακλάσεωσ εὐγράμμου φαινομένησ, δίπρῳροσ δ’ ἐγεγόνει καὶ δίπρυμνοσ καὶ πρὸσ ὕψοσ ἀνέτεινε διὰ τὸ μετέωρον ἄγαν ἵστασθαι πολλάκισ ἐν τῷ ποταμῷ τὸ κῦμα. "κατεσκεύαστο δ’ αὐτῆσ κατὰ μὲν μέσον τὸ κύτοσ τὰ συμπόσια καὶ οἱ κοιτῶνεσ καὶ τὰ λοιπὰ τὰ πρὸσ τὴν διαγωγὴν χρηστήρια. "πέριξ δὲ τῆσ νεὼσ περίπατοι κατὰ τὰσ τρεῖσ πλευρὰσ ἐγεγόνεσαν διπλοῖ. ὧν ἡ μὲν περίμετροσ ἦν πέντε πλέθρων οὐκ ἐλάττων, ἡ δὲ διάθεσισ τοῦ μὲν καταγείου περιστύλῳ παραπλήσιοσ, τοῦ δ’ ὑπερῴου κρύπτῃ φραγμοῖσ καὶ θυρίσι περιεχομένῃ πάντοθεν. "πρῶτον δ’ εἰσιόντι κατὰ πρύμναν ἐτέτακτο προστὰσ ἐξ ἐναντίου μὲν ἀναπεπταμένη, κύκλῳ δὲ περίπτεροσ· "ἧσ ἐν τῷ καταντικρὺ τῆσ πρῴρασ μέρει προπύλαιον κατεσκεύαστο δι’ ἐλέφαντοσ καὶ τῆσ πολυτελεστάτησ ὕλησ γεγονόσ, τοῦτο δὲ διελθοῦσιν ὡσανεὶ προσκήνιον ἐπεποίητο τῇ διαθέσει κατάστεγον ὄν. ᾧ πάλιν ὁμοίωσ κατὰ μὲν τὴν μέσην πλευρὰν προστὰσ ἑτέρα παρέκειτο ὄπισθεν, καὶ τετράθυροσ ἔφερεν εἰσ αὐτὴν πυλών, ἐξ ἀριστερῶν δὲ καὶ δεξιῶν θυρίδεσ ὑπέκειντο εὐάειαν παρέχουσαι. "συνῆπτο δὲ τούτοισ ὁ μέγιστοσ οἶκοσ· "περίπτεροσ δ’ ἦν εἴκοσι κλίνασ ἐπιδεχόμενοσ, κατεσκεύαστο δ’ αὐτοῦ τὰ μὲν πλεῖστα ἀπὸ κέδρου σχιστῆσ καὶ κυπαρίσσου Μιλησίασ· "αἱ δὲ τῆσ περιστάσεωσ θύραι τὸν ἀριθμὸν εἴκοσι οὖσαι θυίναισ κατεκεκόλληντο σανίσιν, ἐλεφαντίνουσ ἔχουσαι τοὺσ κόσμουσ, ἡ δ’ ἐνήλωσισ ἡ κατὰ πρόσωπον αὐτῶν καὶ τὰ ῥόπτρα ἐξ ἐρυθροῦ γεγονότα χαλκοῦ τὴν χρύσωσιν ἐκ πυρὸσ εἰλήφει. "τῶν δὲ κιόνων τὰ μὲν σώματα ἦν κυπαρίσσινα, αἱ δὲ κεφαλαὶ Κορινθιουργεῖσ, ἐλέφαντι καὶ χρυσῷ διακεκοσμημέναι, τὸ δὲ ἐπιστύλιον ἐκ χρυσοῦ τὸ ὅλον ἐφ’ οὗ διάζωσμα ἐφήρμοστο περιφανῆ ζῴδια ἔχον ἐλεφάντινα μείζω πηχυαίων, τῇ μὲν τέχνῃ μέτρια, τῇ χορηγίᾳ δὲ ἀξιοθαύμαστα, ἐπέκειτο δὲ καὶ στέγη καλὴ τῷ συμποσίῳ τετράγωνοσ κυπαρισσίνη· "γλυπτοὶ δ’ αὐτῆσ ἦσαν οἱ κόσμοι, χρυσῆν ἔχοντεσ τὴν ἐπιφάνειαν. "παρέκειτο δὲ τῷ συμποσίῳ τούτῳ καὶ κοιτὼν ἑπτάκλινοσ ᾧ συνῆπτο στενὴ σῦριγξ, κατὰ πλάτοσ τοῦ κύτουσ χωρίζουσα τὴν γυναικωνῖτιν. "ἐν δὲ ταύτῃ συμπόσιον ἐννεάκλινον ἦν, παραπλήσιον τῇ πολυτελείᾳ τῷ μεγάλῳ, καὶ κοιτὼν πεντάκλινοσ. "καὶ τὰ μὲν ἄχρι τῆσ πρώτησ στέγησ κατεσκευασμένα τοιαῦτ’ ἦν, ἀναβάντων δὲ τὰσ παρακειμένασ πλησίον τῷ προειρημένῳ κοιτῶνι κλίμακασ οἶκοσ ἦν ἄλλοσ πεντάκλινοσ ὀρόφωμα ῥομβωτὸν ἔχων καὶ πλησίον αὐτοῦ ναὸσ Ἀφροδίτησ θολοειδήσ, ἐν ᾧ μαρμάρινον ἄγαλμα τῆσ θεοῦ. κατεναντίον δὲ τούτου ἄλλο συμπόσιον πολυτελὲσ περίπτερον οἱ γὰρ κίονεσ αὐτοῦ ἐκ λίθων Ἰνδικῶν συνέκειντο. "παρὰ δὲ καὶ τούτῳ τῷ συμποσίῳ κοιτῶνεσ, ἀκόλουθον τὴν κατασκευὴν τοῖσ προδεδηλωμένοισ ἔχοντεσ, προάγοντι δὲ ἐπὶ τὴν πρῷραν οἶκοσ ὑπέκειτο Βακχικὸσ τρισκαιδεκάκλινοσ περίπτεροσ, ἐπίχρυσον ἔχων τὸ γεῖσον ἑώσ τοῦ περιτρέχοντασ ἐπιστυλίου· "στέγη δὲ τῆσ τοῦ θεοῦ διαθέσεωσ οἰκεία, ἐν δὲ τούτῳ κατὰ μὲν τὴν δεξιὰν πλευρὰν ἄντρον κατεσκεύαστο, οὗ χρῶμα μὲν ἦν ἔχον τὴν πετροποιίαν ἐκ λίθων ἀληθινῶν καὶ χρυσοῦ δεδημιουργημένην ἵδρυτο δ’ ἐν αὐτῷ τῆσ τῶν βασιλέων συγγενείασ ἀγάλματα εἰκονικὰ λίθου λυχνέωσ. "ἐπιτερπὲσ δ’ ἱκανῶσ καὶ ἄλλο συμπόσιον ἦν ἐπὶ τῇ τοῦ μεγίστου οἴκου στέγῃ κείμενον, σκηνῆσ ἔχον τάξιν ᾧ στέγη μὲν οὐκ ἐπῆν, διατόναια δὲ τοξοειδῆ διὰ ποσοῦ τινοσ ἐνετέτατο διαστήματοσ, ἐφ’ ὧν αὐλαῖαι κατὰ τὸν ἀνάπλουν ἁλουργεῖσ ἐνεπετάννυντο. "μετὰ δὲ τοῦτο αἴθριον ἐξεδέχετο τὴν ἐπάνω τῆσ ὑποκειμένησ προστάδοσ τάξιν κατέχον ᾧ κλῖμάξ τε ἑλικτὴ φέρουσα πρὸσ τὸν κρυπτὸν περίπατον παρέκειτο καὶ συμπόσιον ἐννεάκλινον, τῇ διαθέσει τῆσ κατασκευῆσ Αἰγύπτιον. "οἱ γὰρ γεγονότεσ αὐτόθι κίονεσ ἀνήγοντο στρογγύλοι, διαλλάττοντεσ τοῖσ σπονδύλοισ, τοῦ μὲν μέλανοσ, τοῦ δὲ λευκοῦ παράλληλα τιθεμένων. "εἰσὶ δ’ αὐτῶν καὶ αἱ κεφαλαὶ τῷ σχήματι περιφερεῖσ, ὧν ἡ μὲν ὅλη περιγραφὴ παραπλησία ῥόδοισ ἐπὶ μικρὸν ἀναπεπταμένοισ ἐστίν, περὶ δὲ τὸν προσαγορευόμενον κάλαθον οὐχ ἕλικεσ, καθάπερ ἐπὶ τῶν Ἑλληνικῶν, καὶ φύλλα τραχέα περίκειται, λωτῶν δὲ ποταμίων κάλυκεσ καὶ φοινίκων ἀρτιβλάστων καρπὸσ · "ἔστι δ’ ὅτε καὶ πλειόνων ἄλλων ἀνθέων γέγλυπται γένη. "τὸ δ’ ὑπὸ τὴν ῥίζαν, ὃ δὴ τῷ συνάπτοντι πρὸσ τὴν κεφαλὴν ἐπίκειται σπονδύλῳ, κιβωρίων ἄνθεσι καὶ φύλλοισ ὡσανεὶ καταπεπλεγμένοισ ὁμοίαν εἶχε τὴν διάθεσιν. "τοὺσ μὲν οὖν κίονασ οὕτωσ Αἰγύπτιοι κατασκευάζουσι· "καὶ τοὺσ τοίχουσ δὲ λευκαῖσ καὶ μελαίναισ διαποικίλλουσι πλινθίσιν, ἐνίοτε δὲ καὶ τοῖσ ἀπὸ τῆσ ἀλαβαστίτιδοσ προσαγορευομένησ πέτρασ, πολλὰ δὲ καὶ ἕτερα κατὰ μέσον τῆσ νεὼσ τὸ κύτοσ ἐν κοίλῃ καὶ κατὰ πᾶν αὐτῆσ μέροσ οἰκήματα ἦν. ὁ δὲ ἱστὸσ ἦν αὐτῆσ ἑβδομήκοντα πηχῶν, βύσσινον ἔχων ἱστίον ἁλουργεῖ παρασείῳ κεκοσμημένον. τοσοῦτον χρόνον φυλαχθεὶσ κατελύθη ὑπὸ τοῦ τελευταίου Πτολεμαίου τοῦ καὶ τὸν Γαβινιακὸν συστησαμένου πόλεμον, οὐκ ἀνδρὸσ γενομένου ἀλλ’ αὐλητοῦ καὶ μάγου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 5, book 5, chapter 37

(아테나이오스, The Deipnosophists, Book 5, book 5, chapter 37)

상위

목록

SEARCH

MENU NAVIGATION