호흡부호 보기
강세부호 보기
장단부호 보기
작은 Iota 보기
모든 부호 보기
ποία,4 ἄνδρεσ δαιτυμόνεσ, βασιλεία οὕτωσ γέγονε πολύχρυσοσ; οὐ γὰρ τὰ ἐκ Περσῶν καὶ Βαβυλῶνοσ λαβοῦσα χρήματα ἢ μέταλλα ἐργασαμένη ἢ Πακτωλὸν ἔχουσα χρυσοῦ ψῆγμα καταφέροντα. μόνοσ γὰρ ὡσ ἀληθῶσ ὁ χρυσορόασ καλούμενοσ Νεῖλοσ μετὰ τροφῶν ἀφθόνων καὶ χρυσὸν ἀκίβδηλον καταφέρει ἀκινδύνωσ γεωργούμενον, ὡσ πᾶσιν ἐξαρκεῖν ἀνθρώποισ, δίκην Τριπτολέμου πεμπόμενον εἰσ πᾶσαν γῆν. "Αἰγύπτιε Ζεῦ, φησί, Νεῖλε. πολλῶν δὲ ὁ Φιλάδελφοσ βασιλέων πλούτῳ διέφερε καὶ περὶ πάντα ἐσπουδάκει τὰ κατασκευάσματα φιλοτίμωσ, ὥστε καὶ πλοίων πλήθει πάντασ ὑπερέβαλλεν. τὰ γοῦν μέγιστα τῶν πλοίων ἦν παρ’ αὐτῷ τριακοντήρεισ δύο, εἰκοσήρησ μία, τέσσαρεσ δὲ τρισκαιδεκήρεισ, δωδεκήρεισ δύο, ἑνδεκήρεισ δεκατέσσαρεσ, ἐννήρεισ λ’, ἑπτήρεισ λζ’, ἑξήρεισ ε’, πεντήρεισ δεκαεπτά·
τὰ δ’ ἀπὸ τετρήρουσ μέχρι τριηρημιολίασ διπλάσια τούτων, τὰ δ’. , περὶ δὲ βιβλίων πλήθουσ καὶ βιβλιοθηκῶν κατασκευῆσ καὶ τῆσ εἰσ τὸ Μουσεῖον συναγωγῆσ τί δεῖ καὶ λέγειν, πᾶσι τούτων ὄντων κατὰ μνήμην;
호흡부호 보기
강세부호 보기
장단부호 보기
작은 Iota 보기
모든 부호 보기