헬라어 문장 검색 - ΑτηενάΤηεΔειπ

(아테나이오스, The Deipnosophists, Book 5, book 5, chapter 31)

"τὴν τετράκυκλον, μῆκοσ οὖσαν πηχῶν εἴκοσι δύο, πλάτοσ δεκατεσσάρων, ὑπὸ ἀνδρῶν ἑλκομένην πεντακοσίων ἐφ’ ἧσ ἄντρον ἦν βαθὺ καθ’ ὑπερβολὴν κισσῷ καὶ μίλῳ. ἐκ τούτου περιστεραὶ καὶ φάσσαι καὶ τρυγόνεσ καθ’ ὅλην ἐξίπταντο τὴν ὁδόν, λημνίσκοισ τοὺσ πόδασ δεδεμέναι πρὸσ τὸ ῥᾳδίωσ ὑπὸ τῶν θεωμένων ἁρπάζεσθαι. "ἀνέβλυζον δὲ ἐξ αὐτοῦ καὶ κρουνοὶ δύο, ὁ μὲν γάλακτοσ, ὁ δὲ οἴνου, πᾶσαι δ’ αἱ περὶ αὐτὸν Νύμφαι στεφάνουσ εἶχον χρυσοῦσ, ὁ δὲ Ἑρμῆσ καὶ κηρύκειον χρυσοῦν, ἐσθῆτασ δὲ πολυτελεῖσ, ἐπὶ δὲ ἄλλησ τετρακύκλου, ἣ περιεῖχε τὴν ἐξ Ἰνδῶν κάθοδον Διονύσου, Διόνυσοσ ἦν δωδεκάπηχυσ ἐπ’ ἐλέφαντοσ κατακείμενοσ, ἠμφιεσμένοσ πορφυρίδα καὶ στέφανον κισσοῦ καὶ ἀμπέλου χρυσοῦν ἔχων εἶχε δ’ ἐν ταῖσ χερσὶ θυρσόλογχον χρυσοῦν, ὑπεδέδετο δ’ ἐμβάδασ χρυσορραφεῖσ. προεκάθητο δ’ αὐτοῦ ἐπὶ τῷ τραχήλῳ τοῦ ἐλέφαντοσ Σατυρίσκοσ πεντάπηχυσ ἐστεφανωμένοσ πίτυοσ στεφάνῳ χρυσῷ, τῇ δεξιᾷ χειρὶ αἰγείῳ κέρατι χρυσῷ σημαίνων, ὁ δὲ ἐλέφασ σκευὴν εἶχε χρυσῆν καὶ περὶ τῷ τραχήλῳ κίσσινον χρυσοῦν στέφανον. "ἠκολούθουν δὲ τούτῳ παιδίσκαι πεντακόσιαι κεκοσμημέναι χιτῶσι πορφυροῖσ, χρυσῷ διεζωσμέναι. "ἐστεφάνωντο δὲ αἱ μὲν ἡγούμεναι ἑκατὸν εἴκοσι χρυσοῖσ πιτυίνοισ στεφάνοισ, ἠκολούθουν δ’ αὐταῖσ Σάτυροι ἑκατὸν εἴκοσι, πανοπλίασ οἱ μὲν χρυσᾶσ, οἱ δὲ ἀργυρᾶσ, οἱ δὲ χαλκᾶσ ἔχοντεσ, μετὰ δὲ τούτουσ ἐπορεύοντο ὄνων ἶλαι πέντε, ἐφ’ ὧν ἦσαν Σιληνοὶ καὶ Σάτυροι ἐστεφανωμένοι. "τῶν δὲ ὄνων οἱ μὲν χρυσᾶσ, οἱ δὲ ἀργυρᾶσ προμετωπίδασ καὶ σκευασίασ εἶχον. "μετὰ δὲ τούτουσ ἐλεφάντων ἁρ́ματα ἀφείθη εἴκοσι τέτταρα καὶ συνωρίδεσ τράγων ἑξήκοντα, κόλων δεκαδύο, ὀρύγων ἑπτά, βουβάλων δεκαπέντε, στρουθῶν συνωρίδεσ ὀκτώ, ὀνελάφων ἑπτά, καὶ συνωρίδεσ δ’ ὄνων ἀγρίων, ἁρ́ματα τέσσαρα, ἐπὶ δὲ πάντων τούτων ἀνεβεβήκει παιδάρια χιτῶνασ ἔχοντα ἡνιοχικοὺσ καὶ πετάσουσ, παρανεβεβήκει δὲ παιδισκάρια διεσκευασμένα πελταρίοισ καὶ θυρσολόγχοισ, κεκοσμημένα ἱματίοισ καὶ χρυσίοισ. "ἐστεφάνωτο δὲ τὰ μὲν ἡνιοχοῦντα παιδάρια πίτυι, τὰ δὲ παιδισκάρια κισσῷ. ἐπῇσαν δὲ καὶ συνωρίδεσ καμήλων ἕξ,4 ἐξ ἑκατέρου μέρουσ τρεῖσ · "αἷσ ἐπηκολούθουν ἀπῆναι ὑφ’ ἡμιόνων ἀγόμεναι. "αὗται δ’ εἶχον σκηνὰσ βαρβαρικάσ, ὑφ’ ὧν ἐκάθηντο γυναῖκεσ Ἰνδαὶ καὶ ἕτεραι κεκοσμημέναι ὡσ αἰχμάλωτοι, κάμηλοι δ’ αἱ μὲν ἔφερον λιβανωτοῦ μνᾶσ τριακοσίασ, σμύρνησ τριακοσίασ, κρόκου καὶ κασίασ καὶ κινναμώμου καὶ ἴριδοσ καὶ τῶν λοιπῶν ἀρωμάτων διακοσίασ. "ἐχόμενοι τούτων ἦσαν Αἰθίοπεσ δωροφόροι, ὧν οἱ μὲν ἔφερον ὀδόντασ ἑξακοσίουσ, ἕτεροι δὲ ἐβένου κορμοὺσ δισχιλίουσ, ἄλλοι χρυσίου καὶ ἀργυρίου κρατῆρασ ἑξήκοντα καὶ ψήγματα χρυσοῦ. μεθ’ οὓσ ἐπόμπευσαν κυνηγοὶ β’ ἔχοντεσ σιβύνασ ἐπιχρύσουσ, ἤγοντο δὲ καὶ κύνεσ δισχίλιοι τετρακόσιοι, οἱ μὲν Ἰνδοί, οἱ λοιποὶ δὲ Ὑρκανοὶ καὶ Μολοσσοὶ καὶ ἑτέρων γενῶν. ἑξῆσ ἄνδρεσ ἑκατὸν πεντήκοντα φέροντεσ δένδρα, ἐξ ὧν ἀνήρτητο θηρία παντοδαπὰ καὶ ὄρνεα. "εἶτ’ ἐφέροντο ἐν ἀγγείοισ ψιττακοὶ καὶ ταῲ καὶ μελεαγρίδεσ καὶ φασιανοὶ ὄρνιθεσ καὶ ἄλλοι Αἰθιοπικοί· "πλήθει πολλοί. εἰπὼν δὲ καὶ ἄλλα πλεῖστα καὶ καταλέξασ ζῴων ἀγέλασ ἐπιφέρει· "πρόβατα Αἰθιοπικὰ ἑκατὸν τριάκοντα, Ἀράβια τριακόσια, Εὐβοικὰ εἴκοσι, καὶ ὁλόλευκοι βόεσ Ἰνδικοὶ εἴκοσι ἕξ, Αἰθιοπικοὶ ὀκτώ, ἄρκτοσ λευκὴ μεγάλη μία, παρδάλεισ ιδ’, πάνθηροι ισ’ ’, λυγκία δ’, ἄρκηλοι γ’, καμηλοπάρδαλισ μία, ῥινόκερωσ Αἰθιοπικὸσ α’, ἑξῆσ ἐπὶ τετρακύκλου Διόνυσοσ ἐπὶ τὸν τῆσ Ῥέασ βωμὸν καταπεφευγὼσ ὅτε ὑπὸ Ἥρασ ἐδιώκετο, στέφανον ἔχων χρυσοῦν, Πριάπου αὐτῷ παρεστῶτοσ ἐστεφανωμένου χρυσῷ κισσίνῳ. τὸ δὲ τῆσ Ἥρασ ἄγαλμα στεφάνην εἶχε χρυσῆν. Ἀλεξάνδρου δὲ καὶ Πτολεμαίου ἀγάλματα ἐστεφανωμένα στεφάνοισ κισσίνοισ ἐκ χρυσοῦ, τὸ δὲ τῆσ Ἀρετῆσ ἄγαλμα τὸ παρεστὸσ τῷ Πτολεμαίῳ στέφανον εἶχεν ἐλαίασ χρυσοῦν. καὶ Πρίαποσ δ’ αὐτοῖσ συμπαρῆν ἔχων στέφανον κίσσινον ἐκ χρυσοῦ. Κόρινθοσ δ’ ἡ πόλισ παρεστῶσα τῷ Πτολεμαίῳ ἐστεφάνωτο διαδήματι χρυσῷ. παρέκειντο δὲ πᾶσι τούτοισ κυλικεῖον μεστὸν χρυσωμάτων κρατήρ τε χρυσοῦσ μετρητῶν πέντε. "τῇ δὲ τετρακύκλῳ ταύτῃ ἠκολούθουν γυναῖκεσ ἔχουσαι ἱμάτια πολυτελῆ καὶ κόσμον προσηγορεύοντο δὲ πόλεισ, αἵ τε ἀπ’ Ιὠνίασ καὶ αἱ λοιπαὶ Ἑλληνίδεσ ὅσαι τὴν Ἀσίαν καὶ τὰσ νήσουσ κατοικοῦσαι ὑπὸ τοὺσ Πέρσασ ἐτάχθησαν ἐφόρουν δὲ πᾶσαι στεφάνουσ χρυσοῦσ, ἐφέρετο καὶ ἐπ’ ἄλλων τετρακύκλων θύρσοσ ἐνενηκοντάπηχυσ χρυσοῦσ καὶ λόγχη ἀργυρᾶ ἑξηκοντάπηχυσ καὶ ἐν ἄλλῃ φαλλὸσ χρυσοῦσ πηχῶν ρκ’ διαγεγραμμένοσ καὶ διαδεδεμένοσ στέμμασι διαχρύσοισ, ἔχων ἐπ’ ἄκρου ἀστέρα χρυσοῦν, οὗ ἦν ἡ περίμετροσ πηχῶν σ’. πολλῶν οὖν καὶ ποικίλων εἰρημένων ἐν ταῖσ πομπαῖσ ταύταισ μόνα ἐξελεξάμεθα ἐν οἷσ ἦν χρυσὸσ καὶ ἄργυροσ, καὶ γὰρ διαθέσεισ πολλαὶ ἀκοῆσ ἦσαν ἄξιαι καὶ θηρίων πλήθη καὶ ἵππων καὶ λέοντεσ παμμεγέθεισ εἴκοσι καὶ τέσσαρεσ.

"ἦσαν δὲ καὶ ἄλλαι τετράκυκλοι οὐ μόνον εἰκόνασ βασιλέων φέρουσαι, ἀλλὰ καὶ θεῶν πολλαί.

μεθ’ ἃσ χορὸσ ἐπόμπευσεν ἀνδρῶν ἑξακοσίων ἐν οἷσ κιθαρισταὶ συνεφώνουν τριακόσιοι, ἐπιχρύσουσ ἔχοντεσ ὅλασ κιθάρασ καὶ στεφάνουσ χρυσοῦσ, μεθ’ οὓσ ταῦροι διῆλθον δισχίλιοι ὁμοιοχρώματοι χρυσόκερῳ, προμετωπίδασ χρυσᾶσ καὶ ἀνὰ μέσον στεφάνουσ ὁρ́μουσ τε καὶ αἰγίδασ πρὸ τῶν στηθῶν ἔχοντεσ· "ἦν δ’ ἅπαντα ταῦτα χρυσᾶ, καὶ μετὰ ταῦτα Διὸσ ἤγετο πομπὴ καὶ ἄλλων παμπόλλων θεῶν καὶ ἐπὶ πᾶσιν Ἀλεξάνδρου, ὃσ ἐφ’ ἁρ́ματοσ ἐλεφάντων ἀληθινῶν ἐφέρετο χρυσοῦσ, Νίκην καὶ Ἀθηνᾶν ἐξ ἑκατέρου μέρουσ ἔχων. "ἐπόμπευσαν δὲ καὶ θρόνοι πολλοὶ ἐξ ἐλέφαντοσ καὶ χρυσοῦ κατεσκευασμένοι· "ὧν ἐφ’ ἑνὸσ μὲν ἔκειτο στεφάνη χρυσῆ, ἐπ’ ἄλλου δὲ κέρασ χρυσοῦν, ἐπ’ ἄλλου δὲ ἦν στέφανοσ χρυσοῦσ, καὶ ἐπ’ ἄλλου δὲ κέρασ ὁλόχρυσον. "ἐπὶ δὲ τὸν Πτολεμαίου τοῦ Σωτῆροσ θρόνον στέφανοσ ἐπέκειτο ἐκ μυρίων κατεσκευασμένοσ χρυσῶν, ἐπόμπευσε δὲ καὶ θυμιατήρια χρυσᾶ τριακόσια καὶ πεντήκοντα, καὶ βωμοὶ δὲ ἐπίχρυσοι ἐστεφανωμένοι χρυσοῖσ στεφάνοισ· "ὧν ἑνὶ παρεπεπήγεσαν δᾷδεσ χρυσοῖ δεκαπήχεισ τέσσαρεσ, ἐπόμπευσαν δὲ καὶ ἐσχάραι ἐπίχρυσοι β’, ὧν ἡ μὲν δωδεκάπηχυσ τῇ περιμέτρῳ, τεσσαρακοντάπηχυσ ὕψει, ἡ δὲ πηχῶν πεντεκαίδεκα. "ἐπόμπευσαν δὲ καὶ Δελφικοὶ τρίποδεσ χρυσοῖ ἐννέα ἐκ πηχῶν τεσσάρων, ἄλλοι ὀκτὼ πηχῶν ἕξ, ἄλλοσ πηχῶν τριάκοντα, ἐφ’ οὗ ἦν ζῷα χρυσᾶ πενταπήχη καὶ στέφανοσ κύκλῳ χρυσοῦσ ἀμπέλινοσ. "παρῆλθαν δὲ καὶ φοίνικεσ ἐπίχρυσοι ὀκταπήχεισ ἑπτὰ καὶ κηρύκειον ἐπίχρυσον πηχῶν τεσσαράκοντα πέντε καὶ κεραυνὸσ ἐπίχρυσοσ πηχῶν τεσσαράκοντα ναόσ τε ἐπίχρυσοσ, οὗ ἡ περίμετροσ πηχῶν μ’· "δίκερασ πρὸσ τούτοισ ὀκτάπηχυ. "πολὺ δὲ καὶ ζῴων πλῆθοσ ἐπιχρύσων συνεπόμπευεν, ὧν ἦν τὰ πολλὰ δωδεκαπήχη· "καὶ θηρία ὑπεράγοντα τοῖσ μεγέθεσι καὶ ἀετοὶ πηχῶν εἴκοσι, στέφανοί τε χρυσοῖ ἐπόμπευσαν τρισχίλιοι διακόσιοι, ἕτερόσ τε μυστικὸσ χρυσοῦσ λίθοισ πολυτελέσι κεκοσμημένοσ ὀγδοηκοντάπηχυσ· "· "οὗτοσ δὲ περιετίθετο τῷ τοῦ Βερενικείου θυρώματι· "αἰγίσ τε ὁμοίωσ χρυσῆ. ἐπόμπευσαν δὲ καὶ στεφάναι χρυσοῖ πάνυ πολλαί, ἃσ ἔφερον παιδίσκαι πολυτελῶσ κεκοσμημέναι· "ὧν μία δίπηχυσ εἰσ ὕψοσ, τὴν δὲ περίμετρον ἔχουσα ἑκκαίδεκα πηχῶν, ἐπόμπευσε δὲ καὶ θώραξ χρυσοῦσ πηχῶν δώδεκα καὶ ἕτεροσ ἀργυροῦσ πηχῶν ιη’,2 ἔχων ἐφ’ ἑαυτοῦ κεραυνοὺσ χρυσοῦσ δεκαπήχεισ δύο καὶ στέφανον δρυὸσ διάλιθον. "ἀσπίδεσ χρυσοῖ εἴκοσι, πανοπλίαι χρυσοῖ ξδ’, κνημῖδεσ χρυσοῖ τριπήχεισ β’, λεκάναι χρυσοῖ δεκαδύο, φιάλαι πολλαὶ πάνυ τὸν ἀριθμόν, οἰνοχόοι τριάκοντα, ἐξάλειπτρα μεγάλα δέκα, ὑδρίαι δεκαδύο, μαζονόμια πεντήκοντα, τράπεζαι διάφοροι, κυλικεῖα χρυσωμάτων πέντε, κέρασ ὁλόχρυσον πηχῶν λ’. ταῦτα δὲ τὰ χρυσώματα ἐκτὸσ ἦν τῶν ἐν τῇ τοῦ Διονύσου πομπῇ διενεχθέντων. "εἶτ’ ἀργυρωμάτων ἅμαξαι τετρακόσιοι καὶ χρυσωμάτων εἴκοσι, ἀρωμάτων δὲ ὀκτακόσιαι. "ἐπὶ δὲ πᾶσιν ἐπόμπευσαν αἱ δυνάμεισ αἱ ἱππικοὶ καὶ πεζικαί, πᾶσαι καθωπλισμέναι θαυμασίωσ. "πεζοὶ μὲν εἰσ πέντε μυριάδασ καὶ ἑπτακισχιλίουσ καὶ ἑξακοσίουσ, ἱππεῖσ δὲ δισμύριοι τρισχίλιοι διακόσιοι, πάντεσ δ’ οὗτοι ἐπόμπευσαν τὴν ἁρμόζουσαν ἑκάστῳ ἠμφιεσμένοι στολὴν καὶ τὰσ προσηκούσασ ἔχοντεσ πανοπλίασ, ἐκτὸσ δ’ ὧν πάντεσ οὗτοι εἶχον πανοπλιῶν καὶ ἄλλαι πλεῖστοι ἦσαν ἀποκείμενοι, ὧν οὐδὲ τὸν ἀριθμὸν ἀναγράψαι ῥᾴδιον. κατέλεξε δ’ αὐτὸν ὁ Καλλίξεινοσ.

"ἐστεφανώθησαν δ’ ἐν τῷ ἀγῶνι καὶ στεφάνοισ χρυσοῖσ εἰκόσι, Πτολεμαῖοσ δὲ ὁ πρῶτοσ καὶ Βερενίκη εἰκόσι τρισὶν ἐφ’ ἁρμάτων χρυσῶν καὶ τεμένεσιν ἐν Δωδώνῃ, καὶ ἐγένετο τὸ δαπάνημα τοῦ νομίσματοσ τάλαντα δισχίλια διακόσια τριάκοντα ἐννέα, μναῖ πεντήκοντα· "καὶ ταῦτ’ ἠριθμήθη πάντα τοῖσ οἰκονόμοισ διὰ τὴν τῶν στεφανούντων προθυμίαν πρὸ τοῦ τὰσ θέασ παρελθεῖν. ὁ δὲ Φιλάδελφοσ Πτολεμαῖοσ υἱὸσ αὐτῶν εἰκόσι χρυσαῖσ δυσὶ μὲν ἐφ’ ἁρμάτων χρυσῶν, ἐπὶ δὲ κιόνων ἑξαπήχει μιᾷ, πενταπήχεσι πέντε, τετραπήχεσι ἕξ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 5, book 5, chapter 31

(아테나이오스, The Deipnosophists, Book 5, book 5, chapter 31)

상위

목록

SEARCH

MENU NAVIGATION