Athenaeus, The Deipnosophists, Book 5, book 5, chapter 31 3:

(아테나이오스, The Deipnosophists, Book 5, book 5, chapter 31 3:)

"ἦσαν δὲ καὶ ἄλλαι τετράκυκλοι οὐ μόνον εἰκόνασ βασιλέων φέρουσαι, ἀλλὰ καὶ θεῶν πολλαί. μεθ’ ἃσ χορὸσ ἐπόμπευσεν ἀνδρῶν ἑξακοσίων ἐν οἷσ κιθαρισταὶ συνεφώνουν τριακόσιοι, ἐπιχρύσουσ ἔχοντεσ ὅλασ κιθάρασ καὶ στεφάνουσ χρυσοῦσ, μεθ’ οὓσ ταῦροι διῆλθον δισχίλιοι ὁμοιοχρώματοι χρυσόκερῳ, προμετωπίδασ χρυσᾶσ καὶ ἀνὰ μέσον στεφάνουσ ὁρ́μουσ τε καὶ αἰγίδασ πρὸ τῶν στηθῶν ἔχοντεσ· "ἦν δ’ ἅπαντα ταῦτα χρυσᾶ, καὶ μετὰ ταῦτα Διὸσ ἤγετο πομπὴ καὶ ἄλλων παμπόλλων θεῶν καὶ ἐπὶ πᾶσιν Ἀλεξάνδρου, ὃσ ἐφ’ ἁρ́ματοσ ἐλεφάντων ἀληθινῶν ἐφέρετο χρυσοῦσ, Νίκην καὶ Ἀθηνᾶν ἐξ ἑκατέρου μέρουσ ἔχων. "ἐπόμπευσαν δὲ καὶ θρόνοι πολλοὶ ἐξ ἐλέφαντοσ καὶ χρυσοῦ κατεσκευασμένοι· "ὧν ἐφ’ ἑνὸσ μὲν ἔκειτο στεφάνη χρυσῆ, ἐπ’ ἄλλου δὲ κέρασ χρυσοῦν, ἐπ’ ἄλλου δὲ ἦν στέφανοσ χρυσοῦσ, καὶ ἐπ’ ἄλλου δὲ κέρασ ὁλόχρυσον. "ἐπὶ δὲ τὸν Πτολεμαίου τοῦ Σωτῆροσ θρόνον στέφανοσ ἐπέκειτο ἐκ μυρίων κατεσκευασμένοσ χρυσῶν, ἐπόμπευσε δὲ καὶ θυμιατήρια χρυσᾶ τριακόσια καὶ πεντήκοντα, καὶ βωμοὶ δὲ ἐπίχρυσοι ἐστεφανωμένοι χρυσοῖσ στεφάνοισ· "ὧν ἑνὶ παρεπεπήγεσαν δᾷδεσ χρυσοῖ δεκαπήχεισ τέσσαρεσ, ἐπόμπευσαν δὲ καὶ ἐσχάραι ἐπίχρυσοι β’, ὧν ἡ μὲν δωδεκάπηχυσ τῇ περιμέτρῳ, τεσσαρακοντάπηχυσ ὕψει, ἡ δὲ πηχῶν πεντεκαίδεκα. "ἐπόμπευσαν δὲ καὶ Δελφικοὶ τρίποδεσ χρυσοῖ ἐννέα ἐκ πηχῶν τεσσάρων, ἄλλοι ὀκτὼ πηχῶν ἕξ, ἄλλοσ πηχῶν τριάκοντα, ἐφ’ οὗ ἦν ζῷα χρυσᾶ πενταπήχη καὶ στέφανοσ κύκλῳ χρυσοῦσ ἀμπέλινοσ. "παρῆλθαν δὲ καὶ φοίνικεσ ἐπίχρυσοι ὀκταπήχεισ ἑπτὰ καὶ κηρύκειον ἐπίχρυσον πηχῶν τεσσαράκοντα πέντε καὶ κεραυνὸσ ἐπίχρυσοσ πηχῶν τεσσαράκοντα ναόσ τε ἐπίχρυσοσ, οὗ ἡ περίμετροσ πηχῶν μ’· "δίκερασ πρὸσ τούτοισ ὀκτάπηχυ. "πολὺ δὲ καὶ ζῴων πλῆθοσ ἐπιχρύσων συνεπόμπευεν, ὧν ἦν τὰ πολλὰ δωδεκαπήχη· "καὶ θηρία ὑπεράγοντα τοῖσ μεγέθεσι καὶ ἀετοὶ πηχῶν εἴκοσι, στέφανοί τε χρυσοῖ ἐπόμπευσαν τρισχίλιοι διακόσιοι, ἕτερόσ τε μυστικὸσ χρυσοῦσ λίθοισ πολυτελέσι κεκοσμημένοσ ὀγδοηκοντάπηχυσ· "οὗτοσ δὲ περιετίθετο τῷ τοῦ Βερενικείου θυρώματι· "αἰγίσ τε ὁμοίωσ χρυσῆ. ἐπόμπευσαν δὲ καὶ στεφάναι χρυσοῖ πάνυ πολλαί, ἃσ ἔφερον παιδίσκαι πολυτελῶσ κεκοσμημέναι· "ὧν μία δίπηχυσ εἰσ ὕψοσ, τὴν δὲ περίμετρον ἔχουσα ἑκκαίδεκα πηχῶν, ἐπόμπευσε δὲ καὶ θώραξ χρυσοῦσ πηχῶν δώδεκα καὶ ἕτεροσ ἀργυροῦσ πηχῶν ιη’,2 ἔχων ἐφ’ ἑαυτοῦ κεραυνοὺσ χρυσοῦσ δεκαπήχεισ δύο καὶ στέφανον δρυὸσ διάλιθον. "ἀσπίδεσ χρυσοῖ εἴκοσι, πανοπλίαι χρυσοῖ ξδ’, κνημῖδεσ χρυσοῖ τριπήχεισ β’, λεκάναι χρυσοῖ δεκαδύο, φιάλαι πολλαὶ πάνυ τὸν ἀριθμόν, οἰνοχόοι τριάκοντα, ἐξάλειπτρα μεγάλα δέκα, ὑδρίαι δεκαδύο, μαζονόμια πεντήκοντα, τράπεζαι διάφοροι, κυλικεῖα χρυσωμάτων πέντε, κέρασ ὁλόχρυσον πηχῶν λ’. ταῦτα δὲ τὰ χρυσώματα ἐκτὸσ ἦν τῶν ἐν τῇ τοῦ Διονύσου πομπῇ διενεχθέντων. "εἶτ’ ἀργυρωμάτων ἅμαξαι τετρακόσιοι καὶ χρυσωμάτων εἴκοσι, ἀρωμάτων δὲ ὀκτακόσιαι. "ἐπὶ δὲ πᾶσιν ἐπόμπευσαν αἱ δυνάμεισ αἱ ἱππικοὶ καὶ πεζικαί, πᾶσαι καθωπλισμέναι θαυμασίωσ. "πεζοὶ μὲν εἰσ πέντε μυριάδασ καὶ ἑπτακισχιλίουσ καὶ ἑξακοσίουσ, ἱππεῖσ δὲ δισμύριοι τρισχίλιοι διακόσιοι, πάντεσ δ’ οὗτοι ἐπόμπευσαν τὴν ἁρμόζουσαν ἑκάστῳ ἠμφιεσμένοι στολὴν καὶ τὰσ προσηκούσασ ἔχοντεσ πανοπλίασ, ἐκτὸσ δ’ ὧν πάντεσ οὗτοι εἶχον πανοπλιῶν καὶ ἄλλαι πλεῖστοι ἦσαν ἀποκείμενοι, ὧν οὐδὲ τὸν ἀριθμὸν ἀναγράψαι ῥᾴδιον.

일치하는 문장이 없습니다.

SEARCH

MENU NAVIGATION