헬라어 문장 검색 - ΑτηενάΤηεΔειπ

(아테나이오스, The Deipnosophists, Book 5, book 5, chapter 2)

δοκεῖ γὰρ ἔχειν πρὸσ φιλίαν τι ὁ οἶνοσ ἑλκυστικόν, παραθερμαίνων τὴν ψυχὴν καὶ διαχέων. διόπερ οὐδὲ πρότερον ἠρώτων οἵτινεσ εἰε͂ν ἀλλ’ ὕστερον, ὡσ τὴν ξενίαν αὐτὴν τιμῶντεσ, ἀλλ’ οὐ τοὺσ ἐν μέρει καὶ καθ’ ἕκαστον ἡμῶν. τῶν δὲ νῦν δείπνων προνοοῦντεσ οἱ νομοθέται τά τε φυλετικὰ δεῖπνα καὶ τὰ δημοτικὰ προσέταξαν, ἔτι δὲ τοὺσ θιάσουσ καὶ τὰ φρατρικὰ καὶ πάλιν τά ὀργεωνικὰ λεγόμενα, πολλῶν γοῦν εἰσι φιλοσόφων ἐν ἄστει σύνοδοι τῶν μὲν Διογενιστῶν, τῶν δὲ Ἀντιπατριστῶν λεγομένων, τῶν δὲ Παναιτιαστῶν. κατέλιπε δὲ καὶ Θεόφραστοσ εἰσ τὴν τοιαύτην σύνοδον χρήματα, μὰ Δί’ οὐχ ἵνα ἀκολασταίνωσι συνιόντεσ, ἀλλ’ ἵνα τὰ κατὰ τὸν τοῦ συμποσίου λόγον σωφρόνωσ καὶ πεπαιδευμένωσ διεξάγωσι. συνεδείπνουν δ’ ὁσημέραι οἱ περὶ πρύτανιν σώφρονα καὶ σωτήρια τῶν πόλεων σύνδειπνα. "ἑσπέρα μὲν γάρ ἦν, ἧκε δὲ ἀγγέλλων τισ ὡσ τοὺσ πρυτάνεισ ὡσ Ἐλάτεια κατείληπται. καὶ τοῖσ φιλοσόφοισ δὲ ἐπιμελὲσ ἦν συνάγουσι τοὺσ νέουσ μετ’ αὐτῶν πρόσ τινα τεταγμένον νόμον εὐωχεῖσθαι.

τοῦ γοῦν Ξενοκράτουσ ἐν Ἀκαδημείᾳ καὶ πάλιν Ἀριστοτέλουσ συμποτικοί τινεσ ἦσαν νόμοι, τὰ δ’ ἐν Σπάρτῃ φιδίτια καὶ τὰ παρὰ τοῖσ Κρησὶν ἀνδρεῖα μετὰ πάσησ ἐπιμελείασ αἱ πόλεισ συνῆγον. διὸ καί τισ οὐ κακῶσ ἔφη· οὐ χρὴ συμποσίοιο φίλουσ ἀπέχεσθαι ἑταίρουσ δηρὸν ἀνάμνησισ δὲ πέλει χαριεστάτη αὕτη. Ἀντίπατροσ δ’ ὁ φιλόσοφοσ συμπόσιόν ποτε συνάγων συνέταξε τοῖσ ἐρχομένοισ ὡσ περὶ σοφισμάτων ἐροῦσιν.

Ἀρκεσίλαον δέ φησιν εἰσ συμπόσιον παρακληθέντα καὶ συγκατακλιθέντα ἑνὶ τῶν βορῶσ ἐσθιόντων, αὐτὸν δὲ μηδενὸσ ἀπολαῦσαι δυνάμενον, ἐπεί τισ αὐτῷ τῶν παρόντων ἐξέτεινεν, φάναι εὖ σοι γένοιτο, Τηλέφῳ δ’ ἁγὼ νοῶ· ἔτυχε δ’ ὁ κατοψοφαγῶν Τήλεφοσ καλούμενοσ. ὁ δὲ Ζήνων ἐπεί τισ τῶν παρόντων ὀψοφάγων ἀπέσυρεν ἅμα τῷ παρατεθῆναι τὸ ἐπάνω τοῦ ἰχθύοσ, στρέψασ καὶ αὐτὸσ τὸν ἰχθὺν ἀπέσυρεν ἐπιλέγων Ἰνὼ δὲ τἀπὶ θάτερ’ ἐξειργάζετο. "ὦ παρόντεσ, ἔφη, τίσ ὑμῶν τῷ μὲν ἄρτῳ ὡσ ὄψῳ χρῆται, τῷ δ’ ὄψῳ ὡσ ἄρτῳ;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Athenaeus, The Deipnosophists, Book 5, book 5, chapter 2

(아테나이오스, The Deipnosophists, Book 5, book 5, chapter 2)

상위

목록

SEARCH

MENU NAVIGATION