호흡부호 보기
강세부호 보기
장단부호 보기
작은 Iota 보기
모든 부호 보기
ἀπικόμενοσ δὲ ὁ Ἀρισταγόρησ ἐσ τὰσ Σάρδισ λέγει πρὸσ τὸν Ἀρταφρένεα ὡσ Νάξοσ εἰή νῆσοσ μεγάθεϊ μὲν οὐ μεγάλη, ἄλλωσ δὲ καλή τε καὶ ἀγαθὴ καὶ ἀγχοῦ Ιὠνίησ, χρήματα δὲ ἔνι πολλὰ καὶ ἀνδράποδα. "σὺ ὦν ἐπὶ ταύτην τὴν χώρην στρατηλάτεε, κατάγων ἐσ αὐτὴν τοὺσ φυγάδασ ἐξ αὐτῆσ. καί τοι ταῦτα ποιήσαντι τοῦτο μὲν ἐστὶ ἕτοιμα παρ’ ἐμοὶ χρήματα μεγάλα πάρεξ τῶν ἀναισιμωμάτων τῇ στρατιῇ·
ταῦτα μὲν γὰρ δίκαιον ἡμέασ τοὺσ ἄγοντασ παρέχειν ἐστί· τοῦτο δὲ νήσουσ βασιλέι προσκτήσεαι αὐτήν τε Νάξον καὶ τὰσ ἐκ ταύτησ ἠρτημένασ, Πάρον καὶ Ἄνδρον καὶ ἄλλασ τὰσ Κυκλάδασ καλευμένασ. ἐνθεῦτεν δὲ ὁρμώμενοσ εὐπετέωσ ἐπιθήσεαι Εὐβοίῃ νήσῳ μεγάλῃ τε καὶ εὐδαίμονι, οὐκ ἐλάσσονι Κύπρου καὶ κάρτα εὐπετέι αἱρεθῆναι.
ἀποχρῶσι δὲ ἑκατὸν νέεσ ταύτασ πάσασ χειρώσασθαι. " ὁ δὲ ἀμείβετο αὐτὸν τοῖσιδε. "σὺ ἐσ οἶκον τὸν βασιλέοσ ἐξηγητὴσ γίνεαι πρηγμάτων ἀγαθῶν, καὶ ταῦτα εὖ παραινέεισ πάντα, πλὴν τῶν νεῶν τοῦ ἀριθμοῦ·
ἀντὶ δὲ ἑκατὸν νεῶν διηκόσιαί τοι ἕτοιμοι ἔσονται ἅμα τῷ ἐάρι. δεῖ δὲ τούτοισι καὶ αὐτὸν βασιλέα συνέπαινον γίνεσθαι.
호흡부호 보기
강세부호 보기
장단부호 보기
작은 Iota 보기
모든 부호 보기