헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 64)

διαφθαρέντων δὲ τούτων ἐπαρθέντεσ οἱ Αἰκανοὶ τῷ προτερήματι παρῆσαν ἐπὶ τὸν χάρακα τῶν Ῥωμαίων, τήν τε τοῦ Ποπλίου κεφαλὴν ἐπὶ δορατίου πεπηγυῖαν ἀνατείνοντεσ καὶ τῶν ἄλλων ἀνδρῶν τῶν ἐπιφανῶν, ὡσ δὴ τούτῳ καταπληξόμενοι τοὺσ ἔνδον καὶ ἀναγκάσοντεσ παραδοῦναι σφίσι τὰ ὅπλα. τοῖσ δ’ ἄρα πρὸσ μὲν τὴν συμφορὰν τῶν ἀπολωλότων ἔλεόσ τισ παρέστη καὶ ἀνεκλάοντο αὐτῶν τὴν τύχην, πρὸσ δὲ τὸν ἀγῶνα θράσοσ διπλάσιον ἐνέφυ, καὶ τοῦ νικᾶν ἢ τὸν αὐτὸν ἐκείνοισ τρόπον ἀποθανεῖν, πρὶν εἰσ πολεμίων χεῖρασ ἐλθεῖν, καλὸσ ἔρωσ. ἐκείνην μὲν οὖν τὴν νύκτα παρεστρατοπεδευκότων τῷ χάρακι τῶν πολεμίων ἄγρυπνοί τε οἱ Ῥωμαῖοι καὶ ἐπισκευάζοντεσ τὰ πεπονηκότα τοῦ χάρακοσ διετέλεσαν, τά τ’ ἄλλα, οἷσ ἀπερύκειν ἔμελλον αὐτούσ, εἰ πειραθεῖεν πάλιν τειχομαχεῖν πολλὰ καὶ παντοῖα εὐτρεπιζόμενοι.

τῇ δ’ ἑξῆσ αἵ τε προσβολαὶ πάλιν ἐγίνοντο, καὶ ὁ χάραξ διεσπᾶτο κατὰ πολλὰ μέρη·

καὶ πολλάκισ μὲν ὑπὸ τῶν ἐξιόντων κατὰ συστροφὰσ ἐκ τοῦ χάρακοσ ἐξεκρούσθησαν οἱ Αἰκανοί, πολλάκισ δ’ ἀνεκόπησαν ὑπ’ ἐκείνων οἱ θρασύτερον ἐπεξιόντεσ. καὶ τοῦτο δι’ ὅλησ τῆσ ἡμέρασ ἐγίνετο·

ἔνθα ὅ θ’ ὕπατοσ ὁ τῶν Ῥωμαίων σαυνίῳ διὰ τοῦ θυρεοῦ διαπερονηθεὶσ τιτρώσκεται τὸν μηρόν, καὶ ἄλλοι συχνοὶ τῶν ἐπιφανῶν, ὅσοι περὶ αὐτὸν ἐμάχοντο· ἤδη δὲ τοῖσ Ῥωμαίοισ ἀπειρηκόσιν ἀπροσδόκητοσ ἐπιφαίνεται περὶ δείλην ὀψίαν προσιὼν Κοίντιοσ, ἄγων τὴν ἐθελούσιον ἐπικουρίαν τῶν ἀκμαιοτάτων, οὓσ ἰδόντεσ οἱ πολέμιοι προσιόντασ ἀνέστρεφον ἀφέντεσ τὴν πολιορκίαν ἀτελῆ· καὶ οἱ Ῥωμαῖοι ἐπεξελθόντεσ αὐτοῖσ ἀπιοῦσι τοὺσ ὑστερίζοντασ ἐφόνευον. οὐ μέντοι ἐπὶ πολύν γε χρόνον ἐδίωξαν ἀσθενεῖσ ὄντεσ οἱ πολλοὶ ὑπὸ τραυμάτων, ἀλλὰ διὰ τάχουσ ἀνέστρεψαν.

καὶ μετὰ ταῦτα διὰ φυλακῆσ εἶχον ἑκάτεροι σφᾶσ αὐτοὺσ μένοντεσ ἐν ταῖσ παρεμβολαῖσ ἄχρι πολλοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 64

(디오니시오스, Antiquitates Romanae, Books VII-IX, book 9, chapter 64)

상위

목록

SEARCH

MENU NAVIGATION