헬라어 문장 검색 - Διονψσ́Αντιθυι

(디오니시오스, Antiquitates Romanae, Books VII-IX, book 9, chapter 10)

καὶ πολλὰ μεταξὺ τῶν λόγων ἐκχέοντοσ δάκρυα, λοχαγῶν τε καὶ ταξιάρχων καὶ τῶν ἄλλων στρατιωτῶν ἕκαστον, ᾧ συνῄδει τι λαμπρὸν ἔργον ἐν μάχαισ ἀποδειξαμένῳ, κατ’ ὄνομα ἀνακαλοῦντοσ, καὶ πολλὰ καὶ μεγάλα τοῖσ ἀριστεύσασι κατὰ τὴν μάχην φιλάνθρωπα δώσειν ὑπισχνουμένου πρὸσ τὸ τῶν πράξεων μέγεθοσ, τιμάσ τε καὶ πλούτουσ καὶ τὰσ ἄλλασ βοηθείασ, ἀναβοήσεισ ἐξ ἁπάντων ἐγίνοντο θαρρεῖν τε παρακελευομένων καὶ ἄγειν ἐπὶ τὸν ἀγῶνα ἀξιούντων. ἐπειδὴ δ’ ἐπαύσατο, προέρχεταί τισ ἐκ τοῦ πλήθουσ, Μάρκοσ Φλαβολήιοσ ὄνομα, ἀνὴρ δημοτικὸσ μὲν καὶ αὐτουργόσ, οὐ μὴν τῶν ἀπερριμμένων τισ, ἀλλὰ τῶν ἐπαινουμένων δἰ ἀρετὴν καὶ τὰ πολέμια ἄλκιμοσ, καὶ δι’ ἄμφω ταῦτα ἑνὸσ τῶν ταγμάτων τῇ λαμπροτάτῃ ἀρχῇ κεκοσμημένοσ, ᾗ τὰσ ἑξήκοντα ἑκατονταρχίασ ἕπεσθαί τε καὶ τὸ κελευόμενον ὑπηρετεῖν κελεύει ὁ νόμοσ.

τούτουσ Ῥωμαῖοι τοὺσ ἡγεμόνασ τῇ πατρίῳ γλώττῃ πριμοπίλουσ καλοῦσιν.

οὗτοσ ὁ ἀνήρ ‐ ἦν δὲ πρὸσ τοῖσ ἄλλοισ μέγασ τε καὶ καλὸσ ἰδεῖν ‐ στάσ, ὅθεν ἅπασιν ἔμελλεν ἔσεσθαι φανερόσ, Ἐπεὶ τοῦτ’, ἔφησεν, ὦ ὕπατοι, δεδοίκατε, μὴ τὰ ἔργα ἡμῶν οὐχ ὅμοια γένηται τοῖσ λόγοισ, ἐγὼ πρῶτοσ ὑμῖν ὑπὲρ ἐμαυτοῦ τὸ βέβαιον τῆσ ὑποσχέσεωσ ἐκ τῆσ μεγίστησ πίστεωσ παρέξομαι·

καὶ ὑμεῖσ δ’, ὦ πολῖται τε καὶ τῆσ αὐτῆσ κοινωνοὶ τύχησ, ὅσοι διεγνώκατε εἰσ ἴσον καταστῆσαι τὰ ἔργα τοῖσ λόγοισ, οὐκ ἂν ἁμαρτάνοιτε ταὐτὸ ποιοῦντεσ ἐμοί. ταῦτ’ εἰπὼν καὶ τὸ ξίφοσ ἀνατείνασ ὤμοσε τὸν ἐπιχώριόν τε Ῥωμαίοισ καὶ κράτιστον ὁρ́κον, τὴν ἀγαθὴν ἑαυτοῦ πίστιν, νικήσασ τοὺσ πολεμίουσ ἥξειν εἰσ τὴν πόλιν, ἄλλωσ δ’ οὔ. τοῦτον ὀμόσαντοσ τοῦ Φλαβοληίου τὸν ὁρ́κον πολὺσ ἐξ ἁπάντων ἔπαινοσ ἐγένετο· καὶ αὐτίκα οἵ τε ὕπατοι ἀμφότεροι ταὐτὸν ἔδρων καὶ οἱ τὰσ ἐλάττουσ ἔχοντεσ στρατηγίασ χιλίαρχοί τε καὶ λοχαγοί, τελευτῶσα δ’ ἡ πληθύσ.

ἐπεὶ δὲ τοῦτ’ ἐγένετο, πολλὴ μὲν εὐθυμία πᾶσιν ἐνέπεσε, πολλὴ δὲ φιλότησ ἀλλήλων, θάρσοσ τ’ αὖ καὶ μένοσ· καὶ ἀπελθόντεσ ἐκ τῆσ ἐκκλησίασ, οἱ μὲν ἵπποισ χαλινοὺσ ἐνέβαλλον, οἱ δὲ ξίφη καὶ λόγχασ ἔθηγον, οἱ δὲ τὰ σκεπαστήρια τῶν ὅπλων ἐξέματτον·

καὶ ὀλίγου πᾶσα ἦν ἕτοιμοσ εἰσ τὸν ἀγῶνα ἡ στρατιά. οἱ δ’ ὕπατοι τοὺσ θεοὺσ εὐχαῖσ τε καὶ θυσίαισ καὶ λιταῖσ ἐπικαλεσάμενοι τῆσ ἐξόδου σφίσι γενέσθαι ἡγεμόνασ, ἐξῆγον ἐκ τοῦ χάρακοσ ἐν τάξει καὶ κόσμῳ τὸν στρατόν.

καὶ οἱ Τυρρηνοὶ κατιόντασ αὐτοὺσ ἐκ τῶν ἐρυμάτων ἰδόντεσ ἐθαύμασάν τε καὶ ἀντεπεξῄεσαν ἁπάσῃ τῇ δυνάμει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books VII-IX, book 9, chapter 10

(디오니시오스, Antiquitates Romanae, Books VII-IX, book 9, chapter 10)

상위

목록

SEARCH

MENU NAVIGATION