헬라어 문장 검색 - Διοδορ́Λιβραρψ́9́60́

(디오도로스 시켈로스, Library, book xvi, chapter 91)

ἐπ’ ἄρχοντοσ δ’ Ἀθήνησι Πυθοδώρου Ῥωμαῖοι μὲν κατέστησαν ὑπάτουσ Κόιντον Πόπλιον καὶ Τιβέριον Αἰμίλιον Μάμερκον, Ὀλυμπιὰσ δ’ ἤχθη πρώτη πρὸσ ταῖσ ἑκατὸν καὶ δέκα, καθ’ ἣν ἐνίκα στάδιον Κλεόμαντισ Κλειτόριοσ. ἐπὶ δὲ τούτων Φίλιπποσ ὁ βασιλεὺσ ἡγεμὼν ὑπὸ τῶν Ἑλλήνων καθεσταμένοσ καὶ τὸν πρὸσ Πέρσασ πόλεμον ἐνστησάμενοσ Ἄτταλον μὲν καὶ Παρμενίωνα προαπέστειλεν εἰσ τὴν Ἀσίαν, μέροσ τῆσ δυνάμεωσ δοὺσ καὶ προστάξασ ἐλευθεροῦν τὰσ Ἑλληνίδασ πόλεισ, αὐτὸσ δὲ σπεύδων μὲν μετὰ τῆσ τῶν θεῶν γνώμησ ἐπανελέσθαι τὸν πόλεμον ἐπηρώτησε τὴν Πυθίαν εἰ κρατήσει τοῦ βασιλέωσ τῶν Περσῶν.

ἡ δ’ ἔχρησεν αὐτῷ τόνδε τὸν χρησμόν· ἔστεπται μὲν ὁ ταῦροσ, ἔχει τέλοσ, ἔστιν ὁ θύσων. ὁ μὲν οὖν Φίλιπποσ σκολιῶσ ἔχοντοσ τοῦ χρησμοῦ πρὸσ τὸ ἴδιον συμφέρον ἐξεδέχετο τὸ λόγιον, ὡσ τοῦ μαντείου προλέγοντοσ τὸν Πέρσην ἱερείου τρόπον τυθήσεσθαι·

τὸ δ’ ἀληθὲσ οὐχ οὕτωσ εἶχεν, ἀλλὰ τοὐναντίον ἐσήμαινεν ἐν πανηγύρει καὶ θεῶν θυσίαισ τὸν Φίλιππον ὥσπερ τὸν ταῦρον ἐστεμμένον σφαγήσεσθαι. οὐ μὴν ἀλλὰ δόξασ συμμαχεῖν αὐτῷ τοὺσ θεοὺσ περιχαρὴσ ἦν, ὡσ τῆσ Ἀσίασ ὑπὸ Μακεδόνασ ἐσομένησ αἰχμαλώτου.

εὐθὺσ οὖν θυσίασ μεγαλοπρεπεῖσ ἐπετέλει τοῖσ θεοῖσ καὶ τῆσ θυγατρὸσ Κλεοπάτρασ τῆσ ἐξ Ὀλυμπιάδοσ συνετέλει γάμουσ καὶ ταύτην Ἀλεξάνδρῳ συνῴκισε τῷ βασιλεῖ τῶν Ἠπειρωτῶν, ἀδελφῷ δὲ ὄντι γνησίῳ τῆσ Ὀλυμπιάδοσ. ἅμα δὲ ταῖσ τῶν θεῶν τιμαῖσ βουλόμενοσ ὡσ πλείστουσ τῶν Ἑλλήνων μετασχεῖν τῆσ εὐωχίασ ἀγῶνάσ τε μουσικοὺσ μεγαλοπρεπεῖσ ἐποίει καὶ λαμπρὰσ ἑστιάσεισ τῶν φίλων καὶ ξένων.

διόπερ ἐξ ἁπάσησ τῆσ Ἑλλάδοσ μετεπέμπετο τοὺσ ἰδιοξένουσ καὶ τοῖσ ἑαυτοῦ φίλοισ παρήγγειλε παραλαμβάνειν τῶν ἀπὸ τῆσ ξένησ γνωρίμων ὡσ πλείστουσ.

σφόδρα γὰρ ἐφιλοτιμεῖτο φιλοφρονεῖσθαι πρὸσ τοὺσ Ἕλληνασ καὶ διὰ τὰσ δεδομένασ αὐτῷ τῆσ ὅλησ ἡγεμονίασ τιμὰσ ταῖσ προσηκούσαισ ὁμιλίαισ ἀμείβεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 91

(디오도로스 시켈로스, Library, book xvi, chapter 91)

상위

목록

SEARCH

MENU NAVIGATION