헬라어 문장 검색 - Διοδορ́Λιβραρψ́9́58́

(디오도로스 시켈로스, Library, book xvi, chapter 84)

ἐπ’ ἄρχοντοσ δ’ Ἀθήνησι Χαρώνδου τὴν ὕπατον ἀρχὴν διεδέξαντο Λεύκιοσ Αἰμίλιοσ καὶ Γάιοσ Πλώτιοσ. ἐπὶ δὲ τούτων Φίλιπποσ ὁ βασιλεὺσ τοὺσ πλείστουσ τῶν Ἑλλήνων εἰσ φιλίαν προηγμένοσ ἐφιλοτιμεῖτο καὶ τοὺσ Ἀθηναίουσ καταπληξάμενοσ ἀδήριτον ἔχειν τὴν ἡγεμονίαν τῆσ Ἑλλάδοσ. διόπερ ἄφνω καταλαβόμενοσ Ἐλάτειαν πόλιν καὶ τὰσ δυνάμεισ εἰσ ταύτην ἀθροίσασ διέγνω πολεμεῖν τοῖσ Ἀθηναίοισ.

ἀπαρασκεύων δ’ ὄντων αὐτῶν διὰ τὴν συντεθειμένην εἰρήνην ἤλπιζε ῥᾳδίωσ περιποιήσεσθαι τὴν νίκην· ὅπερ καὶ συνετελέσθη. καταληφθείσησ γὰρ τῆσ Ἐλατείασ ἧκόν τινεσ νυκτὸσ ἀπαγγέλλοντεσ τὴν κατάληψιν τῆσ πόλεωσ καὶ διότι ταχέωσ ἥξει Φίλιπποσ μετὰ τῆσ δυνάμεωσ εἰσ τὴν Ἀττικήν. οἱ δὲ στρατηγοὶ τῶν Ἀθηναίων διὰ τὸ παράδοξον τῆσ πράξεωσ καταπλαγέντεσ τούσ τε σαλπικτὰσ μετεπέμποντο καὶ σημαίνειν προσέταττον δι’ ὅλησ τῆσ νυκτόσ.

τῆσ δὲ φήμησ εἰσ πᾶσαν οἰκίαν διαδοθείσησ ἡ μὲν πόλισ ὀρθὴ διὰ τὸν φόβον ἦν, ὁ δὲ δῆμοσ ἅπασ ἅμ’ ἡμέρᾳ συνέδραμεν εἰσ τὸ θέατρον πρὸ τοῦ συγκαλέσαι τοὺσ ἄρχοντασ ὡσ ἦν ἔθοσ. ὡσ δ’ ἧκον οἱ στρατηγοὶ καὶ τὸν μηνύσαντα παρῆγον κἀκεῖνοσ εἶπεν, σιωπὴ μὲν καὶ φόβοσ κατεῖχε τὸ θέατρον καὶ τῶν εἰωθότων δημηγορεῖν οὐδεὶσ ἐτόλμα συμβουλεῦσαι·

πλεονάκισ δὲ τοῦ κήρυκοσ καλέσαντοσ τοὺσ ἐροῦντασ ὑπὲρ τῆσ κοινῆσ σωτηρίασ οὐδεὶσ παρῄει σύμβουλοσ. ἀπορίασ οὖν μεγάλησ οὔσησ καὶ καταπλήξεωσ ἀπέβλεπε τὸ πλῆθοσ ἐπὶ τὸν Δημοσθένην.

ὁ δ’ καταβὰσ καὶ τὸν δῆμον παρακαλέσασ θαρρεῖν ἀπεφαίνετο δεῖν παραχρῆμα πρέσβεισ ἀποστέλλειν εἰσ τὰσ Θήβασ καὶ παρακαλεῖν τοὺσ Βοιωτοὺσ κοινῇ τὸν ὑπὲρ τῆσ ἐλευθερίασ ἀγῶνα τίθεσθαι· πρὸσ γὰρ τοὺσ ἄλλουσ συμμάχουσ ὁ καιρὸσ οὐ συνεχώρει πέμπειν πρεσβείασ περὶ τῆσ συμμαχίασ. ἐν ἡμέραισ γὰρ δυσὶ προσδόκιμοσ ἦν ὁ βασιλεὺσ ἥξειν εἰσ τὴν Ἀττικὴν καὶ τῆσ ὁδοιπορίασ οὔσησ διὰ τῆσ Βοιωτίασ ἡ παρὰ τῶν Βοιωτῶν συμμαχία μόνη κατελείπετο, φανεροῦ γ’ ὄντοσ ὅτι Φίλιπποσ, φίλοσ ὢν καὶ σύμμαχοσ Βοιωτοῖσ, τούτουσ ἐν παρόδῳ πειράσεται παραλαβεῖν εἰσ τὸν κατ’ Ἀθηναίων πόλεμον. τοῦ δὲ δήμου τὸν λόγον ἀποδεξαμένου καὶ τοῦ περὶ τῆσ πρεσβείασ ψηφίσματοσ ὑπὸ Δημοσθένουσ γραφέντοσ ὁ μὲν δῆμοσ ἐζήτει τὸν δυνατώτατον εἰπεῖν·

ὁ δὲ Δημοσθένησ ὑπήκουσε προθύμωσ πρὸσ τὴν χρείαν. τέλοσ δ’ ὀξέωσ πρεσβεύσασ καὶ πείσασ ἐπανῆλθεν εἰσ τὰσ Ἀθήνασ. ὁ δὲ δῆμοσ τῇ τῶν Βοιωτῶν συμμαχίᾳ διπλασάσασ τὴν προϋπάρχουσαν δύναμιν ἀνεθάρρησε ταῖσ ἐλπίσιν. εὐθὺ δὲ καὶ στρατηγοὺσ κατέστησε τοὺσ περὶ Χάρητα καὶ Λυσικλέα καὶ πανδημεὶ μετὰ τῶν ὅπλων ἐξέπεμψε τοὺσ στρατιώτασ εἰσ τὴν Βοιωτίαν.

τῶν δὲ νέων ἁπάντων προθύμωσ εἰσ τὸν ἀγῶνα καταντώντων οὗτοι μὲν κατὰ σπουδὴν ὁδοιπορήσαντεσ ἧκον εἰσ Χαιρώνειαν τῆσ Βοιωτίασ· οἱ δὲ Βοιωτοὶ θαυμάσαντεσ τὴν ὀξύτητα τῆσ τῶν Ἀθηναίων παρουσίασ καὶ αὐτοὶ σπουδῆσ οὐδὲν ἐλλείποντεσ ἀπήντησαν μετὰ τῶν ὅπλων καὶ κοινῇ στρατοπεδεύσαντεσ ὑπέμενον τὴν τῶν πολεμίων ἔφοδον. Φίλιπποσ δὲ τὸ μὲν πρῶτον ἐξέπεμψεν ἐπὶ τὸ κοινὸν τῶν Βοιωτῶν πρέσβεισ, ὧν ἦν ἐπιφανέστατοσ Πύθων.

οὗτοσ γὰρ διαβεβοημένοσ ἐπὶ τῇ τοῦ λόγου δεινότητι καὶ συγκριθεὶσ παρὰ τοῖσ Βοιωτοῖσ κατὰ τὴν περὶ τῆσ συμμαχίασ δημηγορίαν πρὸσ Δημοσθένην τῶν μὲν ἄλλων ἐπρώτευσεν, τούτου δὲ ἐφάνη καταδεέστεροσ. καὶ ὁ Δημοσθένησ δὲ αὐτὸσ ὡσ μέγα τι κατειργασμένοσ ἐν τοῖσ συγγεγραμμένοισ ὑπ’ αὐτοῦ λόγοισ συμνύνεται τῇ πρὸσ τὸν ῥήτορα τοῦτον δημηγορίᾳ ἐν οἷσ λέγειτότ’ ἐγὼ μὲν τῷ Πύθωνι θρασυνομένῳ καὶ πολλῷ ῥέοντι καθ’ ὑμῶν οὐχ ὑπεχώρησα.

μετὰ δὲ ταῦθ’ ὁ Φίλιπποσ ἀποτυχὼν τῆσ τῶν Βοιωτῶν συμμαχίασ οὐδὲν ἧττον ἔκρινε πρὸσ ἀμφοτέρουσ διαγωνίσασθαι·

διὸ καὶ προσαναμείνασ τοὺσ ἀφυστεροῦντασ τῶν συμμάχων ἧκεν εἰσ τὴν Βοιωτίαν, ἔχων πεζοὺσ μὲν πλείουσ τῶν τρισμυρίων, ἱππεῖσ δὲ οὐκ ἔλαττον τῶν δισχιλίων. ἀμφοτέρων δὲ πρὸσ τὴν μάχην εὐτρεπῶν γενομένων τοῖσ μὲν φρονήμασι καὶ ταῖσ προθυμίαισ, ἔτι δὲ ταῖσ ἀνδραγαθίαισ ἐφάμιλλοι καθειστήκεισαν, τῷ δὲ πλήθει καὶ τῇ κατὰ τὴν στρατηγίαν ἀρετῇ προεῖχεν ὁ βασιλεύσ.

πολλὰσ γὰρ καὶ ποικίλασ παρατάξεισ ἠγωνισμένοσ καὶ ἐν ταῖσ πλείσταισ μάχαισ νενικηκὼσ μεγάλην εἶχεν ἐμπειρίαν τῶν κατὰ πόλεμον ἔργων.

παρὰ δὲ τοῖσ Ἀθηναίοισ οἱ μὲν ἀγαθώτατοι τῶν στρατηγῶν ἐτετελευτήκεισαν, Ἰφικράτησ καὶ Χαβρίασ, ἔτι δὲ Τιμόθεοσ, τῶν δ’ ὑπολελειμμένων Χάρησ πρωτεύων οὐδὲν διέφερε τῶν τυχόντων ἰδιωτῶν κατὰ τὴν ἐν τῷ στρατηγεῖν ἐνέργειαν καὶ βουλήν. ἅμα δ’ ἡμέρᾳ τῶν δυνάμεων ἐκταττομένων ὁ μὲν βασιλεὺσ τὸν υἱὸν Ἀλέξανδρον, ἀντίπαιδα τὴν ἡλικίαν ὄντα, διάδηλον δὲ τὴν ἀνδρείαν καὶ τὴν ὀξύτητα τῆσ ἐνεργείασ ἔχοντα, κατέστησεν ἐπὶ θάτερον τῶν κεράτων, παρακαταστήσασ αὐτῷ τῶν ἡγεμόνων τοὺσ ἀξιολογωτάτουσ·

αὐτὸσ δὲ τοὺσ ἐπιλέκτουσ ἔχων μεθ’ ἑαυτοῦ τὴν ἡγεμονίαν εἶχε τοῦ ἑτέρου μέρουσ καὶ τὰσ κατὰ μέροσ τάξεισ οἰκείωσ τοῖσ παροῦσι καιροῖσ διεκόσμησεν. οἱ δ’ Ἀθηναῖοι κατ’ ἔθνοσ τὴν διαίρεσιν τῆσ τάξεωσ ποιησάμενοι τοῖσ μὲν Βοιωτοῖσ τὸ ἕτερον μέροσ παρέδωκαν, αὐτοὶ δὲ τοῦ λοιποῦ τὴν ἡγεμονίαν εἶχον.

γενομένησ δὲ μάχησ καρτερᾶσ ἐπὶ πολὺν χρόνον καὶ πολλῶν πιπτόντων παρ’ ἀμφοτέροισ μέχρι μέν τινοσ ὁ ἀγὼν ἀμφιδοξουμένασ εἶχε τὰσ ἐλπίδασ τῆσ νίκησ. μετὰ δὲ ταῦτα τοῦ Ἀλεξάνδρου φιλοτιμουμένου τῷ πατρὶ τὴν ἰδίαν ἀνδραγαθίαν ἐνδείξασθαι καὶ φιλοτιμίασ ὑπερβολὴν οὐκ ἀπολείποντοσ, ὁμοίωσ δὲ καὶ πολλῶν αὐτῷ συναγωνιζομένων ἀνδρῶν ἀγαθῶν πρῶτοσ τὸ συνεχὲσ τῆσ τῶν πολεμίων τάξεωσ ἔρρηξε καὶ πολλοὺσ καταβαλὼν κατεπόνει τοὺσ καθ’ αὑτὸν τεταγμένουσ.

τὸ δ’ αὐτὸ καὶ τῶν παραστατῶν αὐτῷ ποιησάντων τὸ συνεχὲσ αἰεὶ τῆσ τάξεωσ παρερρήγνυτο.

πολλῶν δὲ σωρευομένων νεκρῶν οἱ περὶ τὸν Ἀλέξανδρον πρῶτοι βιασάμενοι τοὺσ καθ’ αὑτοὺσ ἐτρέψαντο. μετὰ δὲ ταῦτα καὶ ὁ βασιλεὺσ αὐτὸσ προκινδυνεύων καὶ τῆσ νίκησ τὴν ἐπιγραφὴν οὐδ’ αὐτῷ παραχωρῶν Ἀλεξάνδρῳ τὸ μὲν πρῶτον ἐξέωσε τῇ βίᾳ τοὺσ ἀντιτεταγμένουσ, ἔπειτα δὲ καὶ φεύγειν συναναγκάσασ αἴτιοσ ἐγένετο τῆσ νίκησ. τῶν δ’ Ἀθηναίων ἔπεσον μὲν ἐν τῇ μάχῃ πλείουσ τῶν χιλίων, ἥλωσαν δ’ οὐκ ἐλάττουσ τῶν δισχιλίων.

ὁμοίωσ δὲ καὶ τῶν Βοιωτῶν πολλοὶ μὲν ἀνῃρέθησαν, οὐκ ὀλίγοι δ’ ἐζωγρήθησαν.

μετὰ δὲ τὴν μάχην ὁ Φίλιπποσ τρόπαιον στήσασ καὶ τοὺσ νεκροὺσ εἰσ ταφὴν συγχωρήσασ ἐπινίκια τοῖσ θεοῖσ ἔθυσε καὶ τοὺσ ἀνδραγαθήσαντασ κατὰ τὴν ἀξίαν ἐτίμησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xvi, chapter 84

(디오도로스 시켈로스, Library, book xvi, chapter 84)

상위

목록

SEARCH

MENU NAVIGATION